Nayagaon News : ਪੀ.ਜੀ.ਆਈ ਅਤੇ ਸੈਕਟਰ 15 ਤਕ ਇਲਾਕਾ ਪਾਣੀ 'ਚ ਡੁੱਬ ਸਕਦਾ ਹੈ: ਜੋਸ਼ੀ
Nayagaon News in Punjabi : ਪਟਿਆਲਾ ਦੀ ਰਾਓ ਨਦੀ ਦੇ ਤੇਜ਼ ਵਹਾਅ ਕਾਰਨ ਨਵਾਂਗਾਂਵ ਦੀ ਖੁੱਡਾ ਲਹੌਰਾ ਤੋਂ ਨਾਡਾ ਤੱਕ ਦੀ ਸੜਕ 'ਤੇ ਹੋਟਲ ਹਿੱਲ ਵਿਊ ਦੇ ਸਾਹਮਣੇ ਅਤੇ ਨਾਡਾ ਪੁਲ ਤੋਂ ਥੋੜ੍ਹਾ ਅੱਗੇ ਸੜਕ ਵਹਿ ਗਈ ਹੈ, ਜਿਸਨੂੰ ਠੀਕ ਕਰਨ ਦਾ ਕਾਰਜ ਅਜੇ ਵੀ ਪੂਰਾ ਨਹੀਂ ਹੋਇਆ ਹੈ। ਜੇਕਰ ਮੀਂਹ ਪੈ ਗਿਆ ਤਾਂ 18 ਫੁੱਟ ਚੌੜੀ ਸੜਕ ਦਾ ਬਾਕੀ ਬਚਿਆ ਇੱਕ ਫੁੱਟ ਦਾ ਹਿੱਸਾ ਵੀ ਵਹਿ ਜਾਵੇਗਾ। ਇਹ ਕਹਿਣਾ ਹੈ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਸੀਨੀਅਰ ਨੇਤਾ ਵਿਨੀਤ ਜੋਸ਼ੀ ਦਾ।
ਤਿੰਨ ਸਤੰਬਰ ਨੂੰ ਸਵੇਰੇ 11:30 ਵਜੇ ਤੋਂ ਰਾਤ 11 ਵਜੇ ਤਕ ਸੇਵਾ ਕਰਨ ਦੇ ਬਾਅਦ, ਜੋਸ਼ੀ ਅੱਜ ਸਵੇਰੇ ਤੋਂ ਹੀ ਮੌਕੇ 'ਤੇ ਡਟੇ ਹੋਏ ਸਨ। ਜੋਸ਼ੀ ਦੇ ਨਾਲ ਭਾਜਪਾ ਦੇ ਮੰਡਲ ਪ੍ਰਧਾਨ ਜੋਗਿੰਦਰ ਪਾਲ, ਜ਼ਿਲ੍ਹਾ ਮੀਤ ਪ੍ਰਧਾਨ ਅਤੇ ਪਾਰਸ਼ਦ ਸੁਰਿੰਦਰ ਕੋਸ਼ਿਸ਼ ਬਬਲ, ਜ਼ਿਲ੍ਹਾ ਸਕੱਤਰ ਭੂਪਿੰਦਰ ਭੁੱਪੀ, ਐਸ.ਸੀ. ਮੋਰਚਾ ਦੇ ਜ਼ਿਲ੍ਹਾ ਪ੍ਰਧਾਨ ਅਤੇ ਪਾਰਸ਼ਦ ਪ੍ਰਮੋਦ ਕੁਮਾਰ, ਪਾਰਸ਼ਦ ਵਿਨੋਦ ਬਿੰਦੌਲੀਆ, ਪਾਰਸ਼ਦ ਹਰਮੇਸ਼ ਨੱਟੂ, ਨਰੇਸ਼ ਗੁੱਜਰ ਨਾਡਾ, ਸੰਜੇ ਗੁਪਤਾ, ਹਜ਼ੂਰਾ ਸਿੰਘ ਬਬਲਾ, ਸ਼ਿਵਾ ਸੋਨੂ, ਅਤੁਲ ਅਰੋੜਾ, ਸੁਸ਼ੀਲ ਲੋਹਾਨ, ਮੱਖਣ ਨਾਡਾ, ਦੀਪ ਢਿੱਲੋਂ, ਸੰਜੇ ਚੌਧਰੀ, ਦੇਵੇਸ਼ ਕੋਸ਼ਿਸ਼ ਅਤੇ ਸਾਹਿਲ ਵੀ ਡਟੇ ਹੋਏ ਸਨ।
ਮੌਸਮ ਵਿਭਾਗ ਵੱਲੋਂ ਮੀਂਹ ਦੀ ਚੇਤਾਵਨੀ ਜਾਰੀ ਕੀਤੇ ਜਾਣ ਤੋਂ ਬਆਦ ਨਵਾਂਗਾਂਵ ਵਾਸੀ, ਖਾਸਕਰ ਵਿਕਾਸ ਨਗਰ ਅਤੇ ਜਨਤਾ ਕਾਲੋਨੀ ਦੇ ਲਗਭਗ ਦਸ ਹਜ਼ਾਰ ਘਰਾਂ ਦੇ ਲੋਕ ਡਰੇ ਹੋਏ ਹਨ।
ਜੋਸ਼ੀ ਨੇ ਚੇਤਾਵਨੀ ਦਿੱਤੀ ਕਿ ਜੇਕਰ ਨਦੀ ਦੇ ਵਹਾਅ ਕਾਰਨ ਸੜਕ ਟੁੱਟ ਗਈ ਤੋਂ ਨਵਾਂਗਾਂਵ ਦੇ ਨਾਲ-ਨਾਲ ਪੀ.ਜੀ.ਆਈ ਅਤੇ ਸੈਕਟਰ 15 ਤਕ ਦਾ ਇਲਾਕਾ ਪਾਣੀ ਵਿੱਚ ਡੁੱਬ ਜਾਵੇਗਾ।
ਜੋਸ਼ੀ ਨੇ ਪ੍ਰਸ਼ਾਸਨ ਨੂੰ ਬੇਨਤੀ ਕੀਤੀ ਕਿ ਉਹ ਬਚਾਅ ਕਾਰਜਾਂ ਵਿੱਚ ਤੇਜ਼ੀ ਲਿਆਉਣ, ਨਹੀਂ ਤਾਂ ਕੋਈ ਵੱਡਾ ਨੁਕਸਾਨ ਹੋ ਸਕਦਾ ਹੈ।
(For more news apart from Patiala Rao river High flow, administration does not expedite rescue operations, major damage News in Punjabi, stay tuned to Rozana Spokesman)
