ਪਟਿਆਲਾ, 19 ਜੁਲਾਈ (ਰਣਜੀਤ ਰਾਣਾ ਰੱਖੜਾ) : ਅੱਜ ਅਰਨਾਬਰਨਾ ਚੌਂਕ ਵਿਖੇ ਲੱਗੇ ਏ.ਟੀ.ਐਮ. ਨੂੰ ਚੋਰਾਂ ਵਲੋਂ ਤੋੜ ਕੇ ਚੋਰੀ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ।
ਪਟਿਆਲਾ, 19 ਜੁਲਾਈ (ਰਣਜੀਤ ਰਾਣਾ ਰੱਖੜਾ) : ਅੱਜ ਅਰਨਾਬਰਨਾ ਚੌਂਕ ਵਿਖੇ ਲੱਗੇ ਏ.ਟੀ.ਐਮ. ਨੂੰ ਚੋਰਾਂ ਵਲੋਂ ਤੋੜ ਕੇ ਚੋਰੀ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ। ਏ.ਟੀ.ਐਮ. ਦੇ ਕੈਸ਼ ਬੋਕਸ 'ਤੇ ਲਗਿਆ ਤਾਲਾ ਨਾ ਟੁੱਟਣ ਕਰ ਕੇ ਵੱਡੀ ਵਾਰਦਾਤ ਤੋਂ ਬਚਾਅ ਹੋ ਗਿਆ ਪਰ ਚੋਰ 16 ਹਜ਼ਾਰ ਰੁਪਏ ਚੋਰੀ ਕਰ ਕੇ ਫ਼ਰਾਰ ਹੋਣ 'ਚ ਕਾਮਯਾਬ ਰਹੇ। ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਘਟਨਾ ਵਾਲੀ ਥਾਂ 'ਤੇ ਪਹੁੰਚ ਕੇ ਜਾਇਜ਼ਾ ਲਿਆ ਗਿਆ।
ਜਾਣਕਾਰੀ ਅਨੁਸਾਰ ਦੇਰ ਰਾਤ ਦੋ ਵਜੇ ਦੇ ਕਰੀਬ ਦੋ ਨੌਜਵਾਨ ਅਪਣੇ ਹੱਥ ਮੂੰਹ ਬਣ ਕੇ ਏ.ਟੀ.ਐਮ. ਅੰਦਰ ਦਾਖ਼ਲ ਹੋਏ। ਜਿਨ੍ਹਾਂ ਵਲੋਂ ਏ.ਟੀ.ਐਮ. ਦਾ ਤਾਲਾ ਤੋੜਨ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਕਾਮਯਾਬ ਹੋ ਨਾ ਸਕੇ। ਇਸ ਤੋਂ ਬਾਅਦ ਵੀ ਲੱਗਭਗ ਅੱਧਾ ਘੰਟਾ ਉਨ੍ਹਾਂ ਨੌਜਵਾਨਾ ਵਲੋਂ ਤਾਲਾ ਤੋੜਨ ਦੀ ਕੋਸ਼ਿਸ਼ ਕੀਤੀ ਗਈ ਫਿਰ ਵੀ ਕਾਮਯਾਬ ਨਾ ਹੋਏ। ਇਸੇ ਦੌਰਾਨ ਏ.ਟੀ.ਐਮ. ਮਸ਼ੀਨ 'ਚੋਂ 16 ਹਜ਼ਾਰ ਰੁਪਏ ਨੌਜਵਾਨਾਂ ਦੇ ਹੱਥ ਲੱਗੇ ਜਿਸ ਨੂੰ ਲੈ ਕੇ ਉਹ ਫ਼ਰਾਰ ਹੋ ਗਏ। ਚੋਰਾਂ ਵਲੋਂ ਏ.ਟੀ.ਐਮ. ਮਸ਼ੀਨ 'ਚ ਦਾਖ਼ਲ ਹੋ ਕੇ ਭੰਨਤੋੜ ਕਰਨ ਤਕ ਦੀ ਸਾਰੀ ਹਰਕਤਾਂ ਏ.ਟੀ.ਐਮ. ਚ ਲੱਗੇ ਸੀ.ਸੀ.ਟੀ.ਵੀ. ਕੈਮਰਿਆਂ 'ਚ ਕੈਦ ਹੋ ਗਈਆਂ। ਇਸ ਸਬੰਧੀ ਥਾਣਾ ਕੋਤਵਾਲੀ ਪਟਿਆਲਾ ਦੇ ਮੁਖੀ ਇੰਸਪੈਕਟਰ ਰਾਹੁਲ ਕੌਸ਼ਲ ਦੇ ਨਾਲ ਸੰਪਰਕ ਕਰਨ 'ਤੇ ਉਨ੍ਹਾਂ ਦਸਿਆ ਕਿ ਦੋ ਅਣਪਛਾਤੇ ਵਿਅਕਤੀਆਂ ਵਿਰੁਧ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿਤੀ ਗਈ ਹੈ।