ਸ਼ਾਹੀਨ ਬਾਗ਼ ਪ੍ਰਦਰਸ਼ਨ ਦੇ ਅੱਜ 23ਵੇਂ ਦਿਨ ਮੌਸਮ ਦੇ ਖ਼ਰਾਬ ਹੋਣ ਤੇ ਤੇਜ ਹਨੇਰੀ ਕਾਰਨ ਦੇਸ਼ ਦੀਆਂ ਧੀਆਂ ਨੇ ਮੋਰਚਾ ਸੰਭਾਲ ਕੇ ਅਪਣਾ ਪ੍ਰਦਰਸ਼ਨ ਜਾਰੀ ਰਖਿਆ
ਲੁਧਿਆਣਾ (ਆਰ.ਪੀ. ਸਿੰਘ, ਰਾਣਾ ਮੱਲ ਤੇਜੀ) : ਸ਼ਾਹੀਨ ਬਾਗ਼ ਪ੍ਰਦਰਸ਼ਨ ਦੇ ਅੱਜ 23ਵੇਂ ਦਿਨ ਮੌਸਮ ਦੇ ਖ਼ਰਾਬ ਹੋਣ ਤੇ ਤੇਜ ਹਨੇਰੀ ਕਾਰਨ ਦੇਸ਼ ਦੀਆਂ ਧੀਆਂ ਨੇ ਮੋਰਚਾ ਸੰਭਾਲ ਕੇ ਅਪਣਾ ਪ੍ਰਦਰਸ਼ਨ ਜਾਰੀ ਰਖਿਆ। ਸ਼ਹਿਰ ਦੀਆਂ ਵੱਖ-ਵੱਖ ਰਾਜਨੀਤੀ ਅਤੇ ਸਮਾਜਕ ਸੰਸਥਾਵਾਂ ਦੇ ਆਗੂਆਂ ਨੇ ਵੀ ਸ਼ਾਹੀਨ ਬਾਗ਼ ਵਿਚ ਪੁੱਜ ਕੇ ਕੇਂਦਰ ਸਰਾਕਰ ਖ਼ਿਲਾਫ਼ ਵਿਰੋਧ ਦਰਜ ਕਰਵਾਇਆ।
Central Government
ਲੁਧਿਆਣਾ ਕਾਂਗਰਸ ਘੱਟ ਗਿਣਤੀ ਵਿਭਾਗ ਦੇ ਚੇਅਰਮੈਨ ਅੱਬਾਸ ਰਾਜਾ ਨੇ ਕਿਹਾ ਕਿ ਭਾਰਤ ਦੀ ਏਕਤਾ ਅਤੇ ਅਖੰਡਤਾ ਨੂੰ ਬਚਾਉਣ ਲਈ ਕੇਂਦਰ ਸਰਕਾਰ ਵਲੋਂ ਬਣਾਏ ਗਏ ਕਾਲੇ ਕਾਨੂੰਨ ਦਾ ਵਿਰੋਧ ਕਰਨਾ ਜ਼ਰੂਰੀ ਹੈ। ਅੱਬਾਸ ਰਾਜਾ ਨੇ ਕਿਹਾ ਕਿ ਲੁਧਿਆਣਾ ਦਾ ਸ਼ਾਹੀਨ ਬਾਗ਼ ਪੰਜਾਬ ਭਰ ਦੇ ਲੋਕਾਂ ਲਈ ਆਪਸੀ ਭਾਈਚਾਰੇ ਅਤੇ ਏਕਤਾ ਦਾ ਪ੍ਰਤੀਕ ਬਣ ਗਿਆ ਹੈ।
PM Narendra Modi
ਉਨ੍ਹਾਂ ਕਿਹਾ ਕਿ ਮੋਦੀ ਸਰਕਾਰ ਹਰ ਕਦਮ 'ਤੇ ਬੁਰੀ ਤਰ੍ਹਾਂ ਨਾਲ ਫੇਲÎ ਹੁੰਦੀ ਜਾ ਰਹੀ ਹੈ, ਵਿਕਾਸ ਅਤੇ ਰੁਜ਼ਗਾਰ ਦਾ ਮੁੱਦਾ ਗ਼ਾਇਬ ਕਰ ਦਿਤਾ ਗਿਆ ਹੈ।
ਨਾਇਬ ਸ਼ਾਹੀ ਇਮਾਮ ਮੌਲਾਨਾ ਮੁਹਮੰਦ ਉਸਮਾਨ ਰਹਿਮਾਨੀ ਲੁਧਿਆਣਵੀਂ ਨੇ ਕਿਹਾ ਕਿ ਅਸੀਂ ਸਾਰੇ ਧਰਮਾਂ ਦੇ ਲੋਕਾਂ ਨੂੰ ਸ਼ਾਹੀਨ ਬਾਗ਼ 'ਚ ਰੋਜ਼ਾਨਾ ਸੁਣਦੇ ਹਾਂ, ਜਿਸ ਨਾਲ ਸਾਡੇ ਅੰਦਰ ਕੌਮੀ ਏਕਤਾ ਅਤੇ ਆਪਸੀ ਭਾਈਚਾਰੇ ਦਾ ਜਜਬਾ ਮਜਬੂਤ ਹੁੰਦਾ ਹੈ।
File Photo
ਬੱਚਿਆਂ ਨੇ ਪੇਸ਼ ਕੀਤੇ ਦੇਸ਼ ਭਗਤੀ ਦੇ ਗੀਤ
ਦਾਣਾ ਮੰਡੀ ਵਿਚ ਚੱਲ ਰਹੇ ਸ਼ਾਹੀਨ ਬਾਗ਼ ਦੇ ਅੱਜ 23ਵੇਂ ਦਿਨ ਉਸ ਸਮੇਂ ਸਾਰੇ ਪ੍ਰਦਰਸ਼ਨਕਾਰੀਆਂ ਨੇ ਕੌਮੀ ਏਕਤਾ ਜ਼ਿੰਦਾਬਾਦ, ਭਾਰਤਵੰਸ਼ ਜ਼ਿੰਦਾਬਾਦ ਦੇ ਨਾਹਰੇ ਲਗਾਏ, ਜਦੋਂ ਜਾਮਿਆ ਹਬੀਬਿਆ ਫ਼ੀਲਡ ਗੰਜ ਚੌਕ ਤੋਂ ਆਏ ਇਸਲਾਮੀ ਮਦਰਸੇ ਦੇ ਬੱਚਿਆਂ ਨੇ ਦੇਸ਼ ਭਗਤੀ ਦੇ ਗੀਤ ਸੁਣਾਏ। ਵਿਦਿਆਰਥੀ ਸਦਰੇ ਆਲਮ ਨੇ ਕਿਹਾ ਕਿ ਝੁਕਨੇ ਨਹੀਂ ਦੇਂਗੇ ਭਾਰਤ ਕਾ ਪ੍ਰਚਮ, ਮਦਰਸਾ ਮਾਇਆਪੁਰੀ ਦੀ ਧੀ ਆਇਸ਼ਾ ਨੇ 'ਹਮ ਹੈ ਹਿੰਦੂਸਤਾਨੀ, ਹਮ ਹੈ ਹਿੰਦੂਸਤਾਨੀ ਗਾਇਆ।
ਸੀ.ਐਮ.ਸੀ ਦੀ ਵਿਦਿਆਰਥਣ ਪੈਗੰਬਰੀ ਖਾਤੂਨ ਨੇ ਕਿਹਾ ਕਿ 'ਖ਼ੂਨ ਸੇ ਹਮ ਨੇ ਸੀਂਚਾ ਸਦਾ ਕੌਣ ਕਹਿਤਾ ਹੈ ਭਾਰਤ ਹਮਾਰਾ ਨਹੀਂ, ਕਤਲ ਕਰਦੋ ਮੇਰਾ ਯਹ ਹਮੇਂ ਮੰਜੂਰ ਨਹੀਂ, ਛੋੜਨਾ ਮੁਲਕ ਹਮ ਕੋ ਹਰਗਿਜ਼ ਗਵਾਰਾ ਨਹੀਂ'।
