ਕਿਹਾ, ਜਿੱਤੇ ਪੈਸੇ ਸਮਾਜ ਦੀ ਬਿਹਤਰੀ ਲਈ ਖ਼ਰਚ ਕਰਾਂਗਾ
ਸ਼ਿਮਲਾ ਦੇ ਰਹਿਣ ਵਾਲੇ ਅਭਿਨਵ ਵਰਮਾ ਕਰੋੜਪਤੀ ਬਣ ਗਿਆ ਹੈ। ਦਸ ਦਈਏ ਕਿ ਅਭਿਨਵ ਨੇ ਪੰਜਾਬ ਸਰਕਾਰ ਦੇ ਡੀਅਰ ਹੋਲੀ ਬੰਪਰ ਦੇ ਪਹਿਲੇ ਇਨਾਮ ’ਚ 2.50 ਕਰੋੜ ਰੁਪਏ ਜਿੱਤੇ ਹਨ। ਅਭਿਨਵ ਵਲੋਂ ਦਸਿਆ ਗਿਆ ਕਿ ਉਹ ਕਾਰੋਬਾਰ ਲਈ ਲੁਧਿਆਣਾ ਆਇਆ ਸੀ ਤੇ ਪਹਿਲੀ ਵਾਰ ਆਪਣੀ ਕਿਸਮਤ ਅਜ਼ਮਾਉਣ ਲਈ, ਉਸ ਨੇ ਇਹ ਟਿਕਟ ਲੁਧਿਆਣਾ ਵਿਖੇ ਘੰਟਾਘਰ ਨੇੜੇ ਸੰਜੇ ਏਜੰਸੀ ਤੋਂ ਖਰੀਦੀ ਸੀ।
ਉਸ ਨੇ ਕਿਹਾ ਕਿ ਲਾਟਰੀ ਤੋਂ ਜਿੱਤੇ ਪੈਸੇ ਨੂੰ ਸਮਾਜ ਦੀ ਭਲਾਈ ਲਈ ਵਰਤੇਗਾ। ਪੰਜਾਬ ਸਰਕਾਰ ਦੇ ਡੀਅਰ ਹੋਲੀ ਬੰਪਰ ਦਾ ਪਹਿਲਾ ਇਨਾਮ ਸੰਜੇ ਏਜੰਸੀ, ਲੁਧਿਆਣਾ ਦੁਆਰਾ ਵੇਚੀ ਗਈ ਟਿਕਟ ’ਤੇ ਜਿੱਤਿਆ ਗਿਆ ਹੈ। ਇਸ ਦਾ ਜੇਤੂ ਸ਼ਿਮਲਾ ਨਿਵਾਸੀ ਅਭਿਨਵ ਵਰਮਾ ਹੈ। ਇਸ ਵਿਚ ਇਨਾਮੀ ਰਾਸ਼ੀ 2.50 ਕਰੋੜ ਰੁਪਏ ਹੈ। ਇਸ ਸਬੰਧ ਵਿਚ ਆਯੋਜਿਤ ਇਕ ਸਮਾਗਮ ’ਚ ਸਪੈਸ਼ਲ ਡਿਸਟਰੀਬਿਊਟਰਜ਼ ਦੇ ਅਧਿਕਾਰੀਆਂ ਦੁਆਰਾ ਸਟਾਕਿਸਟਾਂ ਤੇ ਜੇਤੂਆਂ ਨੂੰ ਸਨਮਾਨਤ ਕੀਤਾ ਗਿਆ।
ਜੇਤੂ ਅਭਿਨਵ ਵਰਮਾ ਨੇ ਦੱਸਿਆ ਕਿ ਉਹ ਕਾਰੋਬਾਰ ਲਈ ਲੁਧਿਆਣਾ ਆਇਆ ਸੀ ਅਤੇ ਪਹਿਲੀ ਵਾਰ ਆਪਣੀ ਕਿਸਮਤ ਅਜ਼ਮਾਉਣ ਲਈ, ਉਸ ਨੇ ਇਹ ਟਿਕਟ ਘੰਟਾਘਰ, ਲੁਧਿਆਣਾ ਵਿਖੇ ਸਥਿਤ ਸੰਜੇ ਏਜੰਸੀਆਂ ਤੋਂ ਖ਼ਰੀਦੀ ਅਤੇ ਪਹਿਲੀ ਹੀ ਕੋਸ਼ਿਸ਼ ਵਿਚ ਉਹ ਕਰੋੜਪਤੀ ਬਣ ਗਿਆ। ਜੇਤੂ ਨੇ ਕਿਹਾ ਕਿ ਉਹ ਲਾਟਰੀ ਦੇ ਪੈਸੇ ਦਾ ਕੁਝ ਹਿੱਸਾ ਸਮਾਜ ਭਲਾਈ ਦੇ ਕੰਮਾਂ ’ਤੇ ਖਰਚ ਕਰੇਗਾ।
