image
ਰਾਹੁਲ ਨੇ ਘੇਰੀ ਮੋਦੀ ਸਰਕਾਰ
ਕਿਹਾ- 'ਮਿੱਤਰੋਂ' ਵਾਲਾ ਰਾਫ਼ੇਲ ਹੈ, ਸਵਾਲ ਕਰੋ ਤਾਂ ਜੇਲ ਹੈ'
ਨਵੀਂ ਦਿੱਲੀ, 6 ਜੁਲਾਈ : ਰਾਫ਼ੇਲ ਸੌਦੇ 'ਚ ਹੋਏ ਭਿ੍ਸ਼ਟਾਚਾਰ ਨੂੰ ਲੈ ਕੇ ਫ਼ਰਾਂਸ 'ਚ ਨਿਆਂਇਕ ਜਾਂਚ ਸ਼ੁਰੂ ਹੋ ਗਈ ਹੈ, ਜਿਸ ਨੂੰ ਲੈ ਕੇ ਕਾਂਗਰਸ ਲਗਾਤਾਰ ਮੋਦੀ ਸਰਕਾਰ 'ਤੇ ਸ਼ਬਦੀ ਵਾਰ ਕਰ ਰਹੀ ਹੈ | ਰਾਫ਼ੇਲ ਸੌਦੇ ਦੇ ਮੁੱਦੇ 'ਤੇ ਰਾਹੁਲ ਗਾਂਧੀ ਨੇ ਇਕ ਵਾਰ ਫਿਰ ਤੋਂ ਮੋਦੀ ਸਰਕਾਰ ਨੂੰ ਘੇਰਿਆ ਹੈ | ਰਾਹੁਲ ਨੇ ਰਾਫ਼ੇਲ ਸੌਦੇ ਦੇ ਨਾਲ-ਨਾਲ ਮੋਦੀ ਸਰਕਾਰ 'ਤੇ ਵੀ ਨਿਸ਼ਾਨਾ ਸਾਧਿਆ ਹੈ | ਰਾਹੁਲ ਗਾਂਧੀ ਨੇ ਟਵੀਟ ਕਰ ਕੇ ਮੋਦੀ ਸਰਕਾਰ 'ਤੇ ਨਿਸ਼ਾਨਾ ਸਾਧਿਆ ਅਤੇ ਲਿਖਿਆ ਕਿ ਖ਼ਾਲੀ ਥਾਂ ਭਰੋ.... 'ਮਿੱਤਰੋਂ' ਵਾਲਾ ਰਾਫ਼ੇਲ ਹੈ, ਟੈਕਸ-ਵਸੂਲੀ- ਮਹਿੰਗਾ ਤੇਲ ਹੈ, ਪੀ. ਐਸ. ਯੂ- ਪੀ. ਐਸ. ਬੀ. ਦੀ ਅੰਨ੍ਹੀ ਸੇਲ ਹੈ ਅਤੇ ਸਵਾਲ ਕਰੋ ਤਾਂ ਜੇਲ ਹੈ | ਮੋਦੀ ਸਰਕਾਰ ਹੈ! ਇਸ ਤਰ੍ਹਾਂ ਟਵੀਟ ਕਰ ਕੇ ਰਾਹੁਲ ਨੇ ਮੋਦੀ ਸਰਕਾਰ 'ਤੇ ਨਿਸ਼ਾਨਾ ਸਾਧਿਆ ਹੈ | (ਏਜੰਸੀ)
