ਟਿੱਕਾ ਵਲੋਂ ਮੁੱਖ ਸਕੱਤਰ ਨੂੰ ਸਾਈਕਲ ਤਕਨਾਲੋਜੀ ਨੂੰ ਅੰਤਰਰਾਸ਼ਟਰੀ ਕੇਂਦਰ ਵਿਚ ਅਪਗ੍ਰੇਡ ਕਰਨ ਬਾਰੇ ਸੌਂਪਿਆ ਮੰਗ ਪੱਤਰ
ਅਪਗ੍ਰੇਡ ਕਰਨ ਬਾਰੇ ਸੌਂਪਿਆ ਮੰਗ ਪੱਤਰ
ਲੁਧਿਆਣਾ, 7 ਅਗੱਸਤ (ਪ੍ਰਮੋਦ ਕੌਸ਼ਲ): ਪੰਜਾਬ ਮੀਡੀਅਮ ਇੰਡਸਟਰੀਅਲ ਡਿਵੈਲਪਮੈਂਟ ਬੋਰਡ (ਪੀ.ਐਮ.ਆਈ.ਡੀ.ਬੀ.) ਦੇ ਚੇਅਰਮੈਨ ਅਮਰਜੀਤ ਸਿੰਘ ਟਿੱਕਾ ਵਲੋਂ ਅੱਜ ਆਲ ਇੰਡੀਆ ਸਾਈਕਲ ਨਿਰਮਾਤਾ ਐਸੋਸੀਏਸ਼ਨ ਦੇ ਪ੍ਰਧਾਨ ਓਾਕਾਰ ਸਿੰਘ ਪਾਹਵਾ ਨਾਲ ਮੁੱਖ ਸਕੱਤਰ ਸ੍ਰੀਮਤੀ ਵਿਨੀ ਮਹਾਜਨ ਨਾਲ ਮੁਲਾਕਾਤ ਕੀਤੀ ਅਤੇ ਲੁਧਿਆਣਾ ਦੇ ਸਾਈਕਲ ਆਰ. ਐਂਡ ਡੀ. ਸੈਂਟਰ ਨੂੰ ਸਾਈਕਲ ਤਕਨਾਲੋਜੀ ਲਈ ਅੰਤਰਰਾਸ਼ਟਰੀ ਕੇਂਦਰ ਵਿਚ ਅਪਗ੍ਰੇਡ ਕਰਨ ਦੀ ਤੁਰਤ ਜ਼ਰੂਰਤ ਬਾਰੇ ਇਕ ਮੰਗ ਪੱਤਰ ਸੌਂਪਿਆ | ਮੁੱਖ ਸਕੱਤਰ ਨਾਲ ਮੀਟਿੰਗ ਵਿਚ ਟਿੱਕਾ ਨੇ ਕਿਹਾ ਕਿ ਸਾਈਕਲ ਤਕਨਾਲੋਜੀ ਲਈ ਇੰਟਰਨੈਸ਼ਨਲ ਸੈਂਟਰ ਫ਼ਾਰ ਸਾਈਕਲ ਤਕਨਾਲੋਜੀ ਵਿਸ਼ਵ ਪੱਧਰੀ ਅਤੇ ਸਕੇਲ ਨਿਰਮਾਣ ਦੇ ਯੁਗ ਦੀ ਸ਼ੁਰੂਆਤ ਕਰੇਗਾ ਜਿਸ ਤਹਿਤ 2025 ਤਕ 50 ਮਿਲੀਅਨ ਸਾਈਕਲਾਂ ਪ੍ਰਤੀ ਸਾਲ ਤਿਆਰ ਕੀਤੀਆਂ ਜਾਣਗੀਆਂ | ਉਨ੍ਹਾਂ ਕਿਹਾ ਕਿ ਇਸ ਦਾ ਉਦੇਸ਼ ਨਾ ਸਿਰਫ਼ ਪਾੜੇ ਨੂੰ ਦੂਰ ਕਰਨਾ ਹੈ ਬਲਕਿ ਸਾਈਕਲ ਡਿਜ਼ਾਈਨ, ਵਿਕਾਸ ਅਤੇ ਪ੍ਰਦਰਸ਼ਨ, ਟੈਸਟਿੰਗ ਅਤੇ ਪ੍ਰਮਾਣੀਕਰਣ, ਐਡਿਟਿਵ ਨਿਰਮਾਣ (ਡਿਜੀਟਲ, ਐਲਓਟੀ ਅਤੇ 3 ਡੀ ਪਿ੍ੰਟਰ, ਆਦਿ) ਲਈ ਕੇਂਦਰ ਨੂੰ ਵਿਸ਼ਵ ਪੱਧਰੀ ਬਣਾਉਣਾ ਹੈ | ਉਨ੍ਹਾਂ ਮੁੱਖ ਸਕੱਤਰ ਨੂੰ ਬੇਨਤੀ ਕੀਤੀ ਕਿ ਉਹ ਪ੍ਰਸਤਾਵ 'ਤੇ ਵਿਚਾਰ ਕਰਨ ਅਤੇ ਇਹ ਮੁੱਦਾ ਭਾਰਤ ਸਰਕਾਰ ਕੋਲ ਚੁੱਕਣ |
Ldh_Parmod_7_12: Photo
