ਚੀਨ ਨੇ ਕੋਰੋਨਾ ਵੈਕਸੀਨ ਨੂੰ ਵਪਾਰ ਮੇਲੇ ਵਿਚ ਕੀਤਾ ਪੇਸ਼

ਚੀਨ ਵਿਚ ਪਹਿਲਾਂ ਹੀ ਕੁੱਝ ਲੋਕਾਂ ਨੂੰ ਵੈਕਸੀਨ ਦੀ ਖ਼ੁਰਾਕ ਦੇ ਦਿਤੀ ਗਈ
 

ਬੀਜਿੰਗ, 7 ਸਤੰਬਰ: ਚੀਨ ਨੇ ਪਹਿਲੀ ਵਾਰ ਅਪਣੇ ਦੇਸ਼ ਵਿਚ ਤਿਆਰ ਕੋਰੋਨਾ ਵੈਕਸੀਨ ਨੂੰ ਇਕ ਵਪਾਰ ਮੇਲੇ ਵਿਚ ਪੇਸ਼ ਕੀਤਾ ਹੈ। ਸੋਮਵਾਰ ਨੂੰ ਬੀਜਿੰਗ ਵਿਚ ਆਯੋਜਤ ਈਵੈਂਟ ਵਿਚ ਚੀਨੀ ਕੰਪਨੀ ਸਿਨੋ ਬਾਇਉਟੇਕ ਅਤੇ ਸਿਨੋਫਾਰਮ ਵਲੋਂ ਤਿਆਰ ਕੀਤੀ ਗਈ ਵੈਕਸੀਨ ਪ੍ਰਦਰਸ਼ਨ ਲਈ ਰੱਖੀ ਗਈ। ਹੁਣ ਤਕ ਦੋਵੇਂ ਵੈਕਸੀਨਾਂ ਬਾਜ਼ਾਰ ਵਿਚ ਨਹੀਂ ਆਈਆਂ।
ਸਿਨੋਵੈਕ ਬਾਇਉਟੇਕ ਅਤੇ ਸਿਨੋਫ਼ਾਰਮ ਵਲੋਂ ਤਿਆਰ ਕੀਤੀ ਗਈ ਵੈਕਸੀਨ ਦਾ ਫ਼ਿਲਹਾਲ ਕਈ ਦੇਸ਼ਾਂ ਵਿਚ ਫੇਜ਼-3 ਟ੍ਰਾਇਲ ਚਲ ਰਿਹਾ ਹੈ। ਕੁੱਝ ਰੀਪੋਰਟਾਂ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਚੀਨ ਵਿਚ ਪਹਿਲਾਂ ਹੀ ਕੁੱਝ ਲੋਕਾਂ ਨੂੰ ਵੈਕਸੀਨ ਦੀ ਖ਼ੁਰਾਕ ਦਿਤੀ ਜਾ ਚੁਕੀ ਹੈ। ਸਿਨੋਵੈਕ ਕੰਪਨੀ ਦੇ ਇਕ ਅਧਿਕਾਰੀ ਨੇ ਦਸਿਆ ਕਿ ਕੰਪਨੀ ਨੇ ਪਹਿਲਾਂ ਹੀ ਫ਼ੈਕਟਰੀ ਦਾ ਨਿਰਮਾਣ ਪੂਰਾ ਕਰ ਲਿਆ ਹੈ ਜੋ ਇਕ ਸਾਲ ਵਿਚ ਵੈਕਸੀਨ ਦੀਆਂ 30 ਕਰੋੜ ਖ਼ੁਰਾਕਾਂ ਤਿਆਰ ਕਰਨ ਵਿਚ ਸਮਰੱਥ ਹੈ। ਬੀਜਿੰਗ ਵਿਚ ਆਯੋਜਤ ਵਪਾਰ ਮੇਲੇ ਵਿਚ ਵੈਕਸੀਨ ਨੂੰ ਵੇਖਣ ਲਈ ਵੱਡੀ ਗਿਣਤੀ ਵਿਚ ਲੋਕ ਪਹੁੰਚੇ ਹੋਏ ਸਨ। ਜ਼ਿਕਰਯੋਗ ਹੈ ਕਿ ਕੋਰੋਨਾ ਵਾਇਰਸ ਕਾਰਨ ਚੀਨ ਨੂੰ ਕਾਫ਼ੀ ਦੇਸ਼ਾਂ ਵਲੋਂ ਜ਼ੋਰਦਾਰ ਆਲੋਚਨਾ ਦਾ ਸਾਹਮਣਾ ਕਰਨਾ ਪਿਆ ਹੈ ਪਰ ਹੁਣ ਚੀਨ ਅਪਣੇ ਅਕਸ ਨੂੰ ਬਦਲਣ ਵਿਚ ਜੁਟ ਗਿਆ ਹੈ। ਮਈ ਵਿਚ ਚੀਨ ਦੇ ਰਾਸ਼imageਟਰਪਤੀ ਸ਼ੀ ਜਿਨਪਿੰਗ ਨੇ ਇਹ ਵੀ ਕਿਹਾ ਸੀ ਕਿ ਚੀਨ ਵਿਚ ਤਿਆਰ ਕੀਤੀ ਗਈ ਕੋਈ ਵੀ ਕੋਰੋਨਾ ਵੈਕਸੀਨ ਜਨਤਾ ਦੀ ਭਲਾਈ ਦੀ ਚੀਜ਼ ਹੋਵੇਗੀ।   (ਏਜੰਸੀ)