ਡੇਂਗੂ ਕਾਰਨ ਹਸਪਤਾਲ ‘ਚ ਜ਼ੇਰੇ ਇਲਾਜ ਸਨ ਅੰਗਦ ਸਿੰਘ ਆਹੂਜਾ
ਲੁਧਿਆਣਾ : ਬਿੱਗ ਬੇਨ ਐਕਸਪੋਰਟਸ ਦੇ ਸੰਯੁਕਤ ਨਿਰਦੇਸ਼ਕ ਅਤੇ ਚੈਂਬਰ ਆਫ਼ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਅੰਡਰਟੇਕਿੰਗਸ (ਸੀਸੂ) ਦੇ ਸੰਯੁਕਤ ਸਕੱਤਰ ਅੰਗਦ ਸਿੰਘ ਆਹੂਜਾ ਬਿੱਗ ਬੇਨ ਦਾ ਅੱਜ ਸੰਖੇਪ ਬਿਮਾਰੀ ਪਿੱਛੋਂ ਦਿਹਾਂਤ ਹੋ ਗਿਆ। ਸਵ. ਆਹੂਜਾ ਆਪਣੇ ਪਿੱਛੇ ਆਪਣੀ ਪਤਨੀ ਅਤੇ ਦੋ ਧੀਆਂ ਨੂੰ ਛੱਡ ਗਏ ਹਨ।
ਅੰਗਦ ਸਿੰਘ ਆਹੂਜਾ ਬਿੱਗ ਬੇਨ ਐਕਸਪੋਰਟਸ ਦੇ ਪ੍ਰਬੰਧਕ ਨਿਰਦੇਸ਼ਕ ਤੇਜਵਿੰਦਰ ਸਿੰਘ ਆਹੂਜਾ ਦੇ ਵੱਡੇ ਸਪੁੱਤਰ ਅਤੇ ਚੈਂਬਰ ਆਫ਼ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਅੰਡਰਟੇਕਿੰਗਸ (ਸੀਸੂ) ਦੇ ਪ੍ਰਧਾਨ ਅਤੇ ਨਿਊ ਸਵੈਨ ਸਮੂਹ ਦੇ ਸੀ. ਐਮ. ਡੀ. ਉਪਕਾਰ ਸਿੰਘ ਆਹੂਜਾ ਦੇ ਜਵਾਈ ਸਨ। ਸਵ. ਆਹੂਜਾ ਉੱਘੇ ਸਾਈਕਲਿਸਟ ਵੀ ਸਨ।
ਸੂਤਰਾਂ ਮੁਤਾਬਕ ਉਹ ਕਈ ਦਿਨਾਂ ਤੋਂ ਡੇਂਗੂ ਕਾਰਨ ਹਸਪਤਾਲ ਵਿਚ ਜ਼ੇਰੇ ਇਲਾਜ ਸਨ। ਅੰਗਦ ਸਿੰਘ ਫੀਕੋ (FICO) , ਯੂਸੀਪੀਏਮਏ (UCPMA) , ਸੀਆਇਸੀਊ (CICU) ਸਮੇਤ ਕਈ ਸੰਗਠਨਾਂ ਵਿਚ ਯੰਗ ਲੀਡਰ ਫੋਰਮ (Young Leaders Forum) ਵਿਚ ਇੰਡਸਟਰੀ ਦੇ ਵਿਕਾਸ ਵਿਚ ਯੋਗਦਾਨ ਦੇ ਰਹੇ ਸਨ। ਉਨ੍ਹਾਂ ਨੇ ਇੰਡਸਟਰੀ ਦੀ ਗਰੋਥ ਲਈ ਕਈ ਇਨੋਵੇਟਿਵ ਆਇਡਿਆਜ (Innovative ideas) ‘ਤੇ ਕੰਮ ਕੀਤਾ । ਉਨ੍ਹਾਂ ਦੇ ਦੇਹਾਂਤ ਨਾਲ ਪੂਰੀ ਇੰਡਸਟਰੀ ਵਿਚ ਸੋਗ ਦੀ ਲਹਿਰ ਹੈ।
ਨੌਜਵਾਨ ਉਦਮੀ ਅੰਗਦ ਸਿੰਘ ਦੇ ਦੇਹਾਂਤ ਦੀ ਸੂਚਨਾ ਮਿਲਦੇ ਹੀ ਲੁਧਿਆਣਾ ਦੀ ਇੰਡਸਟਰੀ ਵਿਚ ਸੋਗ ਦੀ ਲਹਿਰ ਦੋੜ ਗਈ। ਉਦਮੀਆਂ ਨੇ ਉਨ੍ਹਾਂ ਦੇ ਮੌਤ ‘ਤੇ ਦੁਖ ਪ੍ਰਗਟ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੇ ਆਪਣੀ ਜਵਾਨ ਅਤੇ ਪ੍ਰਗਤੀਵਾਦੀ ਸੋਚ ਸਦਕਾ ਨਾ ਸਿਰਫ਼ ਆਪਣੀ ਕੰਪਨੀ ਨੂੰ ਬੁਲੰਦੀਆਂ ਤਕ ਪਹੁੰਚਾਇਆ ਬਲਕਿ ਹੋਰ ਨੌਜਵਾਨ ਉਦਮੀਆਂ ਲਈ ਵੀ ਉਹ ਹਮੇਸ਼ਾ ਪ੍ਰੇਰਣ ਸਰੋਤ ਬਣੇ।