Ludhiana News: ਮ੍ਰਿਤਕ ਨੇ ਨਹੀਂ ਪਾਈ ਸੀ ਸੇਫਟੀ ਬੈਲਟ
Ludhiana News 19 year old man fell off the roof dies: ਲੁਧਿਆਣਾ ਦੇ ਸ਼ਾਹਪੁਰ ਰੋਡ 'ਤੇ ਨਿਰਮਾਣ ਅਧੀਨ ਮਾਲ ਦੀ 6ਵੀਂ ਮੰਜ਼ਿਲ 'ਤੇ ਏਸੀ ਪਾਈਪ ਫਿੱਟ ਕਰਨ ਵਾਲਾ ਮਜ਼ਦੂਰ ਹੇਠਾਂ ਡਿੱਗ ਗਿਆ। ਡਿੱਗਣ ਨਾਲ ਮਜ਼ਦੂਰ ਦੀ ਗਰਦਨ ਦੀ ਹੱਡੀ ਟੁੱਟ ਗਈ। ਸਾਥੀ ਮਜ਼ਦੂਰ ਉਸ ਨੂੰ ਰਿਕਸ਼ੇ ਵਿੱਚ ਸੀਐਮਸੀ ਹਸਪਤਾਲ ਲੈ ਗਏ, ਪਰ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।ਇਲਾਕਾ ਨਿਵਾਸੀਆਂ ਨੇ ਦੱਸਿਆ ਕਿ ਕਰਮਚਾਰੀ ਸੇਫਟੀ ਬੈਲਟ ਨਾ ਪਹਿਨਣ ਕਾਰਨ ਹੇਠਾਂ ਡਿੱਗ ਗਿਆ। ਸੁਰੱਖਿਆ ਮਾਪਦੰਡ ਪੂਰੇ ਨਹੀਂ ਕੀਤੇ ਗਏ ਸਨ। ਜਿਸ ਕਾਰਨ ਇਹ ਹਾਦਸਾ ਵਾਪਰਿਆ। ਮ੍ਰਿਤਕ ਦਾ ਨਾਂ ਨੀਰਜ (19) ਹੈ।
ਇਹ ਵੀ ਪੜ੍ਹੋ: Earthquake Today: ਮੁੜ ਭੂਚਾਲ ਨਾਲ ਥਰ-ਥਰ ਕੰਬੀ ਧਰਤੀ, ਦਹਿਸ਼ਤ ਵਿਚ ਆਏ ਲੋਕ, ਮਚਿਆ ਹੜਕੰਪ!
ਇਲਾਕਾ ਨਿਵਾਸੀ ਰੌਬਿਨ ਚੁੱਘ ਨੇ ਦੱਸਿਆ ਕਿ ਉਸ ਦੇ ਬੱਚੇ ਘਰ ਦੀ ਛੱਤ 'ਤੇ ਖੇਡ ਰਹੇ ਸਨ। ਬੱਚਿਆਂ ਨੇ ਇੱਕ ਨਿਰਮਾਣ ਅਧੀਨ ਮਾਲ ਵਿੱਚ ਏਸੀ ਪਾਈਪ ਫਿੱਟ ਕਰ ਰਹੇ ਇੱਕ ਮਜ਼ਦੂਰ ਨੂੰ ਡਿੱਗਦੇ ਦੇਖਿਆ। ਬੱਚਿਆਂ ਨੇ ਤੁਰੰਤ ਗਲੀ ਵਿੱਚ ਰੌਲਾ ਪਾਇਆ।
ਮਾਲ ਵਿੱਚ ਕੰਮ ਕਰਦੇ ਬਾਕੀ ਮਜ਼ਦੂਰ ਵੀ ਇਕੱਠੇ ਹੋ ਗਏ। ਖੂਨ ਨਾਲ ਲੱਥਪੱਥ ਨੌਜਵਾਨ ਨੂੰ ਮੁੱਢਲੀ ਸਹਾਇਤਾ ਦੇਣ ਦੀ ਕੋਸ਼ਿਸ਼ ਵੀ ਕੀਤੀ ਗਈ ਪਰ ਉਸ ਦੀ ਹਾਲਤ ਕਾਫੀ ਨਾਜ਼ੁਕ ਬਣੀ ਹੋਈ ਸੀ। ਸਰੀਰ ਵਿੱਚੋਂ ਲਗਾਤਾਰ ਖੂਨ ਵਹਿ ਰਿਹਾ ਸੀ। ਮਜ਼ਦੂਰ ਨੂੰ ਗਲੀ ਵਿੱਚੋਂ ਲੰਘਦੇ ਇੱਕ ਈ-ਰਿਕਸ਼ਾ ਵਿੱਚ ਬਿਠਾ ਕੇ ਉਸ ਦੇ ਦੋਸਤਾਂ ਨੇ ਹਸਪਤਾਲ ਪਹੁੰਚਾਇਆ। ਇਸ ਘਟਨਾ ਦੀ ਵੀਡੀਓ ਵੀ ਸਾਹਮਣੇ ਆਈ ਹੈ।
