ਕੁੰਡਲੀ ਬਾਰਡਰ ਉੱਤੇ ਮਿਸਲ ਬੱਬਰ ਅਕਾਲੀ ਦੇ ਜਥੇਦਾਰ ਸਤਨਾਮ ਸਿੰਘ ਪੁੱਜੇ

ਨਵੀਂ ਦਿੱਲੀ, 8 ਜਨਵਰੀ (ਗੁਰਪ੍ਰੀਤ ਸਿੰਘ): ਦਿੱਲੀ ਵਿਚ ਲੱਗੇ ਕਿਸਾਨੀ ਮੋਰਚੇ ਦੌਰਾਨ ਕਈ ਸਖਸ਼ੀਅਤਾਂ ਵਲੋਂ ਅੰਦੋਲਨ ਨੂੰ ਸਮਰਥਨ ਦਿਤਾ ਜਾ ਰਿਹਾ ਹੈ | ਇਸ ਮੌਕੇ ਦਿੱਲੀ ਦੇ ਕੁੰਡਲੀ ਬਾਰਡਰ 'ਤੇ ਮਿਸਲ ਬੱਬਰ ਅਕਾਲੀ ਦੇ ਜਥੇਦਾਰ ਸਤਨਾਮ ਸਿੰਘ ਵੀ ਪਹੁੰਚੇ | ਰੋਜ਼ਾਨਾ ਸਪੋਕਸਮੈਨ ਨਾਲ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਬਾਰਡਰ 'ਤੇ ਦਿਨ ਰਾਤ ਠੰਢੀਆਂ ਹਵਾਵਾਂ ਚੱਲ ਰਹੀਆਂ ਹਨ, ਬਾਰਸ਼ ਹੋ ਰਹੀ ਹੈ ਪਰ ਬਜ਼ੁਰਗਾਂ ਤੇ ਨੌਜਵਾਨਾਂ ਦਾ ਜੋਸ਼ ਬਰਕਰਾਰ ਹੈ |
   ਸਰਕਾਰ ਦੀ ਇਹੀ ਕੋਸ਼ਿਸ਼ ਹੈ ਕਿ ਜਿੰਨਾ ਹੋ ਸਕੇ ਸਿੱਖਾਂ ਤੇ ਕਿਸਾਨਾਂ ਨੂੰ ਦਬਾਇਆ ਜਾਵੇ | ਪਰ ਕਿਸਾਨ ਦਬਾਏ ਨਹੀਂ ਜਾ ਸਕਦੇ | ਉਨ੍ਹਾਂ ਨੇ ਕੇਂਦਰ ਸਰਕਾਰ ਨੂੰ 'ਦੱਲਿਆਂ ਦੀ ਸਰਕਾਰ' ਦਸਿਆ | ਜਥੇਦਾਰ ਸਤਨਾਮ ਸਿੰਘ ਨੇ ਕਿਹਾ ਕਿ 12ਵੀਂ ਪਾਸ ਵਿਅਕਤੀ ਨੂੰ ਪੰਜਾਬ ਵਿਚ ਚਪੜਾਸੀ ਵੀ ਨਹੀਂ ਰਖਿਆ ਜਾਂਦਾ ਪਰ ਕੇਂਦਰ ਵਿਚ 12ਵੀਂ ਪਾਸ ਵਿਅਕਤੀ ਨੂੰ ਬਿਠਾਇਆ ਹੋਇਆ ਹੈ | ਉਨ੍ਹਾਂ ਕਿਹਾ ਕਿ ਜਿਸ ਵਿਅਕਤੀ ਨੂੰ ਇੰਨੀਆਂ ਮੀਟਿੰਗਾਂ ਵਿਚ ਇਕ ਗੱਲ ਨਹੀਂ ਸਮਝ ਆ ਰਹੀ ਕਿ 'ਹਾਂ ਜਾਂ ਨਾਹ' ਉਸ ਨੂੰ ਪਾਗਲਖ਼ਾਨੇ ਵਿਚ ਦਾਖ਼ਲ ਕਰਵਾ ਦੇਣਾ ਚਾਹੀਦਾ ਹੈ | ਸਰਕਾਰ ਲੰਗਰ ਲਗਾਉਣ ਵਾਲੇ ਸਿੱਖਾਂ ਨੂੰ ਅਤਿਵਾਦੀ ਦੱਸ ਰਹੀ ਹੈ ਪਰ ਅਸੀਂ ਖ਼ਾਲਿਸਤਾਨੀ ਹਾਂ ਜਾਂ ਅਤਿਵਾਦੀ ਇਹ ਸਭ ਮੀਡੀਆ ਨੇ ਦੇਖ ਲਿਆ ਹੈ | ਖ਼ਾimageਲਸਾ ਸ਼ੁੱਧ ਹੁੰਦਾ ਹੈ ਤੇ ਖ਼ਾਲਸਾ ਨਿਰੋਲ ਹੈ, ਇਹ ਕਿਸੇ ਨਾਲ ਮਾੜਾ ਵਰਤਾਅ ਜਾਂ ਧੱਕਾ ਨਹੀਂ ਕਰਦਾ |