ਤਿੰਨ ਸਾਲ ਪਹਿਲਾਂ ਲੁਧਿਆਣਾ ਪੁਲਿਸ ਦੇ ਵੱਲੋਂ ਇਕ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
ਤਿੰਨ ਸਾਲ ਪਹਿਲਾਂ ਲੁਧਿਆਣਾ ਪੁਲਿਸ ਦੇ ਵੱਲੋਂ ਇਕ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ। ਉਸ ਸਮੇਂ ਦੌਰਾਨ ਉਸ ਵਿਅਕਤੀ ਦੀ ਸੀਰੀ ਸਾਹਿਬ ਗੁਆਚ ਗਈ ਸੀ। ਤਿੰਨ ਸਾਲਾ ਦੀ ਕੋਸ਼ਿਸ਼ ਦੇ ਬਾਅਦ ਹੁਣ ਇਸ ਵਿਅਕਤੀ ਨੂੰ ਗੁਆਚੀ ਸੀਰੀ ਸਾਹਿਬ ਮਿਲ ਗਈ ਹੈ। ਪੁਲਿਸ ਵੱਲੋਂ ਸੀਰੀ ਸਾਹਿਬ ਲੱਭ ਕੇ ਦੇਣ ਤੇ ਇਹ ਵਿਅਕਤੀ ਇੰਨਾ ਖੁਸ ਹੋਇਆ ਕਿ ਇਸ ਨੇ ਸਬੰਧਿਤ ਪੁਲਿਸ ਮੁਲਾਜ਼ਮ ਨੂੰ ਬੁਲੇਟ ਮੋਟਰਸਾਈਕਲ ਭੇਟ ਕੀਤੀ। SHO ਦੇ ਵੱਲੋਂ ਉਸ ਵਿਅਕਤੀ ਦੀਆਂ ਭਾਵਨਾਵਾਂ ਦੀ ਕਦਰ ਕਰਦਿਆਂ ਉਸ ਦਾ ਉਹ ਮੋਟਰਸਾਈਕਲ ਲੈ ਲਿਆ ਅਤੇ ਅਗਲੇ ਹੀ ਦਿਨ ਉਹ ਉਸ ਨੂੰ ਵਾਪਿਸ ਕਰ ਦਿੱਤਾ । ਦੱਸ ਦੱਈਏ ਕਿ 2017 ਚ ਪੁਲਿਸ ਵੱਲੋਂ ਇਕ ਅੰਮ੍ਰਿਤਧਾਰੀ ਸਿੱਖ ਜਗਸੀਰ ਸਿੰਘ ਨੂੰ ਖੁਦਖੁਸੀ ਲਈ ਉਕਸਾਉਂਣ ਦੇ ਦੋਸ਼ ਚ ਗ੍ਰਿਫਤਾਰ ਕੀਤਾ ਗਿਆ ਸੀ।
ਤਲਾਸ਼ੀ ਸਮੇਂ ਉਸ ਦੀ ਸਿਰੀ ਸਾਹਿਬ ਉਤਰਵਾ ਕੇ ਜ਼ਬਤ ਕਰ ਲਈ। ਅੱਠ ਮਹੀਨੇ ਬਾਅਦ ਜ਼ਮਾਨਤ ਤੇ ਰਿਹਾਅ ਕਰਨ ਤੋਂ ਬਾਅਦ ਉਸ ਨੇ ਪੁਲਿਸ ਤੋਂ ਸਿਰੀ ਸਾਹਿਬ ਵਾਪਿਸ ਮੰਗੀ ਪਤਾ ਲੱਗਾ ਕਿ ਜਾਮਾ ਤਲਾਸ਼ੀ ਚ ਪੁਲਿਸ ਨੇ ਸਿਰੀ ਸਾਹਿਬ ਨੂੰ ਸ਼ਾਮਿਲ ਹੀ ਨਹੀਂ ਕੀਤਾ ਸੀ। ਪੁਲਿਸ ਨੇ ਆਪਣੇ ਕੋਲ ਸਿਰੀ ਸਾਹਿਬ ਦੇ ਹੋਣ ਤੋਂ ਇਨਕਾਰ ਕਰ ਦਿੱਤਾ। ਇਸ ਮੌਕੇ ਜਗਸੀਰ ਸਿੰਘ ਨੇ ਕਸਮ ਖਾਧੀ ਕਿ ਜਦੋਂ ਤੱਕ ਪੁਲਿਸ ਉਸ ਦੀ ਸਿਰੀ ਸਾਹਿਬ ਵਾਪਿਸ ਨਹੀਂ ਕਰੇਗੀ, ਉਦੋਂ ਤੱਕ ਉਹ ਗਾਤਰੇ ਚ ਸਿਰੀ ਸਾਹਿਬ ਦੀ ਥਾਂ ਕਲਮ ਟੰਗ ਕੇ ਰੱਖੇਗਾ।
ਇਸ ਤੋਂ ਬਾਅਦ ਉਸ ਨੇ ਇਸ ਸਬੰਧੀ ਡੀਜੀਪੀ, ਐਸਐਸਪੀ, ਸ੍ਰੀ ਅਕਾਲਤਖਤ ਜਤੇਦਾਰ ਅਤੇ ਐਸਜੀਪੀਸੀ ਨੂੰ ਪੱਤਰ ਲਿਖ ਕੇ ਲਗਭਗ ਤਿੰਨ ਸਾਲ ਤੱਕ ਸੰਘਰਸ ਕੀਤਾ। ਇਸ ਤੋਂ ਬਾਅਦ ਪੁਲਿਸ ਨੇ ਸਿਰੀ ਸਾਹਿਬ ਲੱਭ ਕੇ ਉਸ ਨੂੰ ਵਾਪਸ ਕੀਤੀ। ਇਸਲ ਦੇ ਲਈ ਮੁੱਲ੍ਹਾਂਪੁਰ ਦੇ ਰਹਿਣ ਵਾਲੇ ਜਗਸੀਰ ਸਿੰਘ ਖਾਲਸਾ ਨੂੰ ਥਾਣੇ ਵਿਚ ਬੁਲਾ ਕੇ ਪੂਰੇ ਆਦਰ-ਸਤਿਕਾਰ ਨਾਲ ਉਸ ਨੂੰ ਸਿਰੀ ਸਾਹਿਬ ਧਾਰਨ ਕਰਵਾਈ ਗਈ, ਜਿਸ ’ਤੇ ਖੁਸ਼ ਹੋ ਕੇ ਜਗਸੀਰ ਸਿੰਘ ਨੇ ਮੁੱਲ੍ਹਾਂਪੁਰ ਥਾਣਾ ਇੰਚਾਰਜ ਪ੍ਰੇਮ ਸਿੰਘ ਨੂੰ ਬੁਲੇਟ ਮੋਟਰਸਾਈਕਲ ਤੋਹਫੇ ਵਜੋਂ ਦਿੱਤੀ।
ਇਸ ਮੌਕੇ ਉਸ ਦੇ ਪਰਿਵਾਰਕ ਮੈਂਬਰਾਂ ਨੇ ਫੁੱਲ ਬਰਸਾ ਕੇ ਗੁਰਬਾਣੀ ਦਾ ਪਾਠ ਕੀਤਾ ਅਤੇ ਥਾਣਾ ਇੰਚਾਰਜ ਨੂੰ ਆਪਣੇ ਵੱਲੋਂ ਤੋਹਫੇ ਦਿੱਤੇ। ਦੱਸ ਦੱਈਏ ਕਿ ਜਗਸੀਰ ਸਿੰਘ ਵੱਲੋਂ ਥਾਣੇਦਾਰ ਨੂੰ ਦਿੱਤੇ ਤੋਹਫੇ ਨੂੰ ਉਸ ਨੇ ਅਗਲੇ ਦਿਨ ਸਨਮਾਨ ਨਾਲ ਇਹ ਕਹਿੰਦਿਆ ਵਾਪਿਸ ਕਰ ਦਿੱਤਾ ਕਿ ਉਹ ਧਾਰਮਿਕ ਚਿੰਨਾਂ ਦੀ ਅਹਿਮੀਅਤ ਜਾਣਦੇ ਹਨ। ਉਨ੍ਹਾਂ ਆਪਣੀ ਡਿਊਟੀ ਕਰਕੇ ਸਿਰੀ ਸਾਹਿਬ ਨੂੰ ਲੱਭਿਆ, ਜਿਸ ਕਰਕੇ ਉਹ ਇਸ ਤੋਹਫੇ ਨੂੰ ਨਹੀਂ ਲੈ ਸਕਦੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।