ਟੀਚਰ ਨੇ ਨਵੀਂ ਹੀ ਕਢਵਾਈ ਸੀ ਐਕਟਿਵਾ
ਲੁਧਿਆਣਾ: ਲੁਧਿਆਣਾ ਜ਼ਿਲ੍ਹੇ ਵਿਚ ਵਾਹਨ ਚੋਰ ਲਗਾਤਾਰ ਸਰਗਰਮ ਹਨ। ਹੁਣ ਦੋ ਚੋਰਾਂ ਨੇ ਮਾਡਲ ਟਾਊਨ ਇਲਾਕੇ ਦੇ ਗੁਰਦੁਆਰਾ ਸਿੰਘ ਸਭਾ ਨੇੜੇ ਇਲੈਟਸ ਸੈਂਟਰ ਦੇ ਬਾਹਰ ਪਾਰਕ 'ਚ ਖੜੀ ਅਧਿਆਪਕ ਦੀ ਐਕਟਿਵਾ ਚੋਰੀ ਕਰ ਕੇ ਲੈ ਗਏ।
ਇਹ ਵੀ ਪੜ੍ਹੋ: ਪਾਣੀਆਂ ਲਈ ਗੁਆਂਢੀ ਸੂਬਿਆਂ ਨਾਲ 'ਜੰਗ', ਪਰ ਕੀ ਆਪਣੇ ਨਹਿਰੀ ਪਾਣੀ ਦੀ ਕਦਰ ਪਾ ਰਿਹਾ ਪੰਜਾਬ?
ਵਾਰਦਾਤ ਆਸ-ਪਾਸ ਲੱਗੇ ਸੀਸੀਟੀਵੀ ਕੈਮਰਿਆਂ ਵਿਚ ਕੈਦ ਹੋ ਗਏ। ਅਧਿਆਪਕ ਸ਼ਿਵਾਂਗੀ ਸੱਭਰਵਾਲ ਨੇ ਦਸਿਆ ਕਿ ਉਸ ਦੀ ਐਕਟਿਵਾ ਨਵੀਂ ਸੀ। ਉਹ ਆਈਲੈਟਸ ਦੇ ਵਿਦਿਆਰਥੀਆਂ ਨੂੰ ਕੋਚਿੰਗ ਦੇਣ ਲਈ ਸੈਂਟਰ ਗਈ ਸੀ। ਜਦੋਂ ਉਹ ਵਾਪਸ ਆਈ ਤਾਂ ਉਹ ਹੈਰਾਨ ਰਹਿ ਗਈ। ਉਸ ਦੀ ਐਕਟਿਵਾ ਚੋਰੀ ਹੋ ਗਈ। ਸੀਸੀਟੀਵੀ ਕੈਮਰਿਆਂ ਦੀ ਜਾਂਚ ਕਰਨ 'ਤੇ ਦੋ ਵਿਅਕਤੀ ਐਕਟਿਵਾ ਲਿਜਾਂਦੇ ਦਿਖਾਈ ਦਿਤੇ।
ਇਹ ਵੀ ਪੜ੍ਹੋ: 'ਪੰਜਾਬ ਰਾਜ ਤਕਨੀਕੀ ਸਿੱਖਿਆ ਅਤੇ ਉਦਯੋਗਿਕ ਸਿਖਲਾਈ ਬੋਰਡ ਨੇ ਪ੍ਰੀਖਿਆ ਸੁਧਾਰਾਂ ਨੂੰ ਕੀਤਾ ਲਾਗੂ'
ਸੀਸੀਟੀਵੀ ਫੁਟੇਜ ਮੁਤਾਬਕ ਦੋਵਾਂ ਚੋਰਾਂ ਨੇ ਆਪਣੇ ਮੂੰਹ ਕੱਪੜੇ ਨਾਲ ਢੱਕੇ ਹੋਏ ਸਨ। ਮੁਲਜ਼ਮ ਵੱਖ-ਵੱਖ ਸਕੂਟੀ 'ਤੇ ਆਏ ਸਨ। ਚੋਰ ਨੇ ਐਕਟਿਵਾ ਦਾ ਤਾਲਾ ਖੋਲ੍ਹਣ ਲਈ ਕੁਝ ਚਾਬੀਆਂ ਵੀ ਵਰਤੀਆਂ। ਜਦੋਂ ਐਕਟਿਵਾ ਨਾ ਖੁੱਲ੍ਹੀ ਤਾਂ ਉਸ ਨੇ ਜ਼ਮੀਨ ਤੋਂ ਪੱਥਰ ਚੁੱਕ ਕੇ ਹੈਂਡਲ ਦਾ ਤਾਲਾ ਤੋੜ ਦਿਤਾ। ਇਸ ਦੌਰਾਨ ਸਕੂਟੀ ਸਟਾਰਟ ਨਾ ਹੋਣ ਕਾਰਨ ਚੋਰ ਦੇ ਸਾਥੀ ਨੇ ਮਦਦ ਕੀਤੀ ਅਤੇ ਉਸ ਦੀ ਲੱਤ ਨਾਲ ਐਕਟਿਵਾ ਨੂੰ ਪਿੱਛੇ ਤੋਂ ਧੱਕਾ ਦੇ ਦਿਤਾ।
ਸ਼ਿਵਾਂਗੀ ਨੇ ਦਸਿਆ ਕਿ ਇਸ ਤੋਂ ਪਹਿਲਾਂ ਵੀ ਸੈਂਟਰ ਦੇ ਬਾਹਰੋਂ ਕਈ ਵਾਹਨ ਚੋਰੀ ਹੋ ਚੁੱਕੇ ਹਨ। ਪੁਲਿਸ ਦੀ ਗਸ਼ਤ ਦੀ ਘਾਟ ਕਾਰਨ ਇਸ ਤਰ੍ਹਾਂ ਦੀਆਂ ਚੋਰੀਆਂ ਵਧ ਰਹੀਆਂ ਹਨ। ਇਸ ਸਬੰਧੀ ਥਾਣਾ ਮਾਡਲ ਟਾਊਨ ਵਿਖੇ ਸ਼ਿਕਾਇਤ ਦਰਜ ਕਰਵਾਈ ਗਈ ਹੈ। ਐਸਐਚਓ ਗੁਰਸ਼ਿੰਦਰ ਕੌਰ ਨੇ ਦਸਿਆ ਕਿ ਮੁਲਜ਼ਮਾਂ ਦੀ ਪਛਾਣ ਕੀਤੀ ਜਾ ਰਹੀ ਹੈ। ਜਲਦ ਹੀ ਵਾਹਨ ਚੋਰ ਗਿਰੋਹ ਨੂੰ ਕਾਬੂ ਕਰ ਲਿਆ ਜਾਵੇਗਾ।
