Sultanpur Lodhi News : ਡਰਾਈਵਰ-ਕੰਡਕਟਰ ਦੀ ਹੁਸ਼ਿਆਰੀ ਕਾਰਨ ਚੋਰੀ ਹੋਣੋ ਬਚਿਆ ਸਮਾਨ, ਬੱਸ 'ਚ ਰਹਿ ਗਿਆ ਸਵਾਰੀ ਦਾ ਸਮਾਨ ਉਸ ਤੱਕ ਪਹੁੰਚਾਇਆ
Sultanpur Lodhi News in Punjabi : ਪੀਆਰਟੀਸੀ ਬੱਸ ਵਿੱਚ ਜਲੰਧਰ ਤੋਂ ਵਾਇਆ ਕਪੂਰਥਲਾ ਸੁਲਤਾਨਪੁਰ ਲੋਧੀ ਨੂੰ ਇੱਕ ਕੰਪਿਊਟਰ ਵਾਲੀ ਦੁਕਾਨ ’ਤੇ ਕੰਮ ਕਰ ਰਿਹਾ ਨੌਜਵਾਨ ਆ ਰਿਹਾ ਸੀ ਉਸ ਕੋਲ ਕੰਪਿਊਟਰਾਂ ਵਾਲੀ ਦੁਕਾਨ ਦਾ ਸਮਾਨ ਅਤੇ ਕੈਮਰੇ ਸਨ। ਉਹ ਨੌਜਵਾਨ ਆਪਣਾ ਸਾਰਾ ਸਮਾਨ ਬੱਸ ਵਿੱਚ ਹੀ ਭੁੱਲ ਗਿਆ ਸੀ। ਕੁਝ ਦੇਰ ਬਾਅਦ ਉਸ ਨੂੰ ਯਾਦ ਆਇਆ ਤਾਂ ਉਹ ਜਲਦੀ ਦੇਣੀ ਬੱਸ ਸਟੈਂਡ ਸੁਲਤਾਨਪੁਰ ਲੋਧੀ ਦੇ ਪੀਆਰਟੀਸੀ ਦੇ ਅੱਡਾ ਇੰਚਾਰਜ ਬਲਵੀਰ ਸਿੰਘ ਕੋਲ ਪਹੁੰਚਿਆ। ਪੀਆਰਟੀਸੀ ਦੇ ਅੱਡਾ ਇੰਚਾਰਜ ਬਲਵੀਰ ਸਿੰਘ ਨੇ ਉਸ ਦੀ ਟਿਕਟ ਦੇਖੀ ਅਤੇ ਆਪਣੇ ਉੱਚ ਅਧਿਕਾਰੀਆਂ ਦੇ ਨਾਲ ਗੱਲਬਾਤ ਕੀਤੀ।
ਉਸ ਨੌਜਵਾਨ ਦਾ ਸੰਪਰਕ ਨੰਬਰ ਲਿਆ ਤੇ ਬਹੁਤ ਜਲ਼ਦ ਹੀ ਆਪਣੇ ਡਰਾਈਵਰ ਅਤੇ ਕੰਡਕਟਰ ਦੇ ਨਾਲ ਸੰਪਰਕ ਕਰਕੇ ਉਸ ਦੇ ਸਮਾਨ ਦਾ ਪਤਾ ਕਰਵਾਇਆ ਤਾਂ ਡਰਾਈਵਰ ਦੇ ਦੱਸਣ ਮੁਤਾਬਕ ਉਸ ਸਮਾਨ ਨੂੰ ਇੱਕ ਹੋਰ ਸਵਾਰੀ ਚੱਕ ਕੇ ਲਿਜਾਣਾ ਲੱਗੀ ਸੀ ਤਾਂ ਅਚਾਨਕ ਡਰਾਈਵਰ ਦੀ ਨਿਗ੍ਹਾ ਪੈ ਗਈ। ਡਰਾਈਵਰ ਵੱਲੋਂ ਉਸ ਸਵਾਰੀ ਕੋਲੋਂ ਉਹ ਸਮਾਨ ਲੈ ਕੇ ਸੁਲਤਾਨਪੁਰ ਲੋਧੀ ਦੇ ਇੱਕ ਪ੍ਰਾਈਵੇਟ ਬੱਸ ਰਾਹੀਂ ਦਫਤਰ ਪਹੁੰਚਦਾ ਕੀਤਾ ਜਿੱਥੇ ਅੱਡਾ ਇੰਚਾਰਜ ਨੇ ਉਹ ਸਮਾਨ ਆਪਣੇ ਕਬਜ਼ੇ ਵਿੱਚ ਲੈ ਕੇ ਸਮਾਨ ਦੇ ਅਸਲ ਵਾਰਿਸਾਂ ਨੂੰ ਸਮਾਨ ਸੌਂਪਿਆ।
(For more news apart from Passenger forgets luggage in PRTC bus, passenger saved from lakhs loss due to efforts of Adda Inspector News in Punjabi, stay tuned to Rozana Spokesman)
