ਆਸੀਆਨ ਖੇਤਰ ਭਾਰਤ ਦੇ ਆਲਮੀ ਆਰਥਕ ਸਬੰਧਾਂ ਵਿਚ ਇਕ ਮਹੱਤਵਪੂਰਨ ਕੇਂਦਰ : ਜੈਸ਼ੰਕਰ

ਨਵੀਂ ਦਿੱਲੀ, 8 ਅਕਤੂਬਰ : ਵਿਦੇਸ਼ ਮੰਤਰੀ ਐੱਸ. ਜੈਸ਼ੰਕਰ ਨੇ ਵੀਰਵਾਰ ਨੂੰ ਕਿਹਾ ਕਿ ਆਸੀਆਨ ਖੇਤਰ ਭਾਰਤ ਦੇ ਆਲਮੀ ਆਰਥਕ ਸਬੰਧਾਂ ਵਿਚ ਇਕ ਮਹੱਤਵਪੂਰਨ ਕੇਂਦਰ ਹੈ ਅਤੇ ਕੋਰੋਨਾ ਵਾਇਰਸ ਮਹਾਮਾਰੀ ਨੇ ਸਹਿਯੋਗ ਨੂੰ ਮੁੜ ਵਿਚਾਰ ਕਰਨ ਅਤੇ ਇਛਾਵਾਂ ਨੂੰ ਵਧਾਉਣ ਦੀ ਲੋੜ ਨੂੰ ਬਿੰਦੂਸਾਰ ਕੀਤਾ ਹੈ। ਭਾਰਤ ਉਦਯੋਗ ਸੰਘ ਨੂੰ ਸੰਬੋਧਨ ਕਰਦੇ ਹੋਏ ਜੈਸ਼ੰਕਰ ਨੇ ਕਿਹਾ ਕਿ ਆਸੀਆਨ ਦਾ ਹਿੰਦ ਪ੍ਰਸ਼ਾਂਤ ਖੇਤਰ ਦੇ ਕੇਂਦਰ ’ਚ ਹੋਣਾ ਅਤੇ ਭਾਰਤ ਤੇ ਸਮੂਹ ਵਿਚਾਲੇ ਸਬੰਧਾਂ ਦਾ ਮਹੱਤਵ ਖ਼ੁਦ ਨੂੰ ਪ੍ਰਮਾਣਤ ਕਰਦਾ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਇਨ੍ਹਾਂ ਸਬੰਧਾਂ ਨੂੰ ਪ੍ਰਮੁਖਤਾ ਨੂੰ ਬਣਾਏ ਰਖਣਾ ਹੈ ਤਾਂ ਉਨ੍ਹਾਂ ਵਿਚਾਰਾਂ ਅਤੇ ਅੰਦਾਜ਼ਿਆਂ ਦੇ ਦਾਇਰੇ ਤੋਂ ਬਾਹਰ ਜਾਣ ਦੀ ਕੋਸ਼ਿਸ਼ ਕਰਨਾ ਹੋਵੇਗੀ, ਜਿਨ੍ਹਾਂ ਦੀ ਮਿਆਦ ਬੀਤ ਚੁਕੀ ਹੈ। ਦੱਸਣਯੋਗ ਹੈ ਕਿ 10 ਦੇਸ਼ਾਂ ਦੇ ਦੱਖਣ ਪੂਰਬੀ ਏਸ਼ੀਆਈ ਦੇਸ਼ਾਂ ਦੇ ਸੰਘ (ਆਸੀਆਨ) ਨੂੰ ਖੇਤਰ ’ਚ ਇਕ ਪ੍ਰਭਾਵਸ਼ਾਲੀ ਸਮੂਹ ਮੰਨਿਆ ਜਾਂਦਾ ਹੈ, ਜਿਸ ’ਚ ਭਾਰਤ ਤੋਂ ਇਲਾਵਾ ਅਮਰੀਕਾ, ਚੀਨ, ਜਾਪਾਨ, ਆਸਟ੍ਰੇਲੀਆ ਸਮੇਤ ਕਈ ਹੋਰ ਦੇਸ਼ ਗੱਲਬਾਤ ਹਿੱਸੇਦਾਰ ਦੇ ਰੂਪ ’ਚ ਸ਼ਾਮਲ ਹਨ।
  ਵਿਦੇਸ਼ ਮੰਤਰੀ ਨੇ ਕਿਹਾ ਕਿ ਉਹ ਵਿਸ਼ਾਲ ਖੇਤਰ ਮਹੱਤਵਪੂਰਨ ਸਮਾਜਕ-ਆਰਥਕ ਤਬਦੀਲੀ ਦੇ ਦੌਰ ’ਚੋਂ ਲੰਘ ਰਿਹਾ ਹੈ ਅਤੇ ਮਹਾਮਾਰੀ ਨੇ ਸਪੱਸ਼ਟ ਤੌਰ ’ਤੇ ਇਸ ਦੀ ਗਤੀ ਤੇਜ਼ ਕੀਤੀ ਹੈ। ਉਨ੍ਹਾਂ ਕਿਹਾ,‘‘ਇਹ ਮਹੱਤਵਪੂਰਨ ਹੈ ਕਿ ਅਸੀਂ ਭਾਰਤ, ਆਸੀਆਨ ਅਤੇ ਸਾਡੇ ਸਬੰਧ, ਇਸ ਗੱਲ ਨੂੰ ਸਮਝਣ ਕਿ ਇਕ ਵੱਖ ਦੁਨੀਆਂ ਸਾਡੀ ਉਡੀਕ ਕਰ ਰਹੀ ਹੈ। ਇਹ ਇਕ ਅਜਿਹੀ ਦੁਨੀਆਂ ਹੈ ਜੋ ਭਰੋਸੇ, ਪਾਰਦਰਸ਼ੀ, ਲਚਕਦਾਰ ਅਤੇ ਭਰੋਸੇ ਨੂੰ ਵੱਧ ਮਹੱਤਵ ਦਿੰਦੀ ਹੈ, ਨਾਲ ਹੀ ਵਿਕਲਪਾਂ ਨੂੰ ਵੀ।’’ ਵਿਦੇਸ਼ ਮੰਤਰੀ ਨੇ ਕਿਹਾ ਕਿ ਪਿਛਲੇ 25 ਸਾਲਾਂ ਦੀ ਮਿਆਦ ’ਚ ਦੋਹਾਂ ਪੱਖਾਂ ਵਿਚਾਲੇ ਸਹਿਯੋਗ ਵਧਣ ਨਾਲ ਤਾਲਮੇਲ ਅਤੇ ਗਠਜੋੜ ਅਤੇ ਸੁਰੱਖਿਆ ਲਈ ਨਵੇਂ ਰਾਹ ਖੁੱਲ੍ਹੇ ਹਨ।     (ਏਜੰਸੀ)