ਜੇਕਰ ਪੰਜਾਬ ਦੀ ਕਿਸਾਨੀ ਹੀ ਨਾ ਰਹੀ ਤਾਂ ਪੰਜਾਬ ਦੇ ਗਾਇਕ ਵੀ ਨਹੀਂ ਰਹਿਣਗੇ।
ਨਵੀਂ ਦਿੱਲੀ : ਕੰਵਰ ਗਰੇਵਾਲ ਨਾਲ ਸਟੇਜ ‘ਤੇ ਪਹੁੰਚੇ ਪੰਜਾਬੀ ਕਲਾਕਾਰਾਂ ਕਿਸਾਨੀ ਨੂੰ ਦਿੱਤਾ ਸਮਰਥਨ ਕਰਦਿਆਂ ਕਿਹਾ ਕਿ ਪੰਜਾਬੀ ਕਲਾਕਾਰ ਕਿਸਾਨੀ ਨਾਲ ਮੋਢੇ ਨਾਲ ਮੋਢਾ ਜੋੜ ਕੇ ਇਸ ਸੰਘਰਸ਼ ਵਿੱਚ ਸਾਥ ਦੇਣਗੇ, ਉਨ੍ਹਾਂ ਕਿਹਾ ਕਿ ਪੰਜਾਬੀ ਗਾਇਕੀ ਇਸੇ ਕਰਕੇ ਖ਼ੁਸ਼ਹਾਲ ਹਨ ਜੇ ਕਿਸਾਨੀ ਖੁਸ਼ਹਾਲ ਹੈ , ਜੇਕਰ ਪੰਜਾਬ ਦੀ ਕਿਸਾਨੀ ਹੀ ਨਾ ਰਹੀ ਤਾਂ ਪੰਜਾਬ ਦੇ ਗਾਇਕ ਵੀ ਨਹੀਂ ਰਹਿਣਗੇ।
photoਪੰਜਾਬੀ ਗਾਇਕ ਨੇ ਕਿਹਾ ਕਿ ਪੰਜਾਬ ਦੇ ਗਾਇਕ ਵੀ ਹੁਣ ਕਿਸਾਨਾਂ ਨਾਲ ਸੰਘਰਸ਼ ਦੇ ਰਾਹ ਵਿੱਚ ਤੁਰ ਪਏ ਹਨ , ਉਨ੍ਹਾਂ ਕਿਹਾ ਕਿ ਕਿਸਾਨ ਜਥੇਬੰਦੀਆਂ ਸੰਘਰਸ਼ ਦੇ ਮੋਰਚੇ ਨੂੰ ਜਿੱਥੇ ਲੈ ਕੇ ਜਾਣਗੇ, ਪੰਜਾਬੀ ਗਾਇਕ ਕਿਸਾਨਾਂ ਦੇ ਨਾਲ ਹੀ ਤੁਰਨਗੇ। ਉਨ੍ਹਾਂ ਕਿਹਾ ਕਿ ਇਸ ਸੰਘਰਸ਼ ਨੂੰ ਜਿੱਥੇ ਕਿਸਾਨ ਜਥੇਬੰਦੀਆਂ ਤਨਦੇਹੀ ਨਾਲ ਲੜ ਰਹੀਆਂ ਹਨ ਉੱਥੇ ਸਾਡੇ ਨੌਜਵਾਨਾਂ ਦੀ ਜ਼ਿੰਮੇਵਾਰੀ ਨਿਭਾਆ ਰਹੇ ਹਨ ਉਨ੍ਹਾਂ ਕਿਹਾ ਕਿ ਉਹ ਇਸ ਸੰਘਰਸ਼ ਦੀ ਰਾਖੀ ਵੀ ਕਰਨ।
Farmers Protestਉਨ੍ਹਾਂ ਕਿਹਾ ਕਿ ਸੰਘਰਸ਼ ਨੂੰ ਬਦਨਾਮ ਕਰਨ ਦੇ ਲਈ ਸਰਕਾਰ ਅਤੇ ਗੋਦੀ ਮੀਡੀਆ ਜ਼ੋਰ ਲਾ ਰਿਹਾ ਹੈ ਸਦਕੇ ਜਾਈਏ ਪੰਜਾਬ ਦੀਆਂ ਕਿਸਾਨ ਜਥੇਬੰਦੀਆਂ ਤੇ ਨੌਜਵਾਨਾਂ ਦੇ ਜਿਨ੍ਹਾਂ ਨੇ ਕਿਸਾਨੀ ਸ਼ੰਘਰਸ ਨੂੰ ਫਟਕਣ ਨਹੀਂ ਦਿੱਤਾ। ਉਨ੍ਹਾਂ ਕਿਹਾ ਕਿ ਨੌਜਵਾਨਾਂ ਵਿੱਚ ਜੋਸ਼ ਜ਼ਿਆਦਾ ਹੁੰਦਾ ਹੈ ਅਤੇ ਹੋਸ਼ ਦੀ ਕਮੀ ਹੁੰਦੀ ਹੈ, ਇਸ ਲਈ ਨੌਜਵਾਨਾਂ ਨੂੰ ਮੈਂ ਅਪੀਲ ਕਰਦਾ ਹਾਂ ਕਿ ਇਸ ਸੰਘਰਸ਼ ਵਿੱਚ ਅਨੁਸ਼ਾਸਨ ਨੂੰ ਬਣਾ ਕੇ ਰੱਖਣ ਤਾਂ ਸੰਘਰਸ਼ ਸਹੀ ਦਿਸ਼ਾ ਵਿਚ ਚਲੇ।
farmerਇਸ ਮੌਕੇ ਪੰਜਾਬੀ ਗਾਇਕਾ ਸਤਿੰਦਰ ਸੱਤੀ ਨੇ ਕਿਹਾ ਕਿ ਸਾਡਾ ਪੰਜਾਬੀਆਂ ਦਾ ਇਤਿਹਾਸ ਫਰੋਲ ਕੇ ਦੇਖੋ ਜਦੋਂ ਜਦੋਂ ਸੰਘਰਸ਼ ਹੋਇਆ ਹੈ, ਪੰਜਾਬੀਆਂ ਨੇ ਅੱਗੇ ਹੋ ਕੇ ਆਪਣਾ ਰੋਲ ਅਦਾ ਕੀਤਾ ਹੈ, ਪੰਜਾਬੀਆਂ ਦੇ ਜ਼ਜਬੇ ਦੀ ਮਿਸਾਲ ਹੋਰ ਕਿਤੇ ਵੀ ਦੇਖਣ ਨੂੰ ਨਹੀਂ ਮਿਲਦੀ। ਉਨ੍ਹਾਂ ਕਿਹਾ ਕਿ ਕਿਸਾਨਾਂ ਦੇ ਸੰਘਰਸ਼ ਨੂੰ ਇਕੱਲਾ ਭਾਰਤ ਹੀ ਨਹੀਂ ਦੇਖ ਰਿਹਾ ਸਗੋਂ ਪੂਰੀ ਦੁਨੀਆਂ ਦੇਖ ਰਹੀ ਹੈ। ਇਸ ਮੌਕੇ ਗੁਰਲੇਜ਼ ਅਖਤਰ, ਮਾਸਟਰ ਸਲੀਮ, ਮਿਸ ਪੂਜਾ, ਕੌਰ ਬੀ, ਜਪਜੀ ਖਹਿਰਾ, ਜੈਸਮੀਤ ਕੌਰ, ਅਤੇ ਹੋਰ ਦਰਜਨਾਂ ਪੰਜਾਬੀ ਕਲਾਕਾਰਾਂ ਨੇ ਹਾਜ਼ਰੀ ਲਵਾਈ।
