Farmer
ਨੇੜਲੇ ਪਿੰਡ ਅੱਕਵਾਲੀ ਵਿਖੇ ਇਕ ਛੋਟੇ ਕਿਸਾਨ ਵਲੋਂ ਅਪਣੇ ਸਿਰ ਚੜ੍ਹੇ ਕਰਜ਼ੇ ਕਾਰਨ ਫਾਹਾ ਲੈ ਕੇ ਖ਼ੁਦਕੁਸ਼ੀ ਕਰਨ ਦਾ ਸਮਾਚਾਰ ਮਿਲਿਆ ਹੈ
ਬੋਹਾ, 9 ਜੂਨ (ਪਪ): ਨੇੜਲੇ ਪਿੰਡ ਅੱਕਵਾਲੀ ਵਿਖੇ ਇਕ ਛੋਟੇ ਕਿਸਾਨ ਵਲੋਂ ਅਪਣੇ ਸਿਰ ਚੜ੍ਹੇ ਕਰਜ਼ੇ ਕਾਰਨ ਫਾਹਾ ਲੈ ਕੇ ਖ਼ੁਦਕੁਸ਼ੀ ਕਰਨ ਦਾ ਸਮਾਚਾਰ ਮਿਲਿਆ ਹੈ । ਪ੍ਰਾਪਤ ਜਾਣਕਾਰੀ ਅਨੁਸਾਰ ਕਿਸਾਨ ਲੀਲਾ ਸਿੰਘ (48) ਪੁੱਤਰ ਕਰਤਾਰ ਸਿੰਘ ਨੇ ਇਕ ਬੈਂਕ ਤੋਂ ਕਰਜ਼ੇ ਦੀ ਲਿਮਿਟ ਬਣਾਈ ਹੋਈ ਸੀ ਅਤੇ ਘਰ ਦੀ ਕਬੀਲਦਾਰੀ ਕਾਰਨ ਉਸ ਉਤੇ ਹੋਰ ਵੀ ਬਹੁਤ ਸਾਰਾ ਕਰਜ਼ਾ ਚੜ੍ਹ ਗਿਆ ਸੀ। ਇਸ ਕਰਜ਼ੇ ਦੀਆਂ ਕਿਸ਼ਤਾਂ ਨਾ ਭਰ ਸਕਣ ਕਾਰਨ ਉਹ ਕਈ ਦਿਨਾਂ ਤੋਂ ਪ੍ਰੇਸ਼ਾਨ ਸੀ।
Farmer
ਬੀਤੀ ਰਾਤ ਇਸ ਤਣਾਅ ਦੇ ਚਲਦਿਆਂ ਉਸ ਅਪਣੇ ਖੇਤ ਵਿਚ ਫਾਹਾ ਲੈ ਕੇ ਖ਼ੁਦਕੁਸ਼ੀ ਕਰ ਲਈ। ਇਸ ਕੇਸ ਦੀ ਤਫ਼ਤੀਸ਼ ਕਰ ਰਹੇ ਥਾਣਾ ਬੋਹਾ ਦੇ ਸਹਾਇਕ ਥਾਣੇਦਾਰ ਭੁਪਿੰਦਰ ਸਿੰਘ ਨੇ ਦਸਿਆ ਕਿ ਬੋਹਾ ਪੁਲਿਸ ਨੇ ਇਸ ਮਾਮਲੇ ਵਿਚ ਆਈਪੀਸੀ ਦੀ ਧਾਰਾ 174 ਅਧੀਨ ਕਾਰਵਾਈ ਕਰ ਕੇ ਪੋਸਟ ਮਾਰਟਮ ਤੋ ਬਾਅਦ ਲਾਸ਼ ਉਸ ਦੇ ਵਾਰਸ਼ਾ ਦੇ ਹਵਾਲੇ ਕਰ ਦਿਤੀ ਹੈ। ਪਿੰਡ ਦੇ ਲੋਕਾਂ ਨੇ ਮੰਗ ਕੀਤੀ ਹੈ ਕਿ ਸਰਕਾਰ ਇਸ ਗ਼ਰੀਬ ਕਿਸਾਨ ਦੇ ਪਰਵਾਰ ਨੂੰ ਤਰੁਤ ਆਰਥਕ ਰਾਹਤ ਦੇਵੇ।
