ਬਲਾਕ ਮਾਜਰੀ ਤੋਂ ਭੇਜਿਆ ਲਾਵਾਰਸ ਵਿਅਕਤੀ ਕੁਰਾਲੀ ਹਸਪਤਾਲ ’ਚੋਂ ਗ਼ਾਇਬ
Published : May 11, 2020, 9:47 am IST
Updated : May 11, 2020, 9:48 am IST
SHARE ARTICLE
File Photo
File Photo

ਸਰਕਾਰ ਇਕ ਪਾਸੇ ਕੋਰੋਨਾ ਤੋਂ ਬਚਾਅ ਦੇ ਪੂਰੇ ਪ੍ਰਬੰਧਾਂ ਦਾ ਦਾਅਵਾ ਕਰ ਰਹੀ ਹੈ। ਦੂਜੇ ਪਾਸੇ ਸਰਕਾਰੀ ਹਸਪਤਾਲਾਂ ਅੰਦਰ ਲਾਵਾਰਸ ਮਰੀਜ਼ਾਂ ਦੀ ਸੰਭਾਲ ਦਾ

ਕੁਰਾਲੀ/ਮਾਜਰੀ, 10 ਮਈ (ਕੁਲਵੰਤ ਸਿੰਘ ਧੀਮਾਨ) : ਸਰਕਾਰ ਇਕ ਪਾਸੇ ਕੋਰੋਨਾ ਤੋਂ ਬਚਾਅ ਦੇ ਪੂਰੇ ਪ੍ਰਬੰਧਾਂ ਦਾ ਦਾਅਵਾ ਕਰ ਰਹੀ ਹੈ। ਦੂਜੇ ਪਾਸੇ ਸਰਕਾਰੀ ਹਸਪਤਾਲਾਂ ਅੰਦਰ ਲਾਵਾਰਸ ਮਰੀਜ਼ਾਂ ਦੀ ਸੰਭਾਲ ਦਾ ਕੋਈ ਪੁਖਤਾ ਪ੍ਰਬੰਧ ਨਹੀਂ ਹੈ। ਇਸ ਦੀ ਮਿਸਾਲ ਦਿੰਦਿਆ ਸਮਾਜ ਸੇਵੀ ਰਵਿੰਦਰ ਸਿੰਘ ਵਜੀਦਪੁਰ ਤੇ ਜਸਵੀਰ ਸਿੰਘ ਕਾਦੀਮਾਜਰਾ ਨੇ ਦਸਿਆ ਕਿ ਉਨ੍ਹਾਂ ਮਾਜਰੀ ਬਲਾਕ ਨੇੜੇ ਕੁਰਾਲੀ ਸਿਸਵਾਂ ਰੋਡ ਤੋਂ ਪਿਛੇ ਖਤਾਨਾਂ ਵਿਚ ਅਲਫ਼ ਨੰਗੇ ਤੇ ਭੁੱਖ ਨਾਲ ਤੜਫ ਰਹੇ ਇਕ ਵਿਅਕਤੀ ਦੇਖਿਆ ਤਾਂ ਉਹ ਤੁਰਤ ਹੈਲਪਲਾਈਨ 112 ਰਾਹੀਂ ਮਾਜਰੀ ਪੁਲਿਸ ਦੀ ਸਹਾਇਤਾ ਨਾਲ ਉਸ ਨੂੰ ਸਿਵਲ ਹਸਪਤਾਲ ਬੂਥਗੜ੍ਹ ਵਿਖੇ ਲੈ ਕੇ ਗਏ।

ਇਸ ਦੌਰਾਨ ਹਸਪਤਾਲ ’ਚ ਤੈਨਾਤ ਮਹਿਲਾ ਡਾਕਟਰ ਨੇ ਰਾਤ ਵੇਲੇ ਇਥੇ ਸਟਾਫ਼ ਦੀ ਕਮੀ ਦਸਦਿਆਂ ਇਸ ਵਿਅਕਤੀ ਨੂੰ ਸਿਵਲ ਹਸਪਤਾਲ ਕੁਰਾਲੀ ਵਿਖੇ ਰੈਫ਼ਰ ਕੀਤਾ ਤਾਂ ਉਨ੍ਹਾਂ ਖ਼ੁਦ 108 ਐਂਬੂਲੈਂਸ ਰਾਹੀਂ ਕੁਰਾਲੀ ਲਈ ਬਿਠਾ ਕੇ ਭੇਜਿਆ। ਇਸ ਉਪਰੰਤ ਉਨ੍ਹਾਂ ਐਂਬੂਲੈਂਸ ਸਟਾਫ਼ ਤੋਂ ਜਾਣਕਾਰੀ ਲਈ ਕਿ ਉਸ ਨੂੰ ਦਾਖ਼ਲ ਕਰਵਾ ਦਿਤਾ ਗਿਆ ਪਰ ਉਸ ਦੀ ਹਾਲਤ ਅਤੇ ਲਾਵਾਰਿਸ ਹੋਣ ਕਾਰਨ ਸਾਨੂੰ ਉਸ ਦੇ ਇਲਾਜ ਲਈ ਧਿਆਨ ਨਾ ਦੇਣ ਦਾ ਪਹਿਲਾਂ ਹੀ ਸ਼ੱਕ ਹੋਣ ਕਾਰਨ ਜਦ ਹਸਪਤਾਲ ਸੰਪਰਕ ਕਰ ਕੇ ਪਤਾ ਕੀਤਾ ਤਾਂ ਉਥੋਂ ਕਿਸੇ ਮੁਲਾਜ਼ਮ ਨੇ ਦਸਿਆ ਕਿ ਉਹ ਵਿਅਕਤੀ ਸਾਡੇ ਕੋਲੋਂ ਚਲਾ ਗਿਆ।

File photoFile photo

ਮੌਜੂਦਾ ਸਮੇਂ ਕੋਰੋਨਾ ਦੀ ਬਿਮਾਰੀ ਕਾਰਨ ਉਸ ਵਿਅਕਤੀ ਦੇ ਟੈਸਟ ਵਲ ਧਿਆਨ ਨਾ ਦੇਣ ਬਾਰੇ ਉਨ੍ਹਾਂ ਨੂੰ ਸ਼ਿਕਾਇਤ ਕਰਨ ਬਾਰੇ ਕਹਿਣ ਤੋਂ ਬਾਅਦ  ਮੁਲਾਜ਼ਮਾਂ ਨੇ ਫਿਰ ਫ਼ੋਨ ’ਤੇ ਦਸਿਆ ਕਿ ਉਸ ਵਿਅਕਤੀ ਨੂੰ ਦੁਬਾਰਾ ਲੱਭ ਲਿਆ ਸੀ ਪਰ ਉਹ ਸਾਡੀ ਪਕੜ ਵਿਚ ਛੁੱਟ ਕੇ ਬਾਜ਼ਾਰ ਵਲ ਭੱਜ ਗਿਆ। ਹਪਸਤਾਲ ਸਟਾਫ਼ ਦੀ ਇਸ ਲਾਪ੍ਰਵਾਹੀ ਬਾਰੇ ਉਨ੍ਹਾਂ ਰਾਤ ਸਮੇਂ ਹੀ ਲਿਖਤੀ ਵੱਟਸਐਪ ਸੰਦੇਸ਼ ਰਾਹੀ ਸਿਹਤ ਮੰਤਰੀ ਬਲਬੀਰ ਸਿੰਘ ਸਿੱਧੂ ਨੂੰ ਵੀ ਜਾਣੂ ਕਰਵਾਇਆ, ਜਿਨ੍ਹਾਂ ਮੈਸੇਜ ਤਾਂ ਤੁਰਤ ਚੈਕ ਕਰ ਲਿਆ ਪਰ ਕੋਈ ਜਵਾਬ  ਨਹੀਂ ਆਇਆ। ਉਨ੍ਹਾਂ ਕਿਹਾ ਕਿ ਸਵੇਰੇ ਫਿਰ ਉਨ੍ਹਾਂ ਐਸ.ਐਮ.ਓ. ਮਹਿੰਦਰ ਸਿੰਘ ਨਾਲ ਘਟਨਾ ਬਾਰੇ ਅਤੇ ਹਸਪਤਾਲ ਅੰਦਰ ਸ਼ੱਕੀ ਮਰੀਜ਼ ਲਈ ਸੁਰੱਖਿਅਤ ਵਾਰਡ ਨਾ ਹੋਣ ਬਾਰੇ ਵੀ ਫ਼ੋਨ ’ਤੇ ਗੱਲ ਕੀਤੀ ਤਾਂ ਉਨ੍ਹਾਂ ਇਸ ਘਟਨਾ ਬਾਰੇ ਅਣਜਾਣਤਾ ਪ੍ਰਗਟਾਈ ਤੇ ਕਿਹਾ ਮਰੀਜ਼ ਨੂੰ ਸ਼ਹਿਰ ਦੀ ਪੁਲਿਸ ਦੀ ਮਦਦ ਨਾਲ ਲੱਭਣ ਦੀ ਪੂਰੀ ਕੋਸ਼ਿਸ਼ ਕਰਨਗੇ।

Location: India, Punjab

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

kartik baggan murder Case : ਦੇਖੋ ਕਿਵੇਂ ਕੀਤਾ ਗਿਆ Ludhiana Influencer Kartik Baggan ਦਾ murder

28 Aug 2025 2:56 PM

Punjab Flood Rescue Operation : ਲੋਕਾਂ ਦੀ ਜਾਨ ਬਚਾਉਣ ਲਈ ਪਾਣੀ 'ਚ ਉਤਰਿਆ ਫੌਜ ਦਾ 'HULK'

28 Aug 2025 2:55 PM

Gurdwara Sri Kartarpur Sahib completely submerged in water after heavy rain Pakistan|Punjab Floods

27 Aug 2025 3:16 PM

400 ਬੱਚਿਆਂ ਦੇ ਮਾਂ-ਪਿਓ ਆਏ ਕੈਮਰੇ ਸਾਹਮਣੇ |Gurdaspur 400 students trapped as floodwaters |Punjab Floods

27 Aug 2025 3:13 PM

'ਅਕਾਲੀਆਂ ਦੇ ਝੂਠ ਦਾ ਪਰਦਾਫ਼ਾਸ਼, Video Edit ਕਰਕੇ Giani harpreet singh ਨੂੰ ਕੀਤਾ ਗਿਆ ਬਦਨਾਮ'| Sukhbir Badal

24 Aug 2025 3:07 PM
Advertisement