ਲਹਿੰਬਰ ਸਿੰਘ ਆਪਣੀ ਮਾਤਾ ਦਾ ਇਕਲੌਤਾ ਪੁੱਤਰ ਸੀ। ਖੇਤੀਬਾੜੀ ਦੇ ਨਾਲ-ਨਾਲ ਘਰ ਦੇ ਸਾਰੇ ਕੰਮ ਉਹੀ ਕਰਦਾ ਸੀ।
ਫਿਲੌਰ/ਲੋਹੀਆਂ (ਸੁਰਜੀਤ ਸਿੰਘ ਕੰਦੋਵਾਲੀ) : ਨਜ਼ਦੀਕੀ ਪਿੰਡ ਚੱਕ ਚੇਲਾ ਦੇ ਦੋ ਜੀਆਂ ਦੀ ਇੱਕੋ ਦਿਨ ਕੋਰੋਨਾ ਕਾਰਨ ਮੌਤ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਜਾਣਕਾਰੀ ਅਨੁਸਾਰ ਸਰਬਜੀਤ ਕੌਰ ਜਿਸ ਦੀ ਉਮਰ 60 ਸਾਲ ਸੀ, ਉਸ ਨੂੰ ਕੋਰੋਨਾ ਦੀ ਸ਼ਿਕਾਇਤ ਹੋ ਗਈ ਸੀ, ਜਿਸ ਕਾਰਨ ਉਸ ਨੂੰ ਲੁਧਿਆਣਾ ਦੇ ਡੀਐਮਸੀ ਹਸਪਤਾਲ ਵਿਚ ਦਾਖ਼ਲ ਕਰਵਾਇਆ ਗਿਆ।
Mother and son die of corona virus on the same day
ਮਾਤਾ ਦੀ ਦੇਖਭਾਲ ਲਈ ਉਸ ਦਾ ਪੁੱਤਰ ਲਹਿੰਬਰ ਸਿੰਘ ਉਮਰ 40 ਸਾਲ ਉਸ ਦੇ ਕੋਲ ਡੀਐਮਸੀ ਹਸਪਤਾਲ ਲੁਧਿਆਣਾ ਵਿਖੇ ਰਹਿਣ ਲੱਗ ਪਿਆ। ਸਿੱਟੇ ਵਜੋਂ ਪੁੱਤਰ ਲਹਿੰਬਰ ਸਿੰਘ ਨੂੰ ਵੀ ਕੋਰੋਨਾ ਦੀ ਸ਼ਿਕਾਇਤ ਹੋ ਗਈ ਅਤੇ ਉਸ ਨੂੰ ਵੀ ਡੀਐਮਸੀ ਹਸਪਤਾਲ ਦੀ ਕੋਰੋਨਾ ਵਾਰਡ ਵਿਚ ਮਾਤਾ ਤੋਂ ਕੁੱਝ ਦੂਰ ਬੈੱਡ ਉੱਪਰ ਦਾਖ਼ਲ ਕਰ ਲਿਆ ਗਿਆ।
Mother and son die of corona virus on the same day
ਮਾਤਾ ਦੀ ਕੋਰੋਨਾ ਕਾਰਨ ਮੌਤ ਹੋ ਗਈ ਅਤੇ ਸ਼ਾਮ ਸਮੇਂ ਜਦੋਂ ਮਾਤਾ ਦਾ ਅੰਤਮ ਸਸਕਾਰ ਕੀਤਾ ਜਾ ਰਿਹਾ ਸੀ ਤਾਂ ਪੁੱਤਰ ਨੂੰ ਮਾਤਾ ਦੀ ਮੌਤ ਕਾਫ਼ੀ ਸਦਮਾ ਲੱਗਾ, ਉਸ ਦਾ ਬੀਪੀ ਬਹੁਤ ਥੱਲੇ ਚਲਾ ਗਿਆ ਅਤੇ ਡਾਕਟਰਾਂ ਦੀ ਲੱਖ ਕੋਸ਼ਿਸ਼ ਦੇ ਬਾਵਜੂਦ ਵੀ ਜਦੋਂ ਮਾਤਾ ਦਾ ਸਸਕਾਰ ਕੀਤਾ ਜਾ ਰਿਹਾ ਸੀ ਉਸ ਟਾਈਮ ਖ਼ਬਰ ਆਈ ਕਿ ਪੁੱਤਰ ਵੀ ਚੱਲ ਵਸਿਆ ਹੈ।
Corona death
ਇਸ ਘਟਨਾ ਕਾਰਨ ਪਿੰਡ ਵਿਚ ਮਾਤਮ ਦਾ ਮਾਹੌਲ ਛਾਇਆ ਹੋਇਆ ਹੈ। ਪਿੰਡ ਵਾਸੀਆਂ ਨੇ ਦਸਿਆ ਕਿ ਲਹਿੰਬਰ ਸਿੰਘ ਆਪਣੀ ਮਾਤਾ ਦਾ ਇਕਲੌਤਾ ਪੁੱਤਰ ਸੀ। ਖੇਤੀਬਾੜੀ ਦੇ ਨਾਲ-ਨਾਲ ਘਰ ਦੇ ਸਾਰੇ ਕੰਮ ਉਹੀ ਕਰਦਾ ਸੀ।
