ਅੰਦੋਲਨ ਨੂੰ  ਅੰਦੋਲਨਜੀਵੀ ਕਹਿ ਕੇ ਕਿਸਾਨਾਂ ਮਜ਼ਦੂਰਾਂ ਦਾ ਅਪਮਾਨ ਕਰ ਰਹੀ ਹੈ ਮੋਦੀ ਸਰਕਾਰ

ਚੰਡੀਗੜ੍ਹ, 11 ਫ਼ਰਵਰੀ (ਭੁੱਲਰ) : ਕਿਸਾਨ ਮਜਦੂਰ ਸੰਘਰਸ਼ ਕਮੇਟੀ ਪੰਜਾਬ ਦੇ ਸੂਬਾ ਪ੍ਰਧਾਨ ਸਤਨਾਮ ਸਿੰਘ ਪੰਨੂ, ਸੂਬਾ ਜਨਰਲ ਸਕੱਤਰ ਸਰਵਣ ਸਿੰਘ ਪੰਧੇਰ, ਜਸਬੀਰ ਸਿੰਘ ਪਿੱਦੀ ਤੇ ਸੁਖਵਿੰਦਰ ਸਿੰਘ ਸਭਰਾ ਨੇ ਕਿਹਾ ਕਿ ਮੋਦੀ ਸਰਕਾਰ ਲੋਕਾਂ ਦੁਆਰਾ ਚੁਣੀ ਹੋਈ ਸਰਕਾਰ ਦੀ ਜੋ ਲੋਕਾਂ ਪ੍ਰਤੀ ਜ਼ਿੰਮੇਵਾਰੀ ਬਣਦੀ ਹੈ ਉਸ ਤੋਂ ਭੱਜ ਚੁੱਕੀ ਹੈ | 
ਲੋਕਤੰਤਰ ਦੀ ਪਵਿੱਤਰਤਾ ਇਸ ਗੱਲ ਵਿੱਚ ਹੁੰਦੀ ਹੈ ਕਿ  ਉਹ ਕਿਸਾਨਾਂ ਮਜਦੂਰਾਂ ਅਤੇ ਆਮ ਲੋਕਾਂ ਦੀ ਆਵਾਜ਼ ਦਾ ਸਨਮਾਨ ਕਰੇ, ਜਦ ਕਿ ਪ੍ਰਧਾਨ ਮੰਤਰੀ ਜੀ ਖੇਤੀ ਕਾਨੂੰਨਾਂ ਦੇ ਚੰਗੇ ਹੋਣ ਦਾ ਦਾਅਵਾ ਕਰਕੇ ਕਿਸਾਨਾਂ ਦੀ ਆਵਾਜ਼ ਦਾ ਅਪਮਾਨ ਕਰ ਰਹੇ ਹਨ, ਇੱਕ ਪਾਸੇ ਕਾਨੂੰਨ ਲਾਗੂ ਕਰਕੇ ਉਸਦੀ  ਚੰਗਿਆਈਆਂ ਬੁਰਿਆਈਆਂ ਸਾਬਤ ਹੋਣ ਦਾ ਦਾਅਵਾ ਕੀਤਾ ਜਾਂਦਾ ਹੈ, ਦੂਸਰੇ ਪਾਸੇ ਡੇਢ ਸਾਲ ਲਈ ਕਾਨੂੰਨ ਲਾਗੂ ਨਾ ਹੋਣ  ਦੇ ਦਾਅਵੇ ਮੋਦੀ ਸਰਕਾਰ ਦੇ ਦੋਹਰੇ ਮਿਆਰ ਦੇ ਸਬੂਤ ਹਨ | ਗੱਲਬਾਤ ਲਈ ਮੇਜ਼ ਤੇ ਬੈਠਣ ਤੋਂ ਪਹਿਲਾਂ ਗੱਲਬਾਤ ਦਾ ਮਾਹੌਲ ਸਿਰਜਿਆ ਜਾਵੇ, ਗਿ੍ਫਤਾਰ ਕੀਤੇ ਕਿਸਾਨਾਂ ਨੂੰ  ਬਿਨਾਂ ਸ਼ਰਤ ਰਿਹਾਅ ਕਰੇ ਸਰਕਾਰ, ਬੈਰੀਗੇਟਿੰਗ ਪਿੱਛੇ ਕੀਤੀ ਜਾਵੇ, ਸਿੰਧੂ ਬਾਰਡਰ ਉੱਤੇ ਦੋਹਾਂ ਸਟੇਜਾਂ ਵਿਚ ਆਉਣ ਜਾਣ ਦਾ ਰਸਤਾ ਬਹਾਲ ਕੀਤਾ ਜਾਵੇ, 18 ਫਰਵਰੀ ਨੂੰ  ਰੇਲ ਰੋਕੋ ਅੰਦੋਲਨ ਦੌਰਾਨ ਪੂਰੇ ਭਾਰਤ ਵਿੱਚ ਲੱਖਾਂ ਦੀ ਗਿਣਤੀ ਚ ਲੋਕ ਹਿੱਸਾ ਲੈਣਗੇ ਤੇ 12 ਫ਼ਰਵਰੀ ਨੂੰ  ਰਾਜਸਥਾਨ ਦੇ ਟੋਲ ਵੀ ਫ੍ਰੀ ਮੁਫਤ ਕੀਤੇ ਜਾਣਗੇ |    
image