ਸਾਲ 2016-2020 ਦੌਰਾਨ ਕਾਂਗਰਸ ਦੇ 170 ਵਿਧਾਇਕ ਦੂਜੀਆਂ ਪਾਰਟੀਆਂ ਵਿਚ ਹੋਏ ਸ਼ਾਮਲ : ਏ.ਡੀ.ਆਰ.
ਸਾਲ 2016-2020 ਦੌਰਾਨ ਕਾਂਗਰਸ ਦੇ 170 ਵਿਧਾਇਕ ਦੂਜੀਆਂ ਪਾਰਟੀਆਂ ਵਿਚ ਹੋਏ ਸ਼ਾਮਲ : ਏ.ਡੀ.ਆਰ.
ਨਵੀਂ ਦਿੱਲੀ, 11 ਮਾਰਚ: ਚੁਣਾਵੀ ਅਤੇ ਰਾਜਨੀਤਕ ਸੁਧਾਰਾਂ ਦੀ ਇਕ ਸੰਸਥਾ, ਐਸੋਸੀਏਸ਼ਨ ਫ਼ਾਰ ਡੈਮੋਕਰੇਟਿਕ ਰਿਫਾਰਮਜ਼ (ਏ.ਡੀ.ਆਰ.) ਨੇ ਇਕ ਰੀਪੋਰਟ ਵਿਚ ਕਿਹਾ ਹੈ ਕਿ ਸਾਲ 2016-2020 ਦੌਰਾਨ ਹੋਈਆਂ ਚੋਣਾਂ ਦੌਰਾਨ ਕਾਂਗਰਸ ਦੇ 170 ਵਿਧਾਇਕ ਹੋਰ ਪਾਰਟੀਆਂ ਵਿਚ ਸ਼ਾਮਲ ਹੋਏ ਸਨ ਜਦਕਿ ਸਿਰਫ਼ 18 ਭਾਜਪਾ ਵਿਧਾਇਕਾਂ ਨੇ ਹੋਰ ਪਾਰਟੀਆਂ ਦਾ ਪੱਲਾ ਫੜਿਆ | ਏਡੀਆਰ ਦੀ ਇਸ ਰੀਪੋਰਟ ਇਹ ਵੀ ਕਿਹਾ ਗਿਆ ਹੈ ਕਿ ਸਾਲ 2016-2020 ਦੌਰਾਨ ਦੂਜੀਆਂ ਪਾਰਟੀਆਂ ਵਿਚ ਸ਼ਾਮਲ ਹੋ ਕੇ ਮੁੜ ਚੋਣਾਵੀ ਮੈਦਾਨ ਵਿਚ ਉਤਰਨ ਵਾਲੇ 405 ਵਿਧਾਇਕਾਂ ਵਿਚੋਂ 182 ਭਾਜਪਾ ਵਿਚ ਸ਼ਾਮਲ ਹੋਏ ਤਾਂ 28 ਵਿਧਾਇਕ ਕਾਂਗਰਸ ਅਤੇ 25 ਵਿਧਾਇਕ ਤੇਲੰਗਾਨਾ ਰਾਸ਼ਟਰ ਕਮੇਟੀ ਦਾ ਹਿੱਸਾ ਸਨ |
ਰਿਪੋਰਟ ਦੇ ਅਨੁਸਾਰ, 2019 ਦੀਆਂ ਲੋਕ ਸਭਾ ਚੋਣਾਂ ਦੌਰਾਨ ਪੰਜ ਲੋਕ ਸਭਾ ਮੈਂਬਰ ਭਾਜਪਾ ਨੂੰ ਛੱਡ ਕੇ ਦੂਜੀਆਂ
ਪਾਰਟੀਆਂ ਵਿਚ ਸ਼ਾਮਲ ਹੋਏ ਤਾਂ 2016 -2020 ਦੌਰਾਨ ਕਾਂਗਰਸ ਦੇ ਸੱਤ ਰਾਜ ਸਭਾ ਮੈਂਬਰ ਦੂਜੀਆਂ ਪਾਰਟੀਆਂ ਵਿਚ ਸ਼ਾਮਲ ਹੋਏ |
ਏਡੀਆਰ ਦੀ ਰੀਪੋਰਟ ਵਿਚ ਕਿਹਾ ਗਿਆ ਹੈ ਕਿ ਸਾਲ 2016-2020 ਵਿਚ ਹੋਈਆਂ ਚੋਣਾਂ ਦੌਰਾਨ ਕਾਂਗਰਸ ਦੇ 170 ਵਿਧਾਇਕ ਹੋਰ ਪਾਰਟੀਆਂ ਵਿਚ ਸ਼ਾਮਲ ਹੋਏ ਸਨ, ਜਦਕਿ ਇਸ ਸਮੇਂ ਦੌਰਾਨ ਸਿਰਫ਼ 18 ਭਾਜਪਾ ਵਿਧਾਇਕਾਂ ਨੇ ਦੂਜੀਆਂ ਪਾਰਟੀਆਂ ਦਾ ਪੱਲਾ ਫੜਿਆ |
ਏਡੀਆਰ ਨੇ ਕਿਹਾ ਕਿ ਇਹ ਧਿਆਨ ਦੇਣ ਯੋਗ ਹੈ ਕਿ ਮੱਧ ਪ੍ਰਦੇਸ਼, ਮਨੀਪੁਰ, ਗੋਆ, ਅਰੁਣਾਚਲ ਪ੍ਰਦੇਸ਼ ਅਤੇ ਕਰਨਾਟਕ ਵਿਚ ਸਰਕਾਰ ਦਾ ਬਣਨਾ ਅਤੇ ਡਿਗਣਾ ਵਿਧਾਇਕਾਂ ਦੇ ਦੂਜੀ ਪਾਰਟੀ ਵਿਚ ਸ਼ਾਮਲ ਹੋਣ ਦੀ ਬਨਿਆਦ ਉੱਤੇ ਹੋਇਆ |
ਇਸ ਰੀਪੋਰਟ ਅਨੁਸਾਰ,
image ਰਾਜ ਸਭਾ ਚੋਣਾਂ ਵਿਚ ਮੁਡ ਚੋਣ ਲੜਨ ਵਾਲੇ 16 ਰਾਜ ਸਭਾ ਮੈਂਬਰਾਂ ਵਿਚੋਂ 10 ਨੇ ਪਾਰਟੀ ਬਦਲ ਦਿਤੀ ਅਤੇ ਭਾਜਪਾ ਵਿਚ ਸ਼ਾਮਲ ਹੋਏ | (ਪੀਟੀਆਈ)
