ਕਿਸੇ ਉਤੇ ਪਰਚੇ ਦਰਜ ਕਰਾਉਣ 'ਚ ਨਹੀਂ ਪੈਣਾ, ਲੋਕਾਂ ਦੇ ਕੰਮ ਕਰਨੇ ਹਨ

ਚੰਡੀਗੜ੍ਹ , 11 ਮਾਰਚ (ਨਰਿੰਦਰ ਸਿੰਘ ਝਾਮਪੁਰ) : ਪੰਜਾਬ ਵਿਧਾਨ ਸਭਾ ਵਿੱਚ ਆਮ ਆਦਮੀ ਪਾਰਟੀ ਨੂੰ  ਵੱਡੀ ਜਿੱਤ ਮਿਲਣ ਤੋਂ ਬਾਅਦ ਅੱਜ ਵਿਧਾਇਕਾਂ ਦੀ ਮੋਹਾਲੀ ਵਿੱਚ ਮੀਟਿੰਗ ਹੋਈ | ਇਸ ਵਿਚ ਉਨ੍ਹਾਂ ਨੂੰ  ਵਿਧਾਇਕ ਦਲ ਦਾ ਨੇਤਾ ਚੁਣ ਲਿਆ ਗਿਆ ਹੈ | ਇਸ ਤੋਂ ਬਾਅਦ ਭਗਵੰਤ ਮਾਨ ਨੇ ਨਵੇਂ ਚੁਣੇ ਹੋਏ ਵਿਧਾਇਕਾਂ ਨੂੰ  ਪਹਿਲੀ ਵਾਰ ਸੰਬੋਧਨ ਕੀਤਾ | ਇਸ ਮੋਕੇ ਰਾਘਵ ਚੱਢਾ, ਜਰਨੈਲ ਸਿੰਘ ਸਮੇਤ ਹੋਰ ਵੀ ਹਾਜਰ ਸਨ |ਭਗਵੰਤ ਮਾਨ ਵਿਧਾਇਕਾਂ ਨੁੰ ਕਿਹਾ ਕਿ ਹੁਣ ਤੁਸੀਂ ਚੰਡੀਗੜ੍ਹ ਵਿੱਚ ਨਹੀਂ ਬੈਠਣਾ, ਉਥੇ ਜਾ ਕੇ ਕੰਮ ਕਰਨਾ ਹੈ ਜਿੱਥੋਂ ਵੋਟਾਂ ਮੰਗੀਆਂ ਸਨ | ਉਨ੍ਹਾਂ ਕਿਹਾ ਕਿ ਤੁਸੀਂ ਘੱਟ ਤੋਂ ਘੱਟ ਚੰਡੀਗੜ੍ਹ ਰਹਿਣਾ, ਸਰਕਾਰ ਪਿੰਡਾਂ, ਮੁਹੱਲਿਆਂ ਵਿੱਚੋਂ ਚਲੇਗੀ | ਉਨ੍ਹਾਂ ਕਿਹਾ ਕਿ ਤੁਸੀਂ ਅਫਸਰਾਂ ਨੂੰ  ਨਾਲ ਲੈ ਕੇ ਪਿੰਡਾਂ ਵਿੱਚ ਜਾਓ ਉਥੇ ਹੀ ਮਸਲੇ ਹੱਲ ਕਰੋ | ਉਨ੍ਹਾਂ ਕਿਹਾ ਕਿ ਜਿਹੜਾ ਅਫਸਰ ਕਹਿੰਦੇ ਮੈਂ ਪਿੰਡਾਂ ਵਿੱਚ ਨਹੀਂ ਜਾਣਾ ਉਸ ਨੂੰ  ਕਹੋ ਤੂੰ ਚੰਡੀਗੜ੍ਹ ਆ ਜਾ |ਭਗਵੰਤ ਮਾਨ ਨੇ ਵਿਧਾਇਕਾਂ ਨੁੰ ਕਿਹਾ ਕਿ ਇੱਕ ਵੱਡੀ ਜਿੱਤ ਦੇ ਨਾਲ ਅਸੀ ਆਏ ਹਾਂ | ਜਿੱਤਣ ਦੇ ਅੰਕੜਿਆਂ ਵਿੱਚ ਫਰਕ ਹੋ ਸਕਦਾ ਹੈ ਪਰ ਹਰ ਕੋਈ ਜਿੱਤ ਕੇ ਆਇਆ ਹੈ | ਕਿਸੇ ਨਾਲ ਕੋਈ ਵਿਤਕਰਾ ਨਹੀਂ ਕੀਤਾ ਜਾਵੇਗਾ | ਆਗੂਆਂ ਨੂੰ  ਹਰਾ ਕੇ ਕਈ ਪਰਿਵਾਰਕ ਮੈਂਬਰ ਇੱਥੇ ਆਏ ਹਨ |ਭਗਵੰਤ ਮਾਨ ਵਿਧਾਇਕਾਂ ਨੁੰ ਕਿਹਾ ਕਿ ਸਾਰਿਆਂ ਨੂੰ  ਬੇਨਤੀ ਹੈ ਕਿ ਕਿਸੇ ਦੇ ਘਰ ਜਾ ਕੇ ਕੁੱਟਮਾਰ ਨਾ ਕਰੋ | ਕੋਈ ਹਉਮੈ ਨਾ ਰੱਖੋ | ਵਿਕਾਸ ਵਿੱਚ ਕੋਈ ਵਿਤਕਰਾ ਨਹੀਂ ਹੋਣਾ ਚਾਹੀਦਾ | ਇਹ ਪੰਜਾਬੀਆਂ ਦੀ ਸਰਕਾਰ ਹੈ | ਪੰਜਾਬੀਆਂ ਨੇ ਵਿਧਾਇਕ ਚੁਣੇ ਹਨ | ਕਿਸੇ ਦੇ ਖਿਲਾਫ ਕੋਈ ਮਾੜਾ ਸਲੂਕ ਨਾ ਹੋਵੇ | ਜੇ ਕਿਸੇ ਨੇ ਕੁਝ ਕਿਹਾ ਤਾਂ ਮਾਫ਼ ਕਰ ਦੇਣਾ | ਲੋਕਾਂ ਨੇ ਉਨ੍ਹਾਂ ਲੋਕਾਂ ਨੂੰ  ਜਵਾਬ ਦਿੱਤਾ ਹੈ | ਸਾਡੀ ਸਰਕਾਰ ਵਿੱਚ ਫਾਰਮ ਕਲਚਰ ਨਹੀਂ ਚੱਲੇਗਾ |ਚੰਡੀਗੜ੍ਹ ਦਾ ਕੋਈ ਚੱਕਰ ਨਹੀਂ | ਉੱਥੇ ਜਾ ਕੇ ਕੰਮ ਕਰਨਾ ਪਵੇਗਾ ਜਿੱਥੇ ਵੋਟਾਂ ਮੰਗੀਆਂ ਗਈਆਂ ਹਨ | ਲੋਕਾਂ ਨੂੰ  ਚੰਡੀਗੜ੍ਹ ਆਉਣ ਲਈ ਨਾ ਕਹੋ | ਘੱਟੋ-ਘੱਟ ਚੰਡੀਗੜ੍ਹ ਆਉਣਾ ਹੈ | ਸਰਕਾਰ ਪਿੰਡਾਂ, ਵਾਰਡਾਂ ਅਤੇ ਮੁਹੱਲਿਆਂ ਤੋਂ ਚੱਲੇਗੀ | ਜਿਹੜੇ ਅਧਿਕਾਰੀ ਮੰਗਲਵਾਰ-ਬੁੱਧਵਾਰ ਨੂੰ  ਬੁਲਾਉਂਦੇ ਹਨ, ਉਨ੍ਹਾਂ ਨੂੰ  ਪਿੰਡਾਂ ਵਿਚ ਲੈ ਜਾਣਾ ਹੈ | ਜੋ ਅਧਿਕਾਰੀ ਉਸ ਦੇ ਨਾਲ ਨਹੀਂ ਜਾਵੇਗਾ, ਉਸ ਨੂੰ  ਚੰਡੀਗੜ੍ਹ ਭੇਜਿਆ ਜਾਵੇ | ਜੇਕਰ ਉਹ ਜਨਤਕ ਤੌਰ 'ਤੇ ਆਉਂਦੇ ਹਨ, ਤਾਂ ਉਨ੍ਹਾਂ ਨੂੰ  ਕਿਹਾ ਜਾਵੇ ਕਿ ਉਹ ਲੋਕ ਸੇਵਕ ਹਨ | ਸਕੂਲ, ਹਸਪਤਾਲ, ਬਿਜਲੀ ਅਤੇ ਉਦਯੋਗ ਦੇ ਸਬੰਧ ਵਿੱਚ ਸਾਰਿਆਂ ਨੂੰ  ਜ਼ਿੰਮੇਵਾਰੀ ਮਿਲੇਗੀ | ਭਗਵੰਤ ਮਾਨ ਵਿਧਾਇਕਾਂ ਨੁੰ ਕਿਹਾ ਕਿ ਸਾਰਿਆਂ ਨੂੰ  ਬੇਨਤੀ ਹੈ ਕਿ ਪੰਜਾਬ 'ਚ 17 ਮੰਤਰੀ ਬਣਾਏ ਜਾ ਸਕਦੇ ਹਨ | ਬਾਕੀ 75 ਲੋਕ ਗੁੱਸਾ ਨਹੀਂ ਕਰਨਗੇ | ਅਸੀਂ ਸਿਰਫ਼ ਸੰਦੇਸ਼ਵਾਹਕ ਸੀ | ਲੋਕਾਂ ਨੇ ਸੁਖਬੀਰ ਬਾਦਲ, ਕੈਪਟਨ ਅਮਰਿੰਦਰ ਸਿੰਘ, ਪ੍ਰਕਾਸ਼ ਸਿੰਘ ਬਾਦਲ ਨੂੰ  ਹਰਾਇਆ ਹੈ |ਭਗਵੰਤ ਮਾਨ ਨੇ ਕਿਹਾ ਕਿ ਪਹਿਲਾਂ ਰਾਜ ਭਵਨ ਅਤੇ ਮਹਿਲਾਂ 'ਚ ਸਹੁੰ ਚੁੱਕੀ ਜਾਂਦੀ ਸੀ ਪਰ ਇਸ ਵਾਰ ਸਹੁੰ ਪਿੰਡ 'ਚੋਂ ਚੁੱਕੀ ਜਾਵੇਗੀ |
 ਉਨ੍ਹਾਂ ਕਿਹਾ ਕਿ ਜਿਹੜੇ ਲੋਕ ਇਹ ਸਮਝਦੇ ਸਨ ਕਿ ਉਨ੍ਹਾਂ ਤੋਂ ਬਿਨਾਂ ਕੋਈ ਚੋਣ ਨਹੀਂ ਲੜ ਸਕਦਾ, ਲੋਕਾਂ ਨੇ ਉਨ੍ਹਾਂ ਨੂੰ  ਸਬਕ ਸਿਖਾ ਦਿੱਤਾ ਹੈ | ਹੁਣ ਮੇਰੀ ਉਨ੍ਹਾਂ ਨੂੰ  ਅਪੀਲ ਹੈ ਕਿ ਉਹ ਆਪਣੀਆਂ ਥਾਵਾਂ 'ਤੇ ਬੈਠ ਕੇ ਨੌਜਵਾਨਾਂ ਨੂੰ  ਕੰਮ ਕਰਨ ਦੇਣ |ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ ਨੇ ਚੋਣਾਂ ਵਿੱਚ 92 ਸੀਟਾਂ ਜਿੱਤੀਆਂ ਹਨ |  ਸੂਬੇ ਵਿੱਚ 'ਆਪ' ਦੀ ਸੁਨਾਮੀ ਅਜਿਹੀ ਸੀ ਕਿ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ, ਕੈਪਟਨ ਅਮਰਿੰਦਰ ਸਿੰਘ, ਨਵਜੋਤ ਸਿੱਧੂ, ਸੁਖਬੀਰ ਬਾਦਲ ਸਮੇਤ ਕਈ ਦਿੱਗਜਾਂ ਦੀ ਹਾਰ ਹੋਈ |
 ਐਸਏਐਸ-ਨਰਿੰਦਰ-11-3