image
ਅਪ੍ਰੈਲ ’ਚ ਕੋਲਾ ਆਧਾਰਤ ਬਿਜਲੀ ਦਾ ਉਤਪਾਦਨ 9 ਫ਼ੀ ਸਦੀ ਵਧਿਆ
ਨਵੀਂ ਦਿੱਲੀ, 11 ਮਈ : ਦੇਸ਼ ’ਚ ਬਿਜਲੀ ਸੰਕਟ ਦਰਮਿਆਨ ਕੋਲਾ ਆਧਾਰਤ ਬਿਜਲੀ ਦਾ ਉਤਪਾਦਨ ਅਪ੍ਰੈਲ 2022 ’ਚ ਸਾਲਾਨਾ ਆਧਾਰ ’ਤੇ 9.26 ਫ਼ੀ ਸਦੀ ਵਧ ਕੇ 10,025.9 ਕਰੋੜ ਯੂਨਿਟ ’ਤੇ ਪਹੁੰਚ ਗਿਆ। ਅਧਿਕਾਰਕ ਅੰਕੜਿਆਂ ਮੁਤਾਬਕ ਤਾਪ ਬਿਜਲੀ ਘਰਾਂ ਦਾ ਉਤਪਾਦਨ ਇਕ ਸਾਲ ਪਹਿਲਾਂ ਦੇ ਇਸੇ ਮਹੀਨੇ ’ਚ 9,383.8 ਕਰੋੜ ਯੂਨਿਟ ਸੀ।
ਕੋਲਾ ਆਧਾਰਤ ਬਿਜਲੀ ਪਲਾਂਟਾਂ ’ਚ ਬਿਜਲੀ ਦਾ ਉਤਪਾਦਨ ਅਪ੍ਰੈਲ 2022 ’ਚ ਇਸ ਤੋਂ ਪਿਛਲੇ ਸਾਲ ਦੇ ਇਸੇ ਮਹੀਨੇ ਦੀ ਤੁਲਨਾ ’ਚ 9.26 ਫ਼ੀ ਸਦੀ ਵਧਿਆ ਹੈ। ਇਹ ਮਾਰਚ 2022 ਦੇ ਮੁਕਾਬਲੇ 2.25 ਫ਼ੀ ਸਦੀ ਵੱਧ ਹੈ। ਇਸ ਤੋਂ ਇਲਾਵਾ ਤਾਪ ਬਿਜਲੀ ਘਰਾਂ ਦਾ ਉਤਪਾਦਨ ਅਪ੍ਰੈਲ 2022 ’ਚ ਮਾਰਚ ਦੇ 10,027.6 ਕਰੋੜ ਯੂਨਿਟ ਦੇ ਉਤਪਾਦਨ ਦੇ ਮੁਕਾਬਲੇ 2.25 ਫ਼ੀ ਸਦੀ ਵੱਧ ਰਿਹਾ ਹੈ। ਅੰਕੜਿਆਂ ਮੁਤਾਬਕ ਅਪ੍ਰੈਲ ’ਚ ਬਿਜਲੀ ਦਾ ਕੁੱਲ ਉਤਪਾਦਨ ਸਾਲਾਨਾ ਆਧਾਰ ’ਤੇ 11.75 ਫ਼ੀ ਸਦੀ ਵਧ ਕੇ 13,656.5 ਕਰੋੜ ਯੂਨਿਟ ’ਤੇ ਪਹੁੰਚ ਗਿਆ ਜੋ ਇਸ ਤੋਂ ਪਿਛਲੇ ਸਾਲ ਦੇ ਇਸੇ ਮਹੀਨੇ ’ਚ 12,220.9 ਕਰੋੜ ਯੂਨਿਟ ਸੀ। (ਏਜੰਸੀ)
