1850 year old statue of Mahatma Buddha recovered from foreign national at Atari ICP
ਕਸਟਮ ਵਿਭਾਗ ਨੇ ਸ਼ੁਰੂ ਕੀਤੀ ਕਾਰਵਾਈ
ਅੰਮ੍ਰਿਤਸਰ- ਅਟਾਰੀ ਸਰਹੱਦ ’ਤੇ ਕਸਟਮ ਵਿਭਾਗ ਦੀ ਟੀਮ ਨੂੰ ਇੱਕ ਵੱਡੀ ਕਾਮਯਾਬੀ ਮਿਲੀ ਹੈ। ਕਸਟਮ ਵਿਭਾਗ ਨੇ ਪਾਕਿਸਤਾਨ ਤੋਂ ਆਏ ਇਕ ਵਿਦੇਸ਼ੀ ਨਾਗਰਿਕ ਦੇ ਸਾਮਾਨ ’ਚੋਂ 1850 ਸਾਲ ਪੁਰਾਣੀ ਮਹਾਤਮਾ ਬੁੱਧ ਦੀ ਮੂਰਤੀ ਬਰਾਮਦ ਕੀਤੀ ਹੈ। ਅੱਜ ਵੀ ਅਫ਼ਗਾਨਿਸਤਾਨ ਅਤੇ ਪਾਕਿਸਤਾਨ ਦੇ ਪੇਸ਼ਾਵਰ ਦੇ ਇਲਾਕੇ ’ਚ ਸਥਾਨਕ ਨਾਗਰਿਕਾਂ ਕੋਲ ਅਜਿਹੀਆਂ ਮੂਰਤੀਆਂ ਪਾਈਆਂ ਜਾਂਦੀਆਂ ਹਨ, ਜੋ ਬਹੁਤ ਜ਼ਿਆਦਾ ਕੀਮਤੀ ਤੇ ਅਨਮੋਲ ਹਨ।
ਵਿਦੇਸ਼ੀ ਨਾਗਰਿਕ ਨੇ ਇਹ ਪੁਰਾਤਨ ਮੂਰਤੀ ਪਾਕਿਸਤਾਨ ਨਾਲ ਲੱਗਦੀ ਅਫ਼ਗਾਨਿਸਤਾਨ ਦੀ ਸਰਹੱਦ ’ਤੇ ਕਿਸੇ ਕੋਲੋਂ ਖਰੀਦੀਆਂ ਸਨ ਜਾਂ ਚੋਰੀ ਕੀਤੀਆਂ ਸਨ ਇਸ ਦੀ ਵਿਭਾਗ ਵਲੋਂ ਹਾਲੇ ਜਾਂਚ ਕੀਤੀ ਜਾ ਰਹੀ ਹੈ।
ਕਸਟਮ ਵਿਭਾਗ ਨੇ ਮੂਰਤੀ ਨੂੰ ਜਾਂਚ ਲਈ ਆਰਕੋਲੋਜੀਕਲ ਸਰਵੇ ਆਫ ਇੰਡੀਆ ਨੂੰ ਸੌਪ ਦਿੱਤਾ ਸੀ, ਜਿਸ ਤੋਂ ਬਾਅਦ ਮੂਰਤੀ ਨੂੰ ਗੰਧਾਰ ਕਾਲ ਦੀ ਹੋਣ ਦੀ ਪੁਸ਼ਟੀ ਕੀਤੀ ਗਈ, ਜਿਸ ਕਾਰਨ ਕਸਟਮ ਵਿਭਾਗ ਨੇ ਏ. ਏ. ਏ. ਟੀ. ਐਕਟ 1972 ਦੇ ਤਹਿਤ ਬੁੱਤ ਨੂੰ ਜ਼ਬਤ ਕਰ ਲਿਆ।
