ਸੁਣੋ ਬੱਚੇ ਦੇ ਹੀ ਮੂੰਹੋ ਕਿੱਥੋਂ ਆਇਆ ਜਜ਼ਬਾ
ਨਵੀਂ ਦਿੱਲੀ( ਅਰਪਨ ਕੌਰ) ਕੇਂਦਰ ਸਰਕਾਰ ਵੱਲੋਂ ਬਣਾਏ ਗਏ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਕਿਸਾਨਾਂ ਨੇ ਖੇਤੀ ਕਾਨੂੰਨਾਂ ਦੇ ਵਿਰੋਧ ਵਿਚ ਦਿੱਲੀ ਬਾਰਡਰ ’ਤੇ ਮੋਰਚਾ ਲਾਇਆ ਹੋਇਆ ਹੈ। ਕਿਸਾਨਾਂ ਨੂੰ ਦੇਸ਼ ਦੇ ਹਰ ਕੋਨੇ ਤੋਂ ਹਰ ਕਿੱਤੇ ਨਾਲ ਸਬੰਧਤ ਲੋਕਾਂ ਦਾ ਸਾਥ ਮਿਲ ਰਿਹਾ ਹੈ।
Trinderpal singh and Arpan kaur
ਇਕੱਲੇ ਪੰਜਾਬ ਦੇ ਕਿਸਾਨ ਹੀ ਨਹੀਂ ਬਲਕਿ ਹਰਿਆਣਾ ਦੇ ਕਿਸਾਨ ਵੀ ਦਿੱਲੀ ਮੋਰਚੇ ਵਿਚ ਡਟੇ ਹੋਏ ਹਨ। ਕਿਸਾਨੀ ਅੰਦੋਲਨ ਨੂੰ ਛੋਟੇ ਬੱਚਿਆ ਦਾ ਸਾਥ ਵੀ ਮਿਲ ਰਿਹਾ ਹੈ।
Trinderpal singh and Arpan kaur
ਸਿੰਘੂ ਮੋਰਚੇ 'ਚ 10 ਸਾਲਾ ਗੁਰਸਿੱਖ ਬੱਚਾ ਖੇਤੀਬਾੜੀ ਕਾਨੂੰਨਾਂ ਖਿਲਾਫ ਭੁੱਖ ਹੜਤਾਲ ਤੇ ਬੈਠਿਆ। ਸਪੋਕਸਮੈਨ ਦੀ ਪੱਤਰਕਾਰ ਵੱਲੋਂ ਇਸ ਬੱਚੇ ਨਾਲ ਗੱਲਬਾਤ ਕੀਤੀ ਗਈ। ਬੱਚੇ ਨੇ ਗੱਲਬਾਤ ਦੌਰਾਨ ਦੱਸਿਆ ਕਿ ਉਹ ਰਾਤ ਨੂੰ ਖਬਰਾਂ ਵੇਖ ਰਹੇ ਸਨ, ਖਬਰਾਂ ਵਿਚ ਦਿੱਲੀ ਮੋਰਚੇ 'ਚ ਬੈਠੇ ਕਿਸਾਨਾਂ ਨੂੰ ਵੇਖਿਆ
ਉਹਨਾਂ ਦਾ ਮਨ ਭਰ ਆਇਆ ਫਿਰ ਉਸਨੇ ਭਰਾ ਨਾਲ ਭੁੱਖ ਹੜਤਾਲ ਤੇ ਬੈਠਣ ਦਾ ਫੈਸਲਾ ਲਿਆ।
Trinderpal 's Brother and Arpan kaur
ਬੱਚੇ ਤਰਿੰਦਰਪਾਲ ਨੇ ਦੱਸਿਆ ਕਿ ਉਸਨੇ ਪਹਿਲਾਂ ਮੰਚ ਤੇ ਕਵਿਤਾ ਸੁਣਾਈ ਫਿਰ ਉਸਨੇ ਭੁੱਖ ਹੜਤਾਲ ਤੇ ਬੈਠਣ ਦੀ ਅਨਾਊਂਸਮੈਂਟ ਕੀਤੀ। ਤਰਿੰਦਰਪਾਲ ਨੇ ਦੱਸਿਆ ਕਿ ਵੱਖ-ਵੱਖ ਵਰਗਾਂ ਦੇ ਲੋਕਾਂ ਵੱਲੋਂ ਯੋਗਦਾਨ ਮਿਲ ਰਿਹਾ ਹੈ ਚਾਹੇ ਉਹ ਕਲਾਕਾਰ ਹੋਣ ਚਾਹੇ ਮਜ਼ਦੂਰ ਹੋਣ ਜਾਂ ਫਿਰ ਖਿਡਾਰੀ ਹੋਣ ਇਸ ਲਈ ਉਹ ਵੀ ਆਪਣਾ ਯੋਗਦਾਨ ਪਾਉਣਾ ਚਾਹੁੰਦੇ ਹਨ ਇਸ ਲਈ ਉਹਨਾਂ ਨੇ 12 ਘੰਟੇ ਦੀ ਭੁੱਖ ਹੜਤਾਲ ਤੇ ਬੈਠਣ ਦਾ ਫੈਸਲਾ ਲਿਆ।
Trinderpal singh and Arpan kaur
ਬੱਚੇ ਨੇ ਕਿਹਾ ਕਿ ਉਹ 12 ਘੰਟੇ ਦੀ ਭੁੱਖ ਹੜਤਾਲ ਨੂੰ ਬਹੁਤ ਅਸਾਨੀ ਨਾਲ ਕੱਟ ਸਕਦਾ ਸੀ ਕਿਉਂਕਿ ਸਿੰਘਾਂ ਲਈ ਕੁੱਝ ਵੀ ਨਹੀਂ ਔਖਾ। ਉਹਨਾਂ ਕਿਹਾ ਕਿ ਇਹ ਲੜਾਈ ਇਕੱਲੇ ਕਿਸਾਨਾਂ ਦੀ ਨਹੀਂ ਹੈ ਪੂਰੇ ਦੇਸ਼ ਦੀ ਲੜਾਈ ਹੈ ਅਤੇ ਇਸ ਵਿਚ ਆਪਾਂ ਧਰਮ ਨੂੰ ਨਾ ਪਾਈਏ ਤਾਂ ਚੰਗੀ ਗੱਲ ਹੋਵੇਗੀ।
Trinderpal 's Brother and Arpan kaur
ਤਰਿੰਦਰਪਾਲ ਦੇ ਵੱਡੇ ਭਰਾ ਪ੍ਰੀਤਪਾਲ ਨੇ ਦੱਸਿਆ ਕਿ 31 ਜਥੇਬੰਦੀਆਂ ਨੇ ਕਿਹਾ ਕਿ ਬੱਚਿਆਂ ਨੂੰ ਭੁੱਖ ਹੜਤਾਲ ਤੇ ਬੈਠਣ ਦੀ ਲੋੜ ਨਹੀਂ ਹੈ ਜਦੋਂ ਅਸੀਂ ਵੱਡੇ ਬੈਠੇ ਹਾਂ। ਜੇ ਸ਼ਹੀਦੀ ਦੇਣ ਦੀ ਲੋੜ ਪਈ ਅਸੀਂ ਉਹ ਵੀ ਦੇਣ ਨੂੰ ਤਿਆਰ ਹਾਂ।
Trinderpal 's Brother and Arpan kaur
ਇਸ ਲਈ ਉਹਨਾਂ ਨੇ ਤਰਿੰਦਰਪਾਲ ਨੂੰ ਸੇਬ ਖਵਾ ਕੇ ਉਸਦੀ ਭੁੱਖ ਹੜਤਾਲ ਤੁੜਵਾ ਦਿੱਤੀ। ਤਰਿੰਦਰਪਾਲ ਨੇ ਕਿਹਾ ਕਿ ਇਹਨਾਂ ਕਾਨੂੰਨਾਂ ਪਿੱਛੇ ਅੰਬਾਨੀ-ਅਡਾਨੀਆਂ ਦਾ ਹੱਥ ਹੈ ਇਸ ਬਾਰੇ ਸਾਰਿਆਂ ਨੂੰ ਪਤਾ ਲੱਗ ਗਿਆ ਹੈ ਕਿਸਾਨ ਹੁਣ ਅਨਪੜ ਨਹੀਂ ਰਹੇ। ਬੱਚਿਆਂ ਨੇ ਕਿਹਾ ਕਿ ਅਸੀਂ ਆਪਣੇ ਹੱਕ ਲਏ ਬਗੈਰ ਨਹੀਂ ਜਾਵਾਂਗੇ।
