One and a half year old girl burnt by hot dal in Ludhiana
Ludhiana News: ਕਮਰੇ ’ਚ ਖੇਡਦੇ ਸਮੇਂ ਸਿਰ ’ਤੇ ਪਲਟਿਆ ਪਤੀਲਾ
Ludhiana News: ਪੰਜਾਬ ਦੇ ਲੁਧਿਆਣਾ ’ਚ ਡੇਢ ਸਾਲ ਦੀ ਬੱਚੀ ਦੇ ਸਿਰ ’ਤੇ ਗਰਮ ਦਾਲ ਡਿੱਗ ਗਈ। ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਲੜਕੀ ਕਮਰੇ ਵਿਚ ਖੇਡ ਰਹੀ ਸੀ ਅਤੇ ਅਚਾਨਕ ਚੁੱਲ੍ਹੇ ’ਤੇ ਰੱਖੀ ਦਾਲ ਦਾ ਪਤੀਲਾ ਪਲਟ ਗਿਆ। ਉਸ ਦੇ ਸਿਰ ’ਤੇ ਛਾਲੇ ਪੈ ਗਏ। ਲੜਕੀ ਨੂੰ ਸੜੀ ਹਾਲਤ ਵਿਚ ਇਲਾਜ ਲਈ ਸਿਵਲ ਹਸਪਤਾਲ ਲਿਆਂਦਾ ਗਿਆ।
ਮੁਹੱਲਾ ਗੋਬਿੰਦਗੜ੍ਹ ਦੇ ਰਹਿਣ ਵਾਲੇ ਪਿੰਟੂ ਨਾਂ ਦੇ ਵਿਅਕਤੀ ਨੇ ਦਸਿਆ ਕਿ ਉਸ ਦੀ ਪਤਨੀ ਘਰ ਵਿਚ ਦਾਲ ਬਣਾ ਰਹੀ ਸੀ। ਉਸ ਦੀ ਧੀ ਸੂਰੇ ਵੀ ਨਾਲ ਖੇਡ ਰਹੀ ਸੀ। ਅਚਾਨਕ ਕੁੜੀ ਦੇ ਸਿਰ ’ਤੇ ਪਤੀਲੇ ’ਚੋਂ ਗਰਮ ਦਾਲ ਡਿੱਗ ਪਈ। ਹਾਦਸੇ ਸਮੇਂ ਉਹ ਕੰਪਨੀ ’ਚ ਹੀ ਸੀ। ਉਸ ਦੀ ਮਾਂ ਅਤੇ ਪਤਨੀ ਘਰ ਸਨ। ਦਾਲ ਡਿਗਣ ਤੋਂ ਬਾਅਦ ਪਰਵਾਰ ਨੇ ਤੁਰਤ ਹਾਦਸੇ ਦੀ ਸੂਚਨਾ ਦਿਤੀ। ਬੱਚੀ ਨੂੰ ਹਸਪਤਾਲ ਲਿਆਂਦਾ ਗਿਆ ਹੈ। ਗਰਮ ਦਾਲ ਕਾਰਨ ਉਸ ਦਾ ਸਿਰ ਬੁਰੀ ਤਰ੍ਹਾਂ ਸੜ ਗਿਆ, ਕਈ ਛਾਲੇ ਵੀ ਪੈ ਗਏ ਹਨ। ਡਾਕਟਰਾਂ ਨੇ ਬੱਚੀ ਦਾ ਇਲਾਜ ਕੀਤਾ। ਫਿਲਹਾਲ ਬੱਚੀ ਦੀ ਹਾਲਤ ਖਤਰੇ ਤੋਂ ਬਾਹਰ ਹੈ।
