ਫ਼ੇਸਬੁੱਕ ਨੇ ਰੂਸੀਆਂ ਵਿਰੁਧ ਦਿਤੀ ਹਿੰਸਕ ਪੋਸਟ ਦੀ ਮਨਜ਼ੂਰੀ

ਵਾਸ਼ਿੰਗਟਨ, 12 ਮਾਰਚ : ਫੇਸਬੁੱਕ ਅਤੇ ਇੰਸਟਾਗ੍ਰਾਮ ਦੀ ਮੂਲ ਕੰਪਨੀ ਮੇਟਾ ਪਲੇਟਫ਼ਾਰਮਸ ਨੇ ਆਪਣੀ ਨੀਤੀ ’ਚ ਅਸਥਾਈ ਢਿੱਲ ਦੇਣ ਅਤੇ ਯੂਕਰੇਨ ’ਤੇ ਹਮਲੇ ਲਈ ਰੂਸੀ ਲੋਕਾਂ ਵਿਰੁਧ ਹਿੰਸਕ ਭਾਸ਼ਣ ਦੀ ਮਨਜ਼ੂਰੀ ਦੇਣ ਦਾ ਐਲਾਨ ਕੀਤਾ। ਅਲ ਜਜ਼ੀਰਾ ਨੇ ਸ਼ੁੱਕਰਵਾਰ ਨੂੰ ਆਪਣੀ ਰਿਪੋਰਟ ’ਚ ਇਹ ਜਾਣਕਾਰੀ ਦਿਤੀ। ਇਸਦਾ ਮਤਲਬ ਹੈ ਕਿ ਹੁਣ ‘ਰੂਸੀ ਹਮਲਾਵਰਾਂ ਦੀ ਮੌਤ’ ਵਰਗੇ ਬਿਆਨਾਂ ਨੂੰ ਇਨ੍ਹਾਂ ਪਲੇਟਫ਼ਾਰਮਾਂ ’ਤੇ ਪੋਸਟ ਕਰਨ ਦੀ ਮਨਜ਼ੂਰੀ ਹੋਵੇਗੀ। ਇਸ ਵਿਚਕਾਰ ਅਮਰੀਕਾ ’ਚ ਰੂਸੀ ਦੂਤਘਰ ਨੇ ਫੇਸਬੁੱਕ ਨੂੰ ਇਨ੍ਹਾਂ ‘ਅਤਿਵਾਦੀ ਗਤੀਵਿਧੀਆਂ’ ਨੂੰ ਤੁਰੰਤ ਰੋਕਣ ਦੀ ਮੰਗ ਕੀਤੀ। 
ਰੂਸੀ ਦੂਤਘਰ ਨੇ ਕਿਹਾ ਕਿ ਮੇਟਾ ਦੀ ਹਮਲਾਵਰ ਅਤੇ ਅਪਰਾਧਿਕ ਨੀਤੀ ਕਾਰਨ ਰੂਸੀਆਂ ਪ੍ਰਤੀ ਘ੍ਰਿਣਾ ਅਤੇ ਦੁਸ਼ਮਣੀ ਨੂੰ ਉਤਸ਼ਾਹ ਦੇਣਾ ਅਪਮਾਨਜਨਕ ਹੈ। ਕੰਪਨੀ ਦੀ ਕਾਰਵਾਈ ਸਾਡੇ ਦੇਸ਼ ’ਤੇ ਘੋਸ਼ਿਤ ਨਿਯਮਾਂ ਦੇ ਬਿਨਾਂ ਸੂਚਨਾ ਯੁੱਧ ਦਾ ਇਕ ਹੋਰ ਸਬੂਤ ਹੈ। ਬਿਆਨ ’ਚ ਕਿਹਾ ਗਿਆ ਹੈ ਕਿ ਇਹ ਨੀਤੀ ਅਰਮੀਨੀਆ, ਅਜ਼ਰਬੈਜਾਨ, ਐਸਟੋਨੀਆ, ਜਾਰਜੀਆ, ਹੰਗਰੀ, ਲਾਤਵੀਆ, ਲਿਥੁਆਨੀਆ, ਪੋਲੈਂਡ, ਰੋਮਾਨੀਆ, ਰੂਸ, ਸਲੋਵਾਕੀਆ ਅਤੇ ਯੂਕਰੇਨ ਨੇ ਫ਼ਰਮ ਦੇ ਸਮੱਗਰੀ ਸੰਚਾਲਕਾਂ ਨੂੰ ਈਮੇਲਾਂ ਦਾ ਹਵਾਲਾ ਦਿਤਾ। ਟੈੱਕ ਪਲੇਟਫ਼ਾਰਮਾਂ ਨੂੰ ਯੂਕ੍ਰੇਨ ’ਚ ਜੰਗ ਨਾਲ ਸਬੰਧਿਤ ਕਈ ਮੁੱਦਿਆਂ ਨੂੰ ਨੈਵਿਗੇਟ ਕਰਨਾ ਪਿਆ ਹੈ, ਜਿਵੇਂ ਕਿ ਜਦੋਂ ਅਮਰੀਕੀ ਸੀਨੇਟਰ ਲਿੰਡਸੇ ਗ੍ਰਾਹਮ ਨੇ ਇਕ ਇੰਟਰਵਿਊ ’ਚ ਅਤੇ ਟਵਿਟਰ ’ਤੇ ਰੂਸੀ ਰਾਸ਼ਟਰਪਤੀ ਵਲਾਦਿਮੀਰ ਪੁਤਿਨ ਦੇ ਕਤਲ ਦੀ ਅਪੀਲ ਕੀਤੀ ਸੀ।    (ਏਜੰਸੀ)