ਆਖ਼ਰੀ ਗੇੜ ਵਿਚ ਪੰਜਾਬ ਦੀਆਂ ਸਾਰੀਆਂ 13 ਸੀਟਾਂ 'ਤੇ ਧੂੰਆਂਧਾਰ ਪ੍ਰਚਾਰ
Published : May 13, 2019, 3:21 pm IST
Updated : May 13, 2019, 3:21 pm IST
SHARE ARTICLE
Lok Sabha Election last phase
Lok Sabha Election last phase

ਰਾਹੁਲ, ਪ੍ਰਿਅੰਕਾ, ਮੋਦੀ, ਅਮਿਤ ਸ਼ਾਹ ਦੇ ਦੌਰੇ ਸ਼ੁਰੂ

ਚੰਡੀਗੜ੍ਹ : ਗੁਆਂਢੀ ਸੂਬੇ ਹਰਿਆਣਾ ਦੀਆਂ 10 ਸੀਟਾਂ 'ਤੇ ਛੇਵੇਂ ਗੇੜ ਦੀਆਂ ਵੋਟਾਂ ਪੈਣ ਉਪਰੰਤ ਅੱਜ ਦੇਰ ਸ਼ਾਮ ਤੋਂ ਹੀ ਸਿਆਸੀ ਪਾਰਟੀਆਂ ਦੇ ਚੋਟੀ ਦੇ ਨੇਤਾਵਾਂ ਤੇ ਸਟਾਰ ਪ੍ਰਚਾਰਕਾਂ ਦਾ ਧਿਆਨ ਪੰਜਾਬ ਦੀਆਂ ਸਾਰੀਆਂ 13 ਸੀਟਾਂ ਵਲ ਜੁਟ ਗਿਆ ਹੈ। ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਤੇ ਕੈਬਨਿਟ ਮੰਤਰੀ ਨਵਜੋਤ ਸਿੰਘ ਸਿੱਧੂ ਭਲਕੇ ਤੋਂ ਹੀ ਧੂੰਆਂਧਾਰ ਪ੍ਰਚਾਰ ਸ਼ੁਰੂ ਕਰ ਰਹੇ ਹਨ ਜਦੋਂ ਕਿ ਹਾਈ ਕਮਾਂਡ ਤੋਂ ਰਾਹੁਲ ਗਾਂਧੀ, ਪ੍ਰਿਅੰਕਾ ਅਤੇ ਹੋਰ ਸਟਾਰ ਪ੍ਰਚਾਰਕ 17 ਮਈ ਦੀ ਸ਼ਾਮ ਤਕ ਵਿਸ਼ੇਸ਼ ਤੌਰ 'ਤੇ ਗੁਰਦਾਸਪੁਰ, ਫ਼ਤਿਹਗੜ੍ਹ ਸਾਹਿਬ, ਬਠਿੰਡਾ, ਲੁਧਿਆਣਾ ਅਤੇ ਜਲੰਧਰ ਸੀਟਾਂ 'ਤੇ ਗੇੜਾ ਮਾਰਨਗੇ।

Punjab electionPunjab election

ਅਕਾਲੀ-ਬੀਜੇਪੀ ਗਠਜੋੜ ਵਲੋਂ ਪਰਕਾਸ਼ ਸਿੰਘ ਬਾਦਲ, ਸੁਖਬੀਰ ਬਾਦਲ ਅਤੇ ਕੇਂਦਰ ਤੋਂ ਅਮਿਤ ਸ਼ਾਹ, ਨਰਿੰਦਰ ਮੋਦੀ ਤੇ ਉਮੀਦਵਾਰਾਂ ਦੀਆਂ ਨਜ਼ਰਾਂ ਟਿਕੀਆਂ ਹੋਈਆਂ ਹਨ। ਖਮਾਣੋਂ, ਬਡਾਲੀ, ਸਰਹਿੰਦ ਤੇ ਹੋਰ ਨੇੜੇ ਪੈਂਦੇ ਪਿੰਡਾਂ, ਜੋ ਫ਼ਤਿਹਗੜ੍ਹ ਸਾਹਿਬ ਰਿਜ਼ਰਵ ਲੋਕ ਸਭਾ ਸੀਟਾਂ ਵਿਚ ਪੈਂਦੇ ਹਨ, ਰੋਜ਼ਾਨਾ ਸਪੋਕਸਮੈਨ ਵਲੋਂ ਵੱਖ-ਵੱਖ ਵਰਗਾਂ ਦੇ ਲੋਕਾਂ ਅਧਿਆਪਕਾਂ, ਨੌਕਰੀ ਪੇਸ਼ਾ, ਕਿਸਾਨਾਂ ਘਰੇਲੂ ਮਹਿਲਾਵਾਂ,ਨੌਜਵਾਨਾਂ, ਲੜਕੇ ਲੜਕੀਆਂ, ਦੁਕਾਨਦਾਰਾਂ ਮਜ਼ਦੂਰਾਂ ਤੇ ਪੇਂਡੂ ਸੱਥਾਂ ਵਿਚ ਸੰਪਰਕ ਕਰਨ 'ਤੇ ਪਤਾ ਲਗਾ ਕਿ ਭਾਵੇਂ ਚੋਣ ਮੈਦਾਨ ਵਿਚ 'ਆਪ' ਦੇ ਬਨਦੀਪ ਦੂਲੋਂ ਅਤੇ ਪੀ.ਡੀ.ਏ. ਦੇ ਮਨਵਿੰਦਰ ਗਿਆਸਪੁਰਾ ਵੀ ਡੱਟੇ ਹੋਏ ਹਨ ਪਰ ਲਗਭਗ ਸਿੱਧਾ ਅਤੇ ਮੁੱਖ ਮੁਕਾਬਲਾ ਅਕਾਲੀ ਦਲ ਦੇ ਦਰਬਾਰਾ ਸਿੰਘ ਗੁਰੂ ਅਤੇ ਕਾਂਗਰਸ ਦੇ ਡਾ. ਅਮਰ ਸਿੰਘ ਦਰਮਿਆਨ ਲਗਦਾ ਹੈ।

Dr Amar Singh & Darbara Singh GuruDr Amar Singh & Darbara Singh Guru

ਇਹ ਦੋਵੇਂ ਆਈ.ਏ.ਐਸ. ਅਫ਼ਸਰ ਰਹਿ ਚੁਕੇ ਹਨ। ਗੁਰੂ ਤਾਂ ਪੰਜਾਬ ਕੇਡਰ ਵਿਚ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਪ੍ਰਿੰਸੀਪਲ ਸਕੱਤਰ ਕਈ ਸਾਲ ਰਹੇ ਅਤੇ 2012 ਵਿਚ ਭਦੌੜ ਹਲਕੇ ਤੋਂ ਅਤੇ 2017 ਵਿਚ ਬਸੀ ਪਠਾਣਾਂ ਅਸੈਂਬਲੀ ਸੀਟ ਤੋਂ ਚੋਣ ਹਾਰ ਚੁਕੇ ਹਨ ਜਦੋਂ ਕਿ ਡਾ. ਅਮਰ ਸਿੰਘ 2017 ਵਿਚ ਰਾਏਕੋਟ ਤੋਂ ਹਾਰੇ ਹੋਏੇ ਹਨ। ਰੋਜ਼ਾਨਾ ਸਪੋਕਸਮੈਨ ਵਲੋਂ ਸੰਪਰਕ ਕਰਨ 'ਤੇ ਦੋਹਾਂ ਉਮੀਦਵਾਰਾਂ ਨੇ ਆਪੋ ਅਪਣੇ ਹੱਕ ਵਿਚ ਵੋਟਰਾਂ ਦੇ ਰੁਝਾਨ ਦਾ ਦਾਅਵਾ ਕੀਤਾ।

Rahul Gandhi with Captain Amarinder SinghRahul Gandhi with Captain Amarinder Singh

ਕਾਂਗਰਸੀ ਉਮੀਦਵਾਰ ਡਾ. ਅਮਰ ਸਿੰਘ ਦੇ ਹੱਕ 'ਚ ਅੱਜ ਫ਼ਤਿਹਗੜ੍ਹ ਸਾਹਿਬ ਦੇ ਖੰਨਾ ਹਲਕੇ 'ਚ ਰਾਹੁਲ ਗਾਂਧੀ ਨੇ ਚੋਣ ਰੈਲੀ ਕੀਤੀ। ਜਦੋਂ ਕਿ ਦਰਬਾਰਾ ਸਿੰਘ ਗੁਰੂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਅਕਾਲੀ ਦਲ ਪ੍ਰਧਾਨ ਸੁਖਬੀਰ ਬਾਦਲ ਸਮੇਤ ਹੋਰ ਨੇਤਾਵਾਂ ਨਾਲ ਪਿੰਡਾਂ, ਕਸਬਿਆਂ ਤੇ ਸ਼ਹਿਰਾਂ ਮੰਡੀ ਗੋਬਿੰਦਗੜ੍ਹ, ਖੰਨਾ, ਸਰਹਿੰਦ, ਪਾਇਲ ਤੇ ਰਾਏਕੋਟ ਤੇ ਅਮਰਗੜ੍ਹ ਦੇ ਤਿੰਨ-ਤਿੰਨ ਗੇੜੇ ਪੂਰੇ ਕਰ ਲਏ ਹਨ। ਚੌਥਾ ਚੱਕਰ ਚਲ ਰਿਹਾ ਹੈ।

Fatehgarh SahibFatehgarh Sahib

ਦਰਬਾਰਾ ਸਿੰਘ ਗੁਰੂ ਦਾ ਕਹਿਣਾ ਹੈ ਕਿ ਪੰਜਾਬ ਵਿਚ ਕਾਂਗਰਸ ਸਰਕਾਰ ਦੇ ਪਿਛਲੇ 2 ਸਾਲਾਂ ਵਿਚ ਕੋਈ ਕੰਮ ਨਹੀਂ ਹੋਇਆ। ਆਟਾ-ਦਾਲ ਸਕੀਮ ਬੰਦ ਪਈ ਹੈ, ਸ਼ਗਨ ਸਕੀਮ, ਪੈਨਸ਼ਨਾਂ ਨਹੀਂ ਮਿਲ ਰਹੀਆਂ, ਕਰਜ਼ ਮਾਫ਼ੀ ਦਾ ਵਾਅਦਾ ਸਿਰੇ ਨਹੀਂ ਚੜ੍ਹਿਆ, ਵਿਕਾਸ ਗ੍ਰਾਂਟਾਂ ਠੱਪ ਹਨ ਅਤੇ ਰੋਜ਼ਗਾਰ ਮੁਹਈਆ ਕਰਾਉਣ ਵਿਚਖ ਸਰਕਾਰ ਫ਼ੇਲ੍ਹ ਹੋਈ ਹੈ। ਡਾ. ਅਮਰ ਸਿੰਘ ਦੀ ਟੇਕ ਸਿਰਫ਼ ਇਸੇ ਨੁਕਤੇ 'ਤੇ ਹੈ ਕਿ ਕੁਲ 9 ਅਸੈਂਬਲੀ ਹਲਕਿਆਂ ਵਿਚੋਂ 7 ਕਾਂਗਰਸੀ ਵਿਧਾਇਕ ਹਨ, ਵੋਟਾਂ ਪੱਕੀਆਂ ਹਨ ਜਦੋਂ ਕਿ ਰਾਏਕੋਟ ਤੋਂ ਆਪ ਦੇ ਮੈਂਬਰ ਜੱਗਾ ਹਿੱਸੋਵਾਲੀਆ ਅਤੇ ਸਾਹਨੇਵਾਲ ਤੋਂ ਅਕਾਲੀ ਵਿਧਾਇਕ ਸ਼ਰਨਜੀਤ ਢਿੱਲੋਂ ਵਾਲੇ ਇਲਾਕੇ ਵਿਚੋਂ ਉਹ ਮਾਰ ਖਾ ਸਕਦੇ ਹਨ।

Fatehgarh Sahib Fatehgarh Sahib

ਬਾਕੀ 7 ਅਸੈਂਬਲੀ ਹਲਕਿਆਂ ਵਿਚ ਫ਼ਤਿਹਗੜ੍ਹ ਸਾਹਿਬ, ਬੱਸੀ ਪਠਾਣਾਂ, ਅਮਲੋਹ, ਖੰਨਾ, ਸਮਰਾਲਾ, ਪਾਇਲ ਤੇ ਅਮਰਗੜ੍ਹ ਨੂੰ ਮਿਲਾ ਕੇ ਕੁਲ ਪੌਣੇ 15 ਲੱਖ ਵੋਟਾਂ (14,74,947) ਵਿਚੋਂ 75 ਪ੍ਰਤੀਸ਼ਤ ਵੋਟ ਰਾਮਦਾਸੀਆ ਤੇ ਬਾਲਮੀਕੀ ਭਾਈਚਾਰੇ ਦੀ ਹੈ। ਪਿਛਲੀਆਂ ਲੋਕ ਸਭਾ ਚੋਣਾਂ 2014 ਵਿਚ ਕਾਂਗਰਸ ਦੇ ਸਾਧੂ ਸਿੰਘ ਧਰਮਸੋਤ, ਆਪ ਦੇ ਉਮੀਦਵਾਰ ਹਰਿੰਦਰ ਸਿੰਘ ਖ਼ਾਲਸਾ ਤੋਂ ਮਾਰ ਖਾ ਗਏ ਸਨ। ਖ਼ਾਲਸਾ ਵੀ ਆਈ.ਐਫ਼.ਐਸ. ਅਧਿਕਾਰੀ ਰਹਿ ਚੁਕੇ ਹਨ। ਅਰਵਿੰਦ ਕੇਜਰੀਵਾਲ ਨੇ ਉਨ੍ਹਾਂ ਨੂੰ ਡੇਢ ਸਾਲ ਬਾਅਦ ਹੀ ਪਾਰਟੀ ਤੋਂ ਮੁਅੱਤਲ ਕਰ ਦਿਤਾ ਸੀ ਅਤੇ ਉਨ੍ਹਾਂ ਲਗਭਗ 4 ਸਾਲ ਮੁਅੱਤਲੀ ਦਾ ਸਮਾਂ ਕੱਢ ਕੇ ਮਾਰਚ ਮਹੀਨੇ, ਬੀਜੇਪੀ ਵਿਚ ਸ਼ਮੂਲੀਅਤ ਕਰ ਲਈ ਸੀ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Navdeep Jalveda Wala Water Cannon ਗ੍ਰਿਫ਼ਤਾਰ! ਹਰਿਆਣਾ ਦੀ ਪੁਲਿਸ ਨੇ ਕੀਤੀ ਵੱਡੀ ਕਾਰਵਾਈ, ਕਿਸਾਨੀ ਅੰਦੋਲਨ ਵਿੱਚ

29 Mar 2024 4:16 PM

Simranjit Mann ਦਾ ਖੁੱਲ੍ਹਾ ਚੈਲੇਂਜ - 'ਭਾਵੇਂ ਸੁਖਪਾਲ ਖਹਿਰਾ ਹੋਵੇ ਜਾਂ ਕੋਈ ਹੋਰ, ਮੈਂ ਨਹੀਂ ਆਪਣੇ ਮੁਕਾਬਲੇ ਕਿਸੇ

29 Mar 2024 3:30 PM

ਭਾਜਪਾ ਦੀ ਸੋਚ ਬਾਬੇ ਨਾਨਕ ਵਾਲੀ : Harjit Grewal ਅਕਾਲੀ ਦਲ 'ਤੇ ਰੱਜ ਕੇ ਵਰ੍ਹੇ ਭਾਜਪਾ ਆਗੂ ਅਕਾਲੀ ਦਲ ਬਾਰੇ ਕਰਤੇ

29 Mar 2024 2:07 PM

ਦੇਖੋ ਚੋਣ ਅਧਿਕਾਰੀ ਕਿਵੇਂ ਸਿਆਸੀ ਇਸ਼ਤਿਹਾਰਬਾਜ਼ੀ ਅਤੇ Paid ਖ਼ਬਰਾਂ ਉੱਤੇ ਰੱਖ ਰਿਹਾ ਹੈ ਨਜ਼ਰ, ਕਹਿੰਦਾ- ਝੂਠੀਆਂ....

29 Mar 2024 1:14 PM

Mohali ਦੇ Pind 'ਚ ਹਾਲੇ ਗਲੀਆਂ ਤੇ ਛੱਪੜਾਂ ਦੇ ਮਸਲੇ ਹੱਲ ਨਹੀਂ ਹੋਏ, ਜਾਤ-ਪਾਤ ਦੇਖ ਕੇ ਹੁੰਦੇ ਸਾਰੇ ਕੰਮ !

29 Mar 2024 11:58 AM
Advertisement