ਹਸਪਤਾਲ ‘ਚ ਜੇਰੇ ਇਲਾਜ ਔਰਤ ਨੇ ਤੋੜਿਆ ਦਮ
ਗੁਰਦਾਸਪੁਰ (ਅਵਤਾਰ ਸਿੰਘ) ਸਮਾਜ 'ਚ ਦਿਨੋ ਦਿਨ ਵੱਧ ਰਹੀ ਅਸਹਿਣਸ਼ੀਲਤਾ ਵਿਚਾਲੇ ਆਏ ਦਿਨ ਘਰੇਲੂ ਝਗੜਿਆਂ ਦੀਆਂ ਖਬਰਾਂ ਵੱਧ ਰਹੀਆਂ ਹਨ। ਲੋਕਾਂ 'ਚ ਪਿਆਰ ਨਾਲ ਰਹਿਣ ਦੀ ਭਵਨਾ ਵੀ ਖਤਮ ਹੋਣ ਕਿਨਾਰੇ ਹੈ।
Death
ਅਜਿਹੀ ਹੀ ਘਟਨਾ ਗੁਰਦਾਸਪੁਰ ਤੋਂ ਸਾਹਮਣੇ ਆਈ ਹੈ ਜਿ ਇੱਕ ਛੋਟੀ ਜਿਹੀ ਤਕਰਾਰ ਦੀ ਕੀਮਤ ਇੱਕ ਔਰਤ ਨੂੰ ਆਪਣੀ ਜਾਨ ਦੇਕੇ ਚੁਕਾਉਣੀ ਪਈ। ਗੁਰਦਾਸਪੁਰ ਦੇ ਪਿੰਡ ਭੁਲੇਚੱਕ ‘ਚ ਮਹਿਜ਼ ਸਾਂਝੀ ਕੰਧ ਤੇ ਕੱਪੜੇ ਸੁੱਕਣੇ ਪਾਉਣ ਨੂੰ ਲੈ ਕੇ ਦੋ ਗੁਆਂਢਣਾ ਦਾ ਆਪਸ 'ਚ ਝਗੜਾ ਹੋ ਗਿਆ ਜਿਸ ਚ ਇਕ ਵਿਧਵਾ ਔਰਤ ਦੀ ਮੌਤ ਹੋ ਗਈ।
Death
ਪਿੰਡ ਦੇ ਸਰਪੰਚ ਮੋਹਿੰਦਰ ਸਿੰਘ ਦਾ ਕਹਿਣਾ ਸੀ ਕਿ ਜਸਵੀਰ ਕੌਰ ਅਤੇ ਉਸ ਦੇ ਗੁਆਂਢ 'ਚ ਰਹਿਣ ਵਾਲੀ ਔਰਤ ਰੀਟਾ ਦਾ ਸਾਂਝੀ ਕੰਧ ਤੇ ਕੱਪੜੇ ਸੁੱਕਣੇ ਪਾਉਣ ਨੂੰ ਲੈ ਕੇ ਝਗੜਾ ਹੋ ਗਿਆ ਤੇ ਉਸ ਲੜਾਈ ਦੌਰਾਨ ਜਸਵੀਰ ਜਖ਼ਮੀ ਹੋਈ ਜਿਸ ਦੀ ਅੱਜ ਦੇਰ ਸ਼ਾਮ ਹੀ ਇਲਾਜ ਦੌਰਾਨ ਹਸਪਤਾਲ 'ਚ ਮੌਤ ਹੋ ਗਈ ਹੈ।
Sarpanch Mohinder Singh
ਐਸਐਚਓ ਕੁਲਵੰਤ ਸਿੰਘ ਨੇ ਗੱਲਬਾਤ ਦੌਰਾਨ ਦੱਸ਼ਿਆ ਕਿ ਉਹਨਾਂ ਵੱਲੋਂ ਇਸ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿਤੀ ਗਈ ਹੈ ਅਤੇ ਮ੍ਰਿਤਕ ਦੀ ਲਾਸ਼ ਦਾ ਪੋਸਟਮਾਰਟਮ ਕਰਵਾਇਆ ਜਾਵੇਗਾ ਅਤੇ ਮ੍ਰਿਤਕ ਜਸਵੀਰ ਕੌਰ ਦੇ ਪਰਿਵਾਰਕ ਮੈਂਬਰਾਂ ਦੇ ਬਿਆਨ ਦਰਜ਼ ਕਰ ਅਗਲੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ |
SHO Kulwant Singh
