ਮ੍ਰਿਤਕ ਦੀ ਧੀ ਜ਼ਖ਼ਮੀ; ਡਰਾਈਵਰ ਵਿਰੁਧ ਮਾਮਲਾ ਦਰਜ
Punjab News: ਜ਼ਿਲ੍ਹਾ ਮੋਗਾ ਵਿਖੇ ਸਥਾਨਕ ਅੰਮ੍ਰਿਤਸਰ ਰੋਡ 'ਤੇ ਬੀਤੀ ਦੇਰ ਸ਼ਾਮ ਅਪਣੀ ਧੀ ਨੂੰ ਲੈ ਕੇ ਸਕੂਟਰ 'ਤੇ ਆ ਰਹੇ ਇਕ ਵਿਅਕਤੀ ਦੇ ਸਕੂਟਰ ਨੂੰ ਤੇਜ਼ ਰਫਤਾਰ ਪੰਜਾਬ ਰੋਡਵੇਜ਼ ਦੀ ਬੱਸ ਨੇ ਟੱਕਰ ਮਾਰ ਦਿਤੀ, ਜਿਸ ਕਾਰਨ ਸਕੂਟਰ ਸਵਾਰ ਵਿਅਕਤੀ ਦੀ ਮੌਤ ਹੋ ਗਈ ਜਦਕਿ ਉਸ ਦੀ ਧੀ ਜ਼ਖ਼ਮੀ ਹੋ ਗਈ।
ਥਾਣਾ ਸਿਟੀ 1 ਵਿਚ ਦਿਤੀ ਸ਼ਿਕਾਇਤ ਵਿਚ ਪੁੱਤਰ ਸਾਧੂ ਰਾਮ ਸੈਣੀ ਵਾਸੀ ਗਲੀ ਨੰਬਰ 19 ਨੇੜੇ ਗਲੋਰੀਆ ਸਕੂਲ ਬਸਤੀ ਗੋਵਿੰਦਗੜ੍ਹ ਮੋਗਾ ਨੇ ਦਸਿਆ ਕਿ ਉਸ ਦਾ ਭਰਾ ਵੀਰ ਸਿੰਘ ਸੈਣੀ ਉਰਫ਼ ਰਿੱਕੀ ਅਪਣੀ 5 ਸਾਲਾ ਬੇਟੀ ਨਿਮਰਤ ਨਾਲ ਅੰਮ੍ਰਿਤਸਰ ਰੋਡ ਤੋਂ ਜੋਗਿੰਦਰ ਸਿੰਘ ਚੌਕ ਵੱਲ ਜਾ ਰਿਹਾ ਸੀ।
ਉਹ ਐਕਟਿਵਾ ਸਕੂਟੀ ਨੰਬਰ ਪੀਬੀ 29 ਏਬੀ 2293 ’ਤੇ ਸਵਾਰ ਸੀ ਤਾਂ ਪਿੱਛੇ ਤੋਂ ਆ ਰਹੀ ਪੰਜਾਬ ਰੋਡਵੇਜ਼ ਦੀ ਬੱਸ ਨੰਬਰ ਪੀਬੀ 04 ਏਏ 7368 ਦੇ ਅਣਪਛਾਤੇ ਚਾਲਕ ਨੇ ਉਸ ਦੇ ਭਰਾ ਦੀ ਸਕੂਟੀ ਨੂੰ ਟੱਕਰ ਮਾਰ ਦਿਤੀ, ਜਿਸ ਕਾਰਨ ਉਸ ਦੇ ਭਰਾ ਇਸ ਦੌਰਾਨ ਮੌਤ ਹੋ ਗਈ ਅਤੇ ਭਤੀਜੀ ਸੜਕ 'ਤੇ ਡਿੱਗ ਗਈ।
ਥਾਣਾ ਸਿਟੀ 1 ਦੇ ਸਹਾਇਕ ਐੱਸਐੱਚਓ ਨੇ ਉਕਤ ਬੱਸ ਦੇ ਅਣਪਛਾਤੇ ਡਰਾਈਵਰ ਵਿਰੁਧ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿਤੀ ਹੈ।
(For more Punjabi news apart from father and daughter on a scooter hit by roadways bus, stay tuned to Rozana Spokesman)
