ਚੰਡੀਗੜ੍ਹ : ਸਾਡੇ ਦੇਸ਼ ਅੰਦਰ 74ਵਾਂ ਆਜ਼ਾਦੀ ਦਿਹਾੜਾ ਮਨਾਉਣ ਦੀਆਂ ਤਿਆਰੀਆਂ ਜ਼ੋਰਾਂ-ਸ਼ੋਰਾਂ ਨਾਲ ਚੱਲ ਰਹੀਆਂ ਹਨ। 15 ਅਗੱਸਤ 2020 ਨੂੰ ਦੇਸ਼ ਦੇ ਅੰਗਰੇਜ਼ਾਂ ਦੀ 200 ਸਾਲ ਦੀ ਗੁਲਾਮੀ ਤੋਂ ਆਜ਼ਾਦ ਹੋਇਆ ਨੂੰ 73 ਵਰ੍ਹੇ ਪੂਰੇ ਹੋ ਚੁੱਕੇ ਹੋਣਗੇ। ਇਹ ਦਿਹਾੜਾ ਆਏ ਸਾਲ ਬੜੇ ਉਤਸ਼ਾਹ ਤੇ ਹੁਲਾਸ ਨਾਲ ਮਨਾਇਆ ਜਾਂਦਾ ਹੈ। ਇਸੇ ਤਰ੍ਹਾਂ ਦੁਨੀਆਂ ਦੇ ਬਾਕੀ ਦੇਸ਼ ਵੀ ਅਪਣੇ ਆਜ਼ਾਦੀ ਦਿਹਾੜਿਆਂ ਨੂੰ ਮਨਾਉਂਦੇ ਹਨ।
Independence Day
ਪਰ ਕੀ ਅਗੱਸਤ ਮਹੀਨੇ ਦੀ 15 ਤਰੀਕ ਨੂੰ ਸਿਰਫ਼ ਸਾਡਾ ਦੇਸ਼ ਹੀ ਆਜ਼ਾਦੀ ਦਿਹਾੜਾ ਮਨਾ ਰਿਹਾ ਹੋਵੇਗਾ ਜਾਂ ਕੋਈ ਹੋਰ ਦੇਸ਼ ਵੀ ਹੈ ਜੋ 15 ਅਗੱਸਤ ਵਾਲੇ ਦਿਨ ਆਜ਼ਾਦੀ ਦਿਹਾੜਾ ਮਨਾਉਂਦਾ ਹੈ। ਇਸ ਦਾ ਜਵਾਬ ਹਾਂ ਵਿਚ ਹੈ, ਕਿਉਂਕਿ ਸਾਡੇ ਭਾਰਤ ਤੋਂ ਇਲਾਵਾ ਦੁਨੀਆਂ ਭਰ ਅੰਦਰ 5 ਹੋਰ ਅਜਿਹੇ ਦੇਸ਼ ਹਨ ਜੋ 15 ਅਗੱਸਤ ਨੂੰ ਹੀ ਅਪਣਾ-ਅਪਣਾ ਆਜ਼ਾਦੀ ਦਿਹਾੜਾ ਮਨਾਉਂਦੇ ਹਨ। ਇਨ੍ਹਾਂ ਦੇਸ਼ਾਂ ਨੂੰ ਵੀ ਭਾਰਤ ਵਾਂਗ 15 ਅਗੱਸਤ ਵਾਲੇ ਦਿਨ ਆਜ਼ਾਦੀ ਨਸੀਬ ਹੋਈ ਸੀ। ਇਨ੍ਹਾਂ ਪੰਜ ਦੇਸ਼ਾਂ 'ਚ ਉੱਤਰ ਕੋਰੀਆ, ਦੱਖਣੀ ਕੋਰੀਆ, ਕਾਂਗੋ, ਬਹਿਰੀਨ ਅਤੇ ਲਿਕਟੇਂਸਟੀਨ ਸ਼ਾਮਲ ਹਨ।
Independence Day
ਸਾਊਥ ਕੋਰੀਆ ਨੇ 15 ਅਗੱਸਤ 1945 ਨੂੰ ਜਾਪਾਨ ਤੋਂ ਆਜ਼ਾਦੀ ਹਾਸਲ ਕੀਤੀ ਸੀ। ਯੂਐਸ ਅਤੇ ਸੋਵੀਅਤ ਫ਼ੌਜਾਂ ਨੇ ਕੋਰੀਆ ਨੂੰ ਜਾਪਾਨ ਦੇ ਕਬਜ਼ੇ ਵਿਚੋਂ ਆਜ਼ਾਦ ਕਰਵਾਇਆ ਸੀ। ਇਸ ਦਿਨ ਨੂੰ ਸਾਊਥ ਕੋਰੀਆ ਦੇ ਲੋਕ ਨੈਸ਼ਨਲ ਹਾਲੀਡੇ ਵਜੋਂ ਮਨਾਉਂਦੇ ਹਨ।
Independence Day
ਸਾਊਥ ਕੋਰੀਆ ਦੀ ਤਰ੍ਹਾਂ ਹੀ ਨਾਰਥ ਕੋਰੀਆ ਵੀ 15 ਅਗਸਤ ਨੂੰ ਆਜ਼ਾਦੀ ਦਿਹਾੜੇ ਦੇ ਤੌਰ 'ਤੇ ਮਨਉਂਦਾ ਹੈ। ਦੋਵੇਂ ਦੇਸ਼ ਜੋ ਕਿਸੇ ਸਮੇਂ ਇਕ ਹੀ ਦੇਸ਼ ਹੁੰਦੇ ਸਨ, 15 ਅਗੱਸਤ 1945 ਨੂੰ ਜਾਪਾਨ ਦੇ ਕਬਜ਼ੇ ਵਿਚੋਂ ਅਜ਼ਾਦ ਹੋਏ ਸਨ। ਨਾਰਥ ਕੋਰੀਆ 15 ਅਗੱਸਤ ਨੂੰ ਨੈਸ਼ਨਲ ਹਾਲੀਡੇ ਦੇ ਤੌਰ 'ਤੇ ਮਨਉਂਦਾ ਹੈ। ਛੁੱਟੀ ਦਾ ਦਿਨ ਹੋਣ ਕਾਰਨ ਇਸ ਦਿਨ ਇੱਥੇ ਵਿਆਹ ਕਰਨ ਦੀ ਪਰੰਪਰਾ ਚੱਲ ਪਈ ਹੈ।
Independence Day
15 ਅਗਸਤ ਨੂੰ ਹੀ ਬਹਿਰੀਨ ਨੇ ਆਜ਼ਾਦੀ ਹਾਸਲ ਕੀਤੀ ਸੀ। 15 ਅਗਸਤ 1971 ਨੂੰ ਬਹਿਰੀਨ ਨੇ ਬ੍ਰਿਟੇਨ ਤੋਂ ਆਜ਼ਾਦੀ ਹਾਸਲ ਕੀਤੀ ਸੀ। ਹਾਲਾਂਕਿ ਬ੍ਰਿਟਿਸ਼ ਫ਼ੌਜਾਂ 1960 ਦੇ ਦਹਾਕੇ ਤੋਂ ਹੀ ਬਹਿਰੀਨ ਨੂੰ ਛੱਡਣ ਲੱਗੀਆਂ ਸਨ, ਪਰ 15 ਅਗੱਸਤ ਨੂੰ ਬਹਿਰੀਨ ਅਤੇ ਬ੍ਰਿਟੇਨ ਵਿਚਾਲੇ ਇਕ ਟਰੀਟੀ ਹੋਈ ਸੀ, ਜਿਸ ਤੋਂ ਬਾਅਦ ਬਹਿਰੀਨ ਨੇ ਆਜ਼ਾਦ ਦੇਸ਼ ਦੇ ਤੌਰ 'ਤੇ ਬ੍ਰਿਟੇਨ ਦੇ ਨਾਲ ਆਪਣੇ ਸਬੰਧ ਰੱਖੇ। ਹਾਲਾਂਕਿ ਬਹਿਰੀਨ ਆਪਣਾ ਨੈਸ਼ਨਲ ਹਾਲੀਡੇ 16 ਦਸੰਬਰ ਨੂੰ ਮਨਉਂਦਾ ਹੈ। ਇਸ ਦਿਨ ਬਹਿਰੀਨ ਦੇ ਸ਼ਾਸਕ ਇਸਾ ਬਿਨ ਸਲਮਾਨ ਅਲ ਖਲੀਫਾ ਨੇ ਬਹਿਰੀਨ ਦੀ ਗੱਦੀ ਹਾਸਲ ਕੀਤੀ ਸੀ।
Independence Day
ਕਾਂਗੋ ਨੇ 15 ਅਗੱਸਤ ਨੂੰ ਆਜ਼ਾਦੀ ਹਾਸਲ ਕੀਤੀ ਸੀ। 15 ਅਗੱਸਤ 1960 ਨੂੰ ਅਫਰੀਕਾ ਦਾ ਇਹ ਦੇਸ਼ ਫ਼ਰਾਂਸ ਤੋਂ ਆਜ਼ਾਦ ਹੋਇਆ ਸੀ। ਉਸ ਤੋਂ ਬਾਅਦ ਇਹ ਰਿਪਬਲਿਕ ਆਫ ਕਾਂਗੋ ਬਣ ਗਿਆ। 1880 ਤੋਂ ਕਾਂਗੋ 'ਤੇ ਫ਼ਰਾਂਸ ਦਾ ਕਬਜ਼ਾ ਸੀ। ਇਸ ਨੂੰ ਫਰੇਂਚ ਕਾਂਗੋ ਦੇ ਤੌਰ 'ਤੇ ਜਾਣਿਆ ਜਾਂਦਾ ਸੀ। ਉਸ ਤੋਂ ਬਾਅਦ 1903 ਵਿਚ ਇਹ ਮਿਡਲ ਕਾਂਗੋ ਬਣ ਗਿਆ। ਲਿਕਟੇਂਸਟੀਨ ਨੇ 15 ਅਗੱਸਤ 1866 ਨੂੰ ਜਰਮਨੀ ਤੋਂ ਆਜ਼ਾਦੀ ਹਾਸਲ ਕੀਤੀ ਸੀ। 1940 ਤੋਂ ਇਹ 15 ਅਗਸਤ ਨੂੰ ਆਜ਼ਾਦੀ ਦਿਹਾੜੇ ਵਜੋਂ ਮਨਾ ਰਿਹਾ ਹੈ। ਇਹ ਦੁਨੀਆ ਦੇ ਸਭ ਤੋਂ ਛੋਟੇ ਦੇਸ਼ਾਂ ਵਿਚੋਂ ਇਕ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
