ਈਸਾਈ ਮਿਸ਼ਨਰੀਆਂ ਵਲੋਂ ਸਿੱਖਾਂ ਨੂੰ ਬਣਾਇਆ ਜਾ ਰਿਹੈ ਈਸਾਈ
ਅੰਮਿ੍ਤਸਰ 12 ਅਕਤੂਬਰ ( ਸੁਖਵਿੰਦਰਜੀਤ ਸਿੰਘ ਬਹੋੜੂ) : ਸ਼੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਗਿ ਹਰਪ੍ਰੀਤ ਸਿੰਘ ਨੇ ਕ੍ਰਿਸਚਿਨ ਮਿਸ਼ਨਰੀ ਵੱਲੋਂ ਸਿੱਖਾਂ ਨੂੰ ਇਸਾਈ ਬਣਾਉਣ ਦੀ ਆਲੋਚਨਾ ਕਰਦਿਆਂ ਕੀਤੀ ਹੈ | ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਜਥੇਦਾਰ ਕਿਹਾ ਕਿ ਸਿੱਖਾਂ ਦਾ ਇਸਾਈਆਂ ਵੱਲੋ ਕੀਤਾ ਜਾ ਰਿਹਾ ਹੈ ਧਰਮ-ਪਰਿਵਰਤਨ ਇਕ ਗੰਭੀਰ ਮੱਸਲਾ ਕੌਮ ਦੇ ਸਾਹਮਣੇ ਆਇਆ ਹੈ |
ਉਨ੍ਹਾਂ ਦੋਸ਼ ਲਾਇਆਕਿ ਲੰਬੇ ਸਮੇਂ ਤੋ ਪੰਜਾਬ ਦੇ ਸਰੱਹਦੀ ਖੇਤਰ ਚ ਇਸਾਈਆਂ ਵੱਲੋਂ ਇਹ ਕਾਰਾ ਕੀਤਾ ਜਾ ਰਿਹਾ ਹੈ, ਜਿਸ ਦੀਆਂ ਰਿਪੋਰਟਾਂ ਸਾਹਮਣੇ ਆਈਆਂ ਹਨ ਕਿ ਇਹ ਸਿੱਖ ਧਰਮ ਤੇ ਵੱਡਾ ਹਮਲਾ ਹੈ | ਸਿੱਖ ਕੌਮ ਨੂੰ ਅਪੀਲ ਕੀਤੀ ਕਿ ਭਿਅੰਕਰ ਮੱਸਲੇ ਪ੍ਰਤੀ ਗੰਭੀਰ ਹੋਣ | ਜਥੇਦਾਰ ਮੁਤਾਬਕ ਸਭ ਤੋ ਪਹਿਲਾਂ ਪ੍ਰਭਾਵਿਤ ਖੇਤਰਾਂ ਤੇ ਕੰਟਰੋਲ ਕੀਤਾ ਜਾਵੇਗਾ,ਜਿਥੇ ਇਸਾਈ ਮਿਸ਼ਨਰੀ ਸਰਗਰਮ ਹਨ | ਧਰਮ –ਮਨੁੱਖ ਦੀ ਆਤਮਾ ਦਾ ਮਾਮਲਾ ਹੈ |
ਪੰਜਾਬ ਹੀ ਨਹੀਂ ਪੂਰੇ ਭਾਰਤ ਵਿੱਚ ਇਸਾਈਆਂ ਵਿਰੁਧ ਮੁਹਿੰਮ ਵਿੱਢੀ ਜਾਵੇਗੀ | ਹੋੋਰ ਮਿਲੇ ਵੇਰਵਿਆਂ ਮੁਤਾਬਕ ਗਰੀਬ ਸਿੱਖ ਸਭ ਤੋ ਜਿਆਦਾ ਇਸਾਈਆਂ ਦੇ ਝਾਂਸੇ ਵਿਚ ਆਏ ਹਨ | ਸਿੱਖ ਕੌਮ ਲਈ ਇਹ ਗੰਭੀਰ ਮੱਸਲਾ ਚਿੰਤਾ ਦਾ ਵਿਸ਼ਾ ਹੈ | ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਟੀਮਾਂ ਪੂਰੇ ਪੰਜਾਬ ਚ ਇਸ ਵਿਰੁੱਧ ਸਰਗਰਮ ਹੋ ਗਈਆਂ ਹਨ |
ਕੈਪਸ਼ਨ—ਏ ਐਸ ਆਰ ਬਹੋੜੂ— 12—4— ਜਥੇਦਾਰ ਗਿ ਹਰਪ੍ਰੀਤ ਸਿੰਘ |
