Weather News: ਪੰਜਾਬ ਤੋਂ ਲੈ ਕੇ ਆਸਾਮ ’ਚ ਸੰਘਣੀ ਧੁੰਦ, ਮੌਸਮ ਵਿਭਾਗ ਨੇ ਦਿਤੀ ਚੇਤਾਵਨੀ

By : GAGANDEEP

Published : Jan 14, 2024, 4:09 pm IST
Updated : Jan 14, 2024, 4:13 pm IST
SHARE ARTICLE
 Weather News in punjabi
Weather News in punjabi

ਧੁੰਦ ਕਾਰਨ ਦਿੱਲੀ ਜਾਣ ਵਾਲੀਆਂ 22 ਰੇਲ ਗੱਡੀਆਂ ਪ੍ਰਭਾਵਤ

 Weather News in punjabi : ਉੱਤਰੀ ਭਾਰਤ ਦੇ ਗੰਗਾ ਖੇਤਰ ’ਚ ਐਤਵਾਰ ਨੂੰ ਧੁੰਦ ਦੀ ਪਰਤ ਛਾ ਗਈ ਅਤੇ ਕਈ ਥਾਵਾਂ ’ਤੇ ਦ੍ਰਿਸ਼ਤਾ ਜ਼ੀਰੋ ਮੀਟਰ ਰਹੀ।  ਭਾਰਤੀ ਮੌਸਮ ਵਿਭਾਗ (ਆਈ.ਐਮ.ਡੀ.) ਨੇ ਲੋਕਾਂ ਨੂੰ ਬੇਲੋੜੀ ਯਾਤਰਾ ਤੋਂ ਪਰਹੇਜ਼ ਕਰਨ ਅਤੇ ਗੱਡੀ ਚਲਾਉਂਦੇ ਸਮੇਂ ਸਾਵਧਾਨੀ ਵਰਤਣ ਦੀ ਸਲਾਹ ਦਿਤੀ ਹੈ। ਰੇਲਵੇ ਦੇ ਇਕ ਬੁਲਾਰੇ ਨੇ ਦਸਿਆ ਕਿ ਧੁੰਦ ਕਾਰਨ ਦਿੱਲੀ ਜਾਣ ਵਾਲੀਆਂ 22 ਰੇਲ ਗੱਡੀਆਂ ਪ੍ਰਭਾਵਤ ਹੋਈਆਂ। 

ਇਹ ਵੀ ਪੜ੍ਹੋ: Delhi News: ਖਰਾਬ ਮੌਸਮ ਕਾਰਨ ਦਿੱਲੀ ਹਵਾਈ ਅੱਡੇ ’ਤੇ 9 ਉਡਾਣਾਂ ਦਾ ਬਦਲਿਆ ਮਾਰਗ 

ਸੈਟੇਲਾਈਟ ਤਸਵੀਰਾਂ ’ਚ ਸੰਘਣੀ ਧੁੰਦ ਦੀ ਇਕ ਪਰਤ ਵਿਖਾਈ ਦੇ ਰਹੀ ਹੈ ਜੋ ਪੰਜਾਬ ਅਤੇ ਉੱਤਰੀ ਰਾਜਸਥਾਨ ਤੋਂ ਉੱਤਰ-ਪੂਰਬ ਤਕ ਫੈਲੀ ਹੋਈ ਹੈ। ਪੂਰਬੀ ਤੱਟ ’ਤੇ ਵੱਖ-ਵੱਖ ਥਾਵਾਂ ’ਤੇ ਧੁੰਦ ਵੀ ਵੇਖੀ ਗਈ।  ਮੌਸਮ ਵਿਭਾਗ ਦੇ ਇਕ ਅਧਿਕਾਰੀ ਨੇ ਦਸਿਆ ਕਿ ਸਨਿਚਰਵਾਰ ਰਾਤ 10 ਵਜੇ ਤੋਂ ਪੰਜਾਬ, ਹਰਿਆਣਾ, ਦਿੱਲੀ, ਉੱਤਰੀ ਰਾਜਸਥਾਨ ਅਤੇ ਉੱਤਰ ਪ੍ਰਦੇਸ਼ ’ਚ ਸੰਘਣੀ ਧੁੰਦ ਛਾਈ ਹੋਈ ਹੈ। 

ਇਹ ਵੀ ਪੜ੍ਹੋ: Delhi Schools Reopen: ਵਿਦਿਆਰਥੀਆਂ ਲਈ ਵੱਡੀ ਖ਼ਬਰ, ਦਿੱਲੀ ਵਿਚ ਕੱਲ੍ਹ ਤੋਂ ਖੁੱਲ੍ਹਣਗੇ ਸਕੂਲ

ਉਨ੍ਹਾਂ ਕਿਹਾ, ‘‘ਸਰਦੀਆਂ ਦੇ ਇਸ ਮੌਸਮ ’ਚ ਇਹ ਪਹਿਲੀ ਵਾਰ ਹੈ ਕਿ ਅੰਮ੍ਰਿਤਸਰ ਅਤੇ ਡਿਬਰੂਗੜ੍ਹ ਦੇ ਵਿਚਕਾਰ ਗੰਗਾਨਗਰ, ਪਟਿਆਲਾ, ਅੰਬਾਲਾ, ਚੰਡੀਗੜ੍ਹ, ਦਿੱਲੀ, ਬਰੇਲੀ, ਲਖਨਊ, ਬਹਿਰਾਈਚ, ਵਾਰਾਣਸੀ, ਪ੍ਰਯਾਗਰਾਜ ਅਤੇ ਤੇਜਪੁਰ (ਅਸਾਮ) ’ਚ ਦ੍ਰਿਸ਼ਤਾ ਜ਼ੀਰੋ ਮੀਟਰ ਸੀ।’’ ਉਨ੍ਹਾਂ ਕਿਹਾ, ‘‘ਇਸ ਸੀਜ਼ਨ ’ਚ ਸੰਘਣੀ ਧੁੰਦ ਦਾ ਇਹ ਸੱਭ ਤੋਂ ਲੰਬਾ ਦੌਰ ਸੀ। ਇਸ ਦੇ ਨਾਲ ਹੀ ਇਹ ਹੁਣ ਤਕ ਦੀ ਸੱਭ ਤੋਂ ਸੰਘਣੀ ਧੁੰਦ ਹੈ।’’

ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।

ਮੌਸਮ ਵਿਭਾਗ ਨੇ ਕਿਹਾ ਕਿ ਮੁਸਾਫ਼ਰਾਂ ਨੂੰ ਰਾਜਮਾਰਗਾਂ ’ਤੇ ਗੱਡੀ ਚਲਾਉਂਦੇ ਸਮੇਂ ਬਹੁਤ ਸਾਵਧਾਨੀ ਵਰਤਣੀ ਚਾਹੀਦੀ ਹੈ ਅਤੇ ਫੋਗ ਲਾਈਟਾਂ ਦੀ ਵਰਤੋਂ ਕਰਨੀ ਚਾਹੀਦੀ ਹੈ।  ਸਵੇਰੇ 5:30 ਵਜੇ ਪਟਿਆਲਾ, ਅੰਬਾਲਾ, ਬਹਿਰਾਈਚ (ਯੂ.ਪੀ.), ਪੂਰਨੀਆ (ਬਿਹਾਰ) ਅਤੇ ਪਾਲਮ (ਦਿੱਲੀ) ’ਚ ਦ੍ਰਿਸ਼ਤਾ ਦਾ ਪੱਧਰ 25 ਮੀਟਰ ਅਤੇ ਅੰਮ੍ਰਿਤਸਰ, ਚੰਡੀਗੜ੍ਹ, ਸਫਦਰਜੰਗ (ਦਿੱਲੀ), ਬਰੇਲੀ, ਲਖਨਊ ’ਚ 50 ਮੀਟਰ ਸੀ। ਵਾਰਾਣਸੀ, ਡਿਬਰੂਗੜ੍ਹ ਅਤੇ ਤੇਜਪੁਰ (ਅਸਾਮ), ਗੁਹਾਟੀ (ਅਸਾਮ), ਕੈਲਾਸ਼ਹਾਰ ਅਤੇ ਅਗਰਤਲਾ (ਤ੍ਰਿਪੁਰਾ) ’ਚ ਦ੍ਰਿਸ਼ਤਾ ਦਾ ਪੱਧਰ 200 ਮੀਟਰ ਦਰਜ ਕੀਤਾ ਗਿਆ।  ਦਿੱਲੀ ’ਚ ਇੰਦਰਾ ਗਾਂਧੀ ਕੌਮਾਂਤਰੀ ਹਵਾਈ ਅੱਡੇ ਨੇੜੇ ਪਾਲਮ ਆਬਜ਼ਰਵੇਟਰੀ ਸਵੇਰੇ 5 ਵਜੇ ਤਕ ਸੰਘਣੀ ਧੁੰਦ ’ਚ ਘਿਰੀ ਰਹੀ ਅਤੇ ਵਿਜ਼ੀਬਿਲਟੀ ਜ਼ੀਰੋ ਮੀਟਰ ਰਹੀ। (ਪੀਟੀਆਈ)

(For more Punjabi news apart from Weather News in punjabi, stay tuned to Rozana Spokesman) 

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

Punjab Weather Update: ਅਚਾਨਕ ਬਦਲਿਆ ਮੌਸਮ, ਪੈਣ ਲੱਗਾ ਮੀਂਹ, ਲੋਕਾਂ ਦੇ ਖਿੜੇ ਚਿਹਰੇ, ਵੇਖੋ ਦਿਲਾਂ ਨੂੰ ਠੰਢਕ .

20 Jun 2024 2:02 PM

Akali Dal 'ਤੇ Charanjit Brar ਦਾ ਮੁੜ ਵਾਰ, ਕੱਲੇ ਕੱਲੇ ਦਾ ਨਾਂਅ ਲੈ ਕੇ ਸਾਧਿਆ ਨਿਸ਼ਾਨਾ, ਵੇਖੋ LIVE

20 Jun 2024 1:36 PM

Amritsar Weather Update : Temperature 46 ਡਿਗਰੀ ਸੈਲਸੀਅਸ ਤੱਕ ਪਹੁੰਚਿਆ ਤਾਪਮਾਨ.. ਗਰਮੀ ਦਾ ਟੂਰਿਜ਼ਮ ’ਤੇ ਵੀ..

20 Jun 2024 1:02 PM

ਅੱਤ ਦੀ ਗਰਮੀ 'ਚ ਲੋਕਾਂ ਨੂੰ ਰੋਕ-ਰੋਕ ਪਾਣੀ ਪਿਆਉਂਦੇ Sub-Inspector ਦੀ ਸੇਵਾ ਦੇਖ ਤੁਸੀਂ ਵੀ ਕਰੋਗੇ ਦਿਲੋਂ ਸਲਾਮ

20 Jun 2024 11:46 AM

Bathinda News: ਇਹ ਪਿੰਡ ਬਣਿਆ ਮਿਸਾਲ 25 ਜੂਨ ਤੋਂ ਬਾਅਦ ਝੋਨਾ ਲਾਉਣ ਵਾਲੇ ਕਿਸਾਨਾਂ ਨੂੰ ਦੇ ਰਿਹਾ ਹੈ 500 ਰੁਪਏ

20 Jun 2024 10:16 AM
Advertisement