ਮਹਾਤਮਾ ਗਾਂਧੀ ਦੀ ਪੋਤਰੀ ਨੇ ਗਾਜ਼ੀਪੁਰ ਦੇ ਮੋਰਚੇ ਵਿਚ ਪੁੱਜ ਕੇ ਕਿਸਾਨਾਂ ਦੀ ਹਮਾਇਤ ਦਾ ਕੀਤਾ ਐਲਾਨ 

ਰਾਕੇਸ਼ ਟਿਕੈਤ ਨੇ ਇਕ ਸ਼ਾਲ ਦੇ ਕੇ ਤਾਰਾ ਗਾਂਧੀ ਨੂੰ  'ਜੀ ਆਇਆਂ'ਆਖਿਆ

ਨਵੀਂ ਦਿੱਲੀ, 13 ਫ਼ਰਵਰੀ (ਅਮਨਦੀਪ ਸਿੰਘ): ਗਾਜ਼ੀਪੁਰ ਦੇ ਕਿਸਾਨ ਮੋਰਚੇ ਵਿਚ ਪੁੱਜ ਕੇ ਅੱਜ ਮਹਾਤਮਾ ਗਾਂਧੀ ਦੀ ਪੋਤਰੀ 86 ਸਾਲਾ ਤਾਰਾ ਗਾਂਧੀ ਨੇ ਕਿਸਾਨਾਂ ਦੀ ਹਮਾਇਤ ਦਾ ਐਲਾਨ ਕਰਦਿਆਂ ਕੇਂਦਰ ਸਰਕਾਰ ਨੂੰ  ਕਿਸਾਨਾਂ ਦੇ ਹੱਕ ਵਿਚ ਤਿੰਨ ਕਾਲੇ ਖੇਤੀਬਾੜੀ ਕਾਨੂੰਨ ਰੱਦ ਕਰਨ ਦੀ ਮੰਗ ਕੀਤੀ | ਕਿਸਾਨਾਂ ਦੀ ਵੱਡੀ ਹਾਜ਼ਰੀ ਵਿਚ ਭਾਰਤੀ ਕਿਸਾਨ ਯੂਨੀਅਨ ਦੇ ਆਗੂ ਚੌਧਰੀ ਰਾਕੇਸ਼ ਟਿਕੈਤ ਨੇ ਇਕ ਸ਼ਾਲ ਦੇ ਕੇ ਤਾਰਾ ਗਾਂਧੀ ਨੂੰ  'ਜੀ ਆਇਆਂ' ਆਖਿਆ |  
ਉਨ੍ਹਾਂ  ਕਿਹਾ ਕਿ ਕਿਸਾਨਾਂ ਦਾ ਭਲਾ ਹੋਣਾ ਚਾਹੀਦਾ ਹੈ | ਕਿਸਾਨਾਂ ਦੀ ਮਿਹਨਤ ਮੁਸ਼ੱਕਤ ਕਿਸੇ ਤੋਂ ਲੁਕੀ ਹੋਈ ਨਹੀਂ | ਕਿਸਾਨਾਂ ਦੇ ਹਿਤ ਵਿਚ ਹੀ ਦੇਸ਼ ਦਾ ਹਿਤ ਹੈ | ਕਿਸਾਨਾਂ ਨੇ ਜ਼ਿੰਦਗੀ ਭਰ ਸਾਨੂੰ ਅੰਨ ਖਵਾਇਆ ਹੈ, ਜਿਸ ਕਰ ਕੇ ਮੈਂ ਅੱਜ ਜ਼ਿੰਦਾ ਹਾਂ ਤੇ ਇਥੇ ਕਿਸਾਨਾਂ ਦੀ ਹਮਾਇਤ ਕਰਨ ਆਈ ਹਾਂ | 
ਤਾਰਾ ਗਾਂਧੀ ਨੇ ਕਿਸਾਨਾਂ ਨੂੰ  ਅਪਣਾ ਅੰਦੋਲਨ ਸੰਜਮ ਨਾਲ ਚਲਾਉਣ ਦੀ ਅਪੀਲ ਕੀਤੀ ਤੇ ਕਿਹਾ ਉਹ ਗਾਜ਼ੀਪੁਰ ਵਿਖੇ ਕਿਸੇ ਸਿਆਸੀ ਪਾਰਟੀ ਲਈ ਨਹੀਂ, ਸਗੋਂ ਕਿਸਾਨਾਂ ਦੀ ਹਮਾਇਤ ਲਈ ਮੋਰਚੇ ਵਿਚ ਸ਼ਾਮਲ ਹੋਈ ਹੈ | ਉਨ੍ਹਾਂ ਕਿਸਾਨਾਂ ਨੂੂੰ ਹਿੰਸਾ ਤੋਂ ਦੂਰ ਰਹਿ ਕੇ, ਸ਼ਾਂਤਮਈ ਢੰਗ ਨਾਲ ਅਪਣੇ ਅੰਦੋਲਨ ਚਲਾਉਣ ਲਈ ਆਖਦਿਆਂ ਅੰਨਾ ਹਜ਼ਾਰੇ ਨੂੰ  ਵੀ ਕਿਸਾਨਾਂ ਦੀ ਹਮਾਇਤ ਵਿਚ ਪੁੱਜਣ ਦੀ ਅਪੀਲ ਕੀਤੀ |

nੋਟ: ਖ਼ਬਰ ਨਾਲ ਦਿੱਲੀ^ ਅਮਨਦੀਪ^ 13 ਫ਼ਰਵਰੀ ^ ਫ਼ੋਟੋ ਫ਼ਾਈਲ ਨੰਬਰ 05 ਨੱਥੀ ਹੈ

ਫ਼ੋਟੋ ਕੈਪਸ਼ਨ:-