Naulakha News: MACT ਵਲੋਂ ਕਾਰ ਮਾਲਕ, ਡਰਾਈਵਰ ਅਤੇ ਬੀਮਾ ਕੰਪਨੀ ਨੂੰ ਸਾਂਝੇ ਤੌਰ 'ਤੇ ਮੁਆਵਜ਼ਾ ਅਦਾ ਕਰਨ ਦੇ ਹੁਕਮ

Compensation of Rs 53.15 lakhs to the youth Naulakha Accident News:  ਮੋਹਾਲੀ ਅਦਾਲਤ ਨੇ 10 ਮਹੀਨੇ ਪਹਿਲਾਂ ਪਿੰਡ ਨੌਲੱਖਾ ਨੇੜੇ ਹੋਏ ਸੜਕ ਹਾਦਸੇ ਵਿੱਚ ਗੰਭੀਰ ਜ਼ਖ਼ਮੀ ਹੋਏ ਇੱਕ ਨੌਜਵਾਨ ਨੂੰ 53.15 ਲੱਖ ਦਾ ਮੁਆਵਜ਼ਾ ਦੇਣ ਦਾ ਹੁਕਮ ਦਿੱਤਾ ਹੈ। ਇਸ ਹਾਦਸੇ ਵਿੱਚ 28 ਸਾਲਾ ਗੁਰਤੇਜ ਸਿੰਘ ਦੀ ਇੱਕ ਲੱਤ ਕੱਟੀ ਗਈ ਜਦੋਂ ਕਿ ਦੂਜੀ ਕੰਮ ਕਰਨੋ ਬੰਦ ਹੋ ਗਈ ਸੀ।

ਮੋਟਰ ਐਕਸੀਡੈਂਟ ਕਲੇਮਜ਼ ਟ੍ਰਿਬਿਊਨਲ ਨੇ ਮਾਮਲੇ ਦੀ ਸੁਣਵਾਈ ਕਰਦੇ ਹੋਏ 53.15 ਲੱਖ ਰੁਪਏ ਦਾ ਮੁਆਵਜ਼ਾ 7.5% ਸਾਲਾਨਾ ਵਿਆਜ ਦੇ ਨਾਲ ਦੇਣ ਦਾ ਹੁਕਮ ਦਿੱਤਾ। ਗੁਰਤੇਜ ਸਿੰਘ ਦੇ ਵਕੀਲ ਨੇ ਅਦਾਲਤ ਨੂੰ ਦੱਸਿਆ ਕਿ ਉਸ ਦਾ ਮੁਵੱਕਿਲ ਚੰਡੀਗੜ੍ਹ ਸਥਿਤ ਬਾਕੂ ਆਇਲ ਕੰਪਨੀ ਵਿੱਚ ਕੰਮ ਕਰਦਾ ਸੀ। ਹਾਦਸੇ ਵਾਲੇ ਦਿਨ, 6 ਸਤੰਬਰ 2024 ਨੂੰ, ਉਹ ਐਕਟਿਵਾ 'ਤੇ ਆਪਣੇ ਪਿੰਡ ਵਾਪਸ ਆ ਰਿਹਾ ਸੀ।

ਨੌਲੱਖਾ ਬੱਸ ਸਟੈਂਡ ਨੇੜੇ ਗਲਤ ਸਾਈਡ ਤੋਂ ਆ ਰਹੀ ਇੱਕ ਸਵਿਫ਼ਟ ਡਿਜ਼ਾਇਰ ਕਾਰ ਨੇ ਟੱਕਰ ਮਾਰ ਦਿੱਤੀ। ਹਾਦਸੇ ਵਿੱਚ ਕਾਰ ਸੜਕ ਤੋਂ ਹੇਠਾਂ ਡਿੱਗ ਗਈ ਜਦੋਂ ਕਿ ਗੁਰਤੇਜ ਸਿੰਘ ਅਤੇ ਉਸ ਦੀ ਐਕਟਿਵਾ ਸੜਕ 'ਤੇ ਡਿੱਗ ਗਏ। ਜ਼ਖ਼ਮੀ ਹਾਲਤ ਵਿੱਚ, ਗੁਰਤੇਜ ਨੂੰ ਪਹਿਲਾਂ ਰਾਜਿੰਦਰਾ ਹਸਪਤਾਲ, ਪਟਿਆਲਾ ਅਤੇ ਫਿਰ ਪੀਜੀਆਈ ਰੈਫ਼ਰ ਕੀਤਾ ਗਿਆ। ਇਸ ਵੇਲੇ ਵੀ, ਉਸ ਦਾ ਇਲਾਜ ਅਜੇ ਜਾਰੀ ਹੈ। ਹਾਦਸੇ ਕਾਰਨ ਉਹ ਪੂਰੀ ਤਰ੍ਹਾਂ ਅਪਾਹਜ ਹੋ ਗਿਆ ਹੈ। ਇਸ ਦੇ ਨਾਲ ਹੀ, ਨੋਟਿਸ ਮਿਲਣ 'ਤੇ, ਕਾਰ ਮਾਲਕ ਅਤੇ ਡਰਾਈਵਰ ਨੇ ਇੱਕ ਸਾਂਝੇ ਬਿਆਨ ਵਿੱਚ ਕਿਹਾ ਕਿ ਉਨ੍ਹਾਂ ਦੀ ਕਾਰ ਨਾਲ ਕੋਈ ਹਾਦਸਾ ਨਹੀਂ ਹੋਇਆ ਹੈ।

ਉਨ੍ਹਾਂ ਨੂੰ ਮਾਮਲੇ ਵਿੱਚ ਝੂਠਾ ਫਸਾਇਆ ਗਿਆ ਹੈ। ਇਸ ਦੌਰਾਨ, ਬੀਮਾ ਕੰਪਨੀ ਨੇ ਕਿਹਾ ਕਿ ਹਾਦਸੇ ਦੇ ਸਮੇਂ, ਕਾਰ ਦੇ ਡਰਾਈਵਰ ਕੋਲ ਡੀਐਲ, ਆਰਸੀ, ਰੂਟ ਪਰਮਿਟ, ਫਿਟਨੈਸ ਸਰਟੀਫਿਕੇਟ ਅਤੇ ਪ੍ਰਦੂਸ਼ਣ ਸਰਟੀਫ਼ਿਕੇਟ ਨਹੀਂ ਸਨ। ਇਨ੍ਹਾਂ ਦਲੀਲਾਂ 'ਤੇ ਗੁਰਤੇਜ ਸਿੰਘ ਦੇ ਵਕੀਲ ਨੇ ਕਾਰ ਦੇ ਡਰਾਈਵਰ ਅਤੇ ਕਾਰ ਨਾਲ ਸਬੰਧਤ ਸਾਰੇ ਦਸਤਾਵੇਜ਼ ਅਦਾਲਤ ਵਿੱਚ ਪੇਸ਼ ਕੀਤੇ।

ਦੋਵਾਂ ਧਿਰਾਂ ਦੀਆਂ ਦਲੀਲਾਂ ਸੁਣਨ ਤੋਂ ਬਾਅਦ, ਅਦਾਲਤ ਨੇ ਕਿਹਾ ਕਿ ਪੀੜਤ ਦੀਆਂ ਦੋਵੇਂ ਲੱਤਾਂ ਕੰਮ ਨਹੀਂ ਕਰ ਰਹੀਆਂ, ਇਸ ਲਈ ਉਸ ਨੂੰ ਮੁਆਵਜ਼ਾ ਦੇਣਾ ਜ਼ਰੂਰੀ ਹੈ। ਇਹ ਕਹਿੰਦੇ ਹੋਏ, ਅਦਾਲਤ ਨੇ ਕਾਰ ਮਾਲਕ ਰਵਿੰਦਰ ਸਿੰਘ, ਡਰਾਈਵਰ ਕਸ਼ਿਤੂ ਅਤੇ ਬੀਮਾ ਕੰਪਨੀ ਓਰੀਐਂਟਲ ਇੰਸ਼ੋਰੈਂਸ ਨੂੰ ਇਹ ਰਕਮ ਸਾਂਝੇ ਤੌਰ 'ਤੇ ਅਦਾ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।

(For more news apart from “Naulakha Accident News, ” stay tuned to Rozana Spokesman.)