ਵਿਰੋਧੀ ਧਿਰ ਨੇ ਪ੍ਰਧਾਨ ਮੰਤਰੀ ਅਹੁਦੇ ਲਈ ਦੋ ਦਰਜਨ ਉਮੀਦਵਾਰਾਂ ਦੀ 'ਉਡੀਕ ਸੂਚੀ' ਤਿਆਰ ਕੀਤੀ : ਨਕਵੀ
ਨਵੀਂ ਦਿੱਲੀ, 13 ਅਗੱਸਤ : ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਸੀਨੀਅਰ ਆਗੂ ਮੁਖ਼ਤਾਰ ਅੱਬਾਸ ਨਕਵੀ ਨੇ ਸਨਿਚਰਵਾਰ ਨੂੰ ਵਿਰੋਧੀ ਧਿਰ 'ਤੇ ਵਿਅੰਗ ਕਰਦੇ ਹੋਏ ਕਿਹਾ ਕਿ ਉਸ ਨੇ ''ਅਸਾਮੀ ਤੋਂ ਬਿਨਾਂ ਹੀ ਪ੍ਰਧਾਨ ਮੰਤਰੀ ਅਹੁਦੇ ਲਈ ਦੋ ਦਰਜਨ ਉਮੀਦਵਾਰਾਂ ਦੀ ਸੂਚੀ ਤੈਆਰ ਕਰ ਲਈ ਹੈ |'' ਉਤਰ ਪ੍ਰਦੇਸ਼ ਦੇ ਰਾਮਪੁਰ 'ਚ ਇਕ ਪ੍ਰੋਗਰਾਮ 'ਚ ਬੋਲਦੇ ਹੋਏ ਨਕਵੀ ਨੇ ਕਿਹਾ ਕਿ ਜਿਨ੍ਹਾਂ ਲੋਕਾਂ ਨੂੰ 'ਮੋਦੀ ਫੋਬੀਆ ਦੀ ਰਾਜਨੀਤਕ ਬੀਮਾਰੀ ਹੈ'' ਉਹ ਛੇਤੀ ਖ਼ਤਮ ਹੋ ਜਾਣਗੇ | ਉਨ੍ਹਾਂ ਕਿਹਾ ਕਿ ''ਨਿਰਾਸ਼ਾਵਾਦੀ ਸਿਆਸੀ ਖਿਡਾਰੀਆਂ ਦੀ ਮੁਦਰਾ ਅਤੇ ਦਿਖਾਵਾ'' ਕਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਸਖ਼ਤ ਮਿਹਨਤ ਅਤੇ ਇਮਾਨਦਾਰੀ ਨੂੰ ਨਹੀਂ ਰਹਾ ਸਕਦੇ | '' ਸਾਬਕਾ ਕੇਂਦਰੀ ਮੰਤਰੀ ਨੇ ਇਸ ਨੂੰ ''ਅਸਾਮੀ ਤੋਂ ਬਿਨਾਂ ਇੱਛਾ'' ਕਰਾਰ ਦਿਤਾ | ਨਕਵੀ ਨੇ ਕਿਹਾ ਕਿ ਮੋਦੀ ਲਈ ਦੇਸ਼ ਦੀ ਸੁਰੱਖਿਆ ਅਤੇ ਸਨਮਾਨ ''ਰਾਸ਼ਟਰਨੀਤੀ'' ਹੈ ਜਦਕਿ ਹਰ ਲੋੜਮੰਦ ਦਾ ਕਲਿਆਣ ''ਰਾਸ਼ਟਰਧਰਮ'' ਹੈ | (ਏਜੰਸੀ)