ਟੀਮ ਦੇ ਬਾਕੀ ਮੈਂਬਰ ਮੌਕੇ ਤੋਂ ਖੇਤਾਂ ਵਿਚ ਦੌੜ ਗਏ।
ਸੰਗਰੂਰ : ਬਿਜਲੀ ਵਿਭਾਗ ਦੇ ਕਰਮਚਾਰੀਆਂ ਨੇ ਇਕ ਪਿੰਡ ਵਿਚ ਅਜਿਹਾ ਕਾਰਾ ਕੀਤਾ ਜਿਸ ਦਾ ਉਹਨਾਂ ਨੂੰ ਨਤੀਜਾ ਭੁਗਤਨਾ ਪਿਆ ਹੈ। ਦਰਅਸਲ ਭਵਾਨੀਗੜ੍ਹ ਵਿਚ ਬਿਜਲੀ ਵਿਭਾਗ ਦੇ ਤਿੰਨ ਮੁਲਾਜ਼ਮਾਂ ਨੂੰ ਬੰਦੀ ਬਣਾਉਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪਿੰਡ ਦੇ ਲੋਕਾਂ ਅਤੇ ਕਿਸਾਨ ਯੂਨੀਅਨ ਨੇ ਇਕ ਐਸਡੀਓ ਅਤੇ ਦੋ ਜੇਈ ਨੂੰ ਵਾਪਸ ਨਾ ਜਾਣ ਦਿੱਤਾ। ਟੀਮ ਦੇ ਬਾਕੀ ਮੈਂਬਰ ਮੌਕੇ ਤੋਂ ਖੇਤਾਂ ਵਿਚ ਦੌੜ ਗਏ।
Meter
ਜਾਣਕਾਰੀ ਅਨੁਸਾਰ ਬਿਜਲੀ ਵਿਭਾਗ ਦੀ ਟੀਮ ਪਿੰਡ ਨਾਗਰਾ ਵਿਚ ਬੀਤੇ ਸ਼ਾਮ ਨੂੰ ਬਿਜਲੀ ਦੇ ਮੀਟਰ ਚੈਕ ਕਰਨ ਆਈ ਸੀ। ਇਸ ਟੀਮ ਵਿਚ ਵਿਭਾਗ ਦੇ ਉਚ ਅਧਿਕਾਰੀ ਐਕਸੀਅਨ, ਐਸਡੀਓ, ਜੇਈ ਅਤੇ ਹੋਰ ਕਰਮਚਾਰੀ ਸ਼ਾਮਿਲ ਸਨ। ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਇਹ ਟੀਮ ਘਰ ਦੇ ਬਾਹਰ ਲੱਗੇ ਬਿਜਲੀ ਦੇ ਮੀਟਰਾਂ ਦੀ ਚੈਕਿੰਗ ਦੌਰਾਨ ਦੋ ਘਰਾਂ ਦੇ ਬਿਜਲੀ ਦੇ ਮੀਟਰ ਉਖਾੜ ਦਿੱਤੇ।
Meter
ਇਸ ਤੋਂ ਬਾਅਦ ਪਿੰਡ ਦੇ ਲੋਕਾਂ ਅਤੇ ਕਿਸਾਨ ਯੂਨੀਅਨ ਵਾਲਿਆਂ ਨੇ ਇਕੱਠੇ ਹੋ ਕੇ ਬਿਜਲੀ ਵਿਭਾਗ ਦੀ ਟੀਮ ਨੂੰ ਘੇਰਾ ਪਾ ਲਿਆ ਜਦਕਿ ਵਿਭਾਗ ਦੇ ਬਾਕੀ ਮੈਂਬਰ ਮੌਕੇ ਤੋਂ ਭਜ ਗਏ। ਪਿੰਡ ਵਾਸੀਆਂ ਦਾ ਕਹਿਣਾ ਹੈ ਕਿ ਅਸੀਂ ਬਿਜਲੀ ਦਾ ਸਾਰਾ ਬਿਲ ਭਰਦੇ ਹਾਂ, ਸਾਡੇ ਬਿਜਲੀ ਦੇ ਮੀਟਰ ਚਲ ਰਹੇ ਹਨ। ਇੰਨੀ ਗਰਮੀ ਪੈ ਰਹੀ ਹੈ ਕਿ ਇਹ ਰਾਤ ਨੂੰ ਆ ਕੇ ਬਿਜਲੀ ਕੱਟ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਜਦੋਂ ਤੱਕ ਇਹ ਪੁੱਟੇ ਹੋਏ ਬਿਜਲੀ ਦੇ ਮੀਟਰਾਂ ਨੂੰ ਮੁੜ ਠੀਕ ਕਰ ਕੇ ਨਹੀਂ ਲਗਾਉਂਦੇ ਇਨ੍ਹਾਂ ਨੂੰ ਜਾਣ ਨਹੀਂ ਦਿੱਤਾ ਜਾਵੇਗਾ। ਇਸ ਸਬੰਧੀ ਸੂਚਨਾ ਮਿਲਦਿਆਂ ਹੀ ਪੁਲਿਸ ਦੀ ਟੀਮ ਮੌਕੇ ਉਪਰ ਪੁੱਜੀ। ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਜਾਂਚ ਚਲ ਰਹੀ ਹੈ, ਜੋ ਵੀ ਦੋਸ਼ੀ ਪਾਇਆ ਗਿਆ ਉਸ ਵਿਰੁਧ ਕਾਰਵਾਈ ਕੀਤੀ ਜਾਵੇਗੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
