ਅਫ਼ਗ਼ਾਨਿਸਤਾਨ ਮੁੱਦੇ ’ਤੇ ਰਾਸ਼ਟਰਪਤੀ ਅਹੁਦੇ ਦੇ ਦਾਅਵੇਦਾਰਾਂ ਨੇ ਬਾਈਡੇਨ ਦੀ ਕੀਤੀ ਆਲੋਚਨਾ

ਕਿਹਾ, ਬਾਈਡੇਨ ਦੀ ਨੀਤੀ ਕਮਜ਼ੋਰ ਅਤੇ ਵਿਰੋਧੀਆਂ ਦਾ 

ਵਾਸ਼ਿੰਗਟਨ, 13 ਸਤੰਬਰ : ਅਮਰੀਕਾ ਦੀ ਰੀਪਬਲਿਕਨ ਪਾਰਟੀ ਤੋਂ ਰਾਸ਼ਟਰਪਤੀ ਅਹੁਦੇ ਦੇ ਤਿੰਨ ਦਾਅਵੇਦਾਰਾਂ ਨੇ ਅਫ਼ਗ਼ਾਨਿਸਤਾਨ ਵਿਚ ਯੁੱਧ ਖ਼ਤਮ ਕਰਨ ਦੇ ਢੰਗ ਨੂੰ ਲੈ ਕੇ ਐਤਵਾਰ ਨੂੰ ਰਾਸ਼ਟਰਪਤੀ ਜੋਅ ਬਾਈਡੇਨ ਦੀ ਸਖ਼ਤ ਆਲੋਚਨਾ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਜਿਸ ਤਰ੍ਹਾਂ ਬਾਈਡੇਨ ਪ੍ਰਸ਼ਾਸਨ ਨੇ ਸੈਨਾ ਦੀ ਵਾਪਸੀ ਦੀ ਪ੍ਰਕਿਰਿਆ ਨੂੰ ਅੰਜਾਮ ਦਿਤਾ, ਉਹ ਖੁਦ ਨੂੰ ਕਮਜ਼ੋਰ ਅਤੇ ਵਿਰੋਧੀਆਂ ਦਾ ਉਤਸ਼ਾਹ ਵਧਾਉਣ ਵਾਲੀ ਸੀ। ਫਲੋਰੀਡਾ ਦੇ ਗਵਰਨਰ ਰੌਨ ਡਿਸੇਂਟਿਸ, ਟੈਕਸਾਸ ਦੇ ਸੈਨੇਟਰ ਟੇਡ ਕਰੂਜ਼ ਅਤੇ ਸਾਬਕਾ ਉਪ ਰਾਸ਼ਟਰਪਤੀ ਮਾਈਕ ਪੇਨਸ, ਨੇਬਾਰਸਕਾ ਸਿਟੀ ਵਿਚ ਗਵਰਨਰ ਪੀਟ ਰਿਕੇਟਸ ਵੱਲੋਂ ਆਯੋਜਿਤ ਚੰਦਾ ਇਕੱਠਾ ਕਰਨ ਦੇ ਇਕ ਸਲਾਨਾ ਪ੍ਰੋਗਰਾਮ ਵਿਚ ਸ਼ਾਮਲ ਹੋਏ।
ਰੀਪਬਲਿਕਨ ਪਾਰਟੀ ਤੋਂ 2024 ਚੋਣਾਂ ਦੇ ਤਿੰਨ ਦਾਅਵੇਦਾਰਾਂ ਨੇ ਨੇਬਾਰਸਕਾ ਵਿਚ 1,000 ਤੋਂ ਵੱਧ ਸਮਰਥਕਾਂ ਨੂੰ ਸੰਬੋਧਿਤ ਕੀਤਾ। ਤਿੰਨੇ ਨੇਤਾਵਾਂ ਨੇ ਅਫਗਾਨਿਸਤਾਨ ਵਿਚ ਸੇਵਾ ਦੇਣ ਵਾਲੇ ਅਮਰੀਕੀ ਸੈਨਾ ਦੇ ਜਵਾਨਾਂ ਦੀ ਤਾਰੀਫ਼ ਕੀਤੀ ਪਰ ਉਹ ਰਾਜਨੀਤਕ ਏਕਤਾ ਪ੍ਰਦਰਸ਼ਿਤ ਨਹੀਂ ਕਰ ਪਾਏ ਜੋ  9/11 ਦੀ ਘਟਨਾ ਦੇ ਬਾਅਦ ਦੇਖਣ ਨੂੰ ਮਿਲੀ ਸੀ। ਡਿਸੇਂਟਿਸ ਨੇ ਕਿਹਾ ਕਿ ਚੀਨ, ਈਰਾਨ, ਉੱਤਰੀ ਕੋਰੀਆ ਅਤੇ ਮਾਸਕੋ ਵਿਚ ਜੋ ਕੁਝ ਵੀ ਹੋਵੇਗਾ ਉਹ ਉਸ ਨੂੰ ਦੇਖ ਰਹੇ ਹਨ। ਇਹ ਦੇਸ਼ ਡੋਨਾਲਡ ਟਰੰਪ ਤੋਂ ਡਰਦੇ ਸਨ। ਉਹ ਜਿਹੜੇ ਹੁਣ ਬਾਈਡੇਨ ਤੋਂ ਨਹੀਂ ਡਰਦੇ ਨਾ ਹੀ ਉਹਨਾਂ ਦਾ ਸਨਮਾਨ ਕਰਦੇ ਹਨ। 
ਕਰੂਜ਼ ਨੇ ਅਫ਼ਗ਼ਾਨਿਸਤਾਨ ’ਤੇ ਤਾਲਿਬਾਨ ਦੇ ਮੁੜ ਕਬਜ਼ੇ ’ਤੇ ਬਾਈਡੇਨ ਪ੍ਰਸ਼ਾਸਨ ਦੀ ਪ੍ਰਤੀਕਿਰਿਆ ਨੂੰ ਇਕ ’ਤਬਾਹੀ’ ਕਰਾਰ ਦਿੱਤਾ। ਉਹਨਾਂ ਨੇ ਕਿਹਾ ਕਿ ਅੱਜ ਅਮਰੀਕਾ ਦਾ ਹਰੇਕ ਦੁਸ਼ਮਣ ਓਵਲ ਦਫਤਰ ਵਿਚ ਬੈਠੇ ਵਿਅਕਤੀ ਦੀ ਕਮਜ਼ੋਰੀ ਜਾਣਦਾ ਹੈ ਅਤੇ ਉਹਨਾਂ ਵਿਚੋਂ ਸਾਰਿਆਂ ਨੂੰ ਪਤਾ ਚੱਲ ਗਿਆ ਹੈ ਕਿ ਰਾਸ਼ਟਰਪਤੀ ਕਮਜ਼ੋਰ ਅਤੇ ਬੇਅਸਰ ਹਨ। ਸਾਬਕਾ ਉਪ ਰਾਸ਼ਟਰਪਤੀ ਮਾਈਕ ਪੇਨਸ ਨੇ ਕਿਹਾ ਕਿ ਜਿਹੜੀ ਅਰਾਜਕਤਾ ਫੈਲੀ ਅਤੇ ਨੇਬਾਰਸਕਾ ਦੇ ਇਕ ਸੈਨਿਕ ਸਮੇਤ 13 ਸੈਨਿਕਾਂ ਦੇ ਨੁਕਸਾਨ ਨਾਲ ਮੈਨੂੰ ਬਹੁਤ ਦੁੱਖ ਹੋਇਆ ਕਿਉਂਕਿ ਅਜਿਹਾ ਕਦੇ ਨਹੀਂ ਹੋਣਾ ਚਾਹੀਦਾ ਸੀ।’’