ਪੰਜਾਬ ਦੇ ਸਾਬਕਾ ਵਿਧਾਇਕ ਜੋਗਿੰਦਰ ਸਿੰਘ ਪੰਜਗਰਾਈ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਪੰਜਾਬ ਅੰਦਰ ਕੈਪਟਨ ਅਮਰਿੰਦਰ ਸਿੰਘ ਦੀ.....
ਤਪਾ ਮੰਡੀ : ਪੰਜਾਬ ਦੇ ਸਾਬਕਾ ਵਿਧਾਇਕ ਜੋਗਿੰਦਰ ਸਿੰਘ ਪੰਜਗਰਾਈ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਪੰਜਾਬ ਅੰਦਰ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਿਚ ਕਾਂਗਰਸ ਸਰਕਾਰ ਕਿਸਾਨਾਂ ਦੇ ਕਰਜ ਮੁਆਫੀ ਸਬੰਧੀ ਅਪਣੇ ਕੀਤੇ ਐਲਾਣ ਉਪਰ ਸੋ ਫੀਸਦੀ ਖਰੀ ਉਤਰ ਰਹੀ ਹੈ ਕਿਉਕਿ ਕਾਂਗਰਸ ਸਰਕਾਰ ਵੱਲੋ ਇਕਲੇ ਜਿਲ੍ਹੇਂ ਬਰਨਾਲਾ ਅੰਦਰ ਹਜਾਰਾਂ ਪੰਜ ਏਕੜ ਤੋ ਘੱਟ ਜਮੀਨੇ ਕਿਸਾਨਾਂ ਨੂੰ ਕਰਜ ਮੁਆਫੀ ਦਾ ਲਾਭ ਮਿਲਣ ਜਾ ਰਿਹਾ ਹੈ ਜਦਕਿ ਪਿਛਲੀ ਅਕਾਲੀ ਭਾਜਪਾ ਦੇ ਰਾਜ ਵਿਚ ਸਰਕਾਰ ਦੀਆ ਮਾੜੀਆਂ ਨੀਤੀਆ ਅਤੇ ਨੀਅਤ ਕਾਰਨ ਹੀ ਕਿਸਾਨਾਂ ਸਿਰ ਕਰਜ ਚੜਿਆ ਹੈ।
ਸਾਬਕਾ ਵਿਧਾਇਕ ਪੰਜਗਰਾਈ ਨੇ ਅੱਗੇ ਬੋਲਦਿਆਂ ਕਿਹਾ ਕਿ ਆਪ ਪਾਰਟੀ ਸਿਰਫ ਸਿਆਸੀ ਡਰਾਮੇਬਾਜੀ ਕਰ ਰਹੀ ਹੈ ਜਦਕਿ ਲੋਕ ਸਭਾ ਹਲਕਾ ਸੰਗਰੁਰ ਤੋ ਸੰਸਦ ਮੈਂਬਰ ਭਗਵੰਤ ਮਾਨ ਦੀ ਕਾਰੁਗਜਾਰੀ ਸਿਫਰ ਰਹੀ ਹੈ। ਜਿਸ ਕਾਰਨ ਬਰਨਾਲਾ ਅੰਦਰ ਕੇਜਰੀਵਾਲ ਦੀ ਹੋਣ ਜਾ ਰਹੀ ਰੈਲੀ ਵੀ ਭਗਵੰਤ ਮਾਨ ਦੀ ਆਉਦੀਆ ਲੋਕ ਸਭਾ ਚੋਣਾਂ ਵਿਚ ਜਮਾਨਤ ਜਬਤ ਹੋਣ ਤੋ ਨਹੀ ਬਚਾ ਸਕੇਗੀ।
ਸਾਬਕਾ ਵਿਧਾਇਕ ਪੰਜਗਰਾਈ ਨੇ ਅੱਗੇ ਬੋਲਦਿਆਂ ਕਿਹਾ ਕਿ ਆਪ ਪਾਰਟੀ ਨਾਲੋ ਚੰਗੀ ਦਿੱਖ ਵਾਲੇ ਆਗੂ ਪਾਰਟੀ ਛੱਡ ਕੇ ਜਾ ਚੁੱਕੇ ਹਨ। ਜਿਸ ਕਾਰਨ ਆਪ ਦੀ ਆਉਦੀਆ ਚੋਣਾਂ ਵਿਚ ਹਾਰ ਨਿਸ਼ਚਤ ਹੈ। ਇਸ ਮੋਕੇ ਸ਼ਰਨਜੀਤ ਸਿੰਘ ਸੰਨੀ ਪੰਜਗਰਾਈ, ਭੂਪਿੰਦਰ ਸਿੰਘ ਵਿੱਕੀ ਬਰਾੜ, ਗੁਰਵਿੰਦਰ ਸਿੰਘ ਟਹਿਣਾ, ਰਮਣੀਕ ਸਿੱਕੀ, ਸੁਰਜੀਤ ਸਿੰਘ ਬਾਬਾ ਆਦਿ ਵੀ ਹਾਜਰ ਸਨ।