ਸਟੇਟ ਬੈਂਕ ਆਫ਼ ਇੰਡੀਆ ਫੈਡਰੇਸ਼ਨ ਦੇ ਮੈਂਬਰਾਂ ਵਲੋਂ ਅੱਜ ਪਟਿਆਲਾ ਵਿਚ ਇਕ ਪ੍ਰੈਸ ਵਾਰਤਾ ਆਯੋਜਿਤ ਕੀਤੀ ਗਈ।
ਪਟਿਆਲਾ (ਹਰਵਿੰਦਰ ਸਿੰਘ ਕੁੱਕੂ) : ਸਟੇਟ ਬੈਂਕ ਆਫ਼ ਇੰਡੀਆ ਫੈਡਰੇਸ਼ਨ ਦੇ ਮੈਂਬਰਾਂ ਵਲੋਂ ਅੱਜ ਪਟਿਆਲਾ ਵਿਚ ਇਕ ਪ੍ਰੈਸ ਵਾਰਤਾ ਆਯੋਜਿਤ ਕੀਤੀ ਗਈ। ਜਿਸ ਵਿਚ ਚੰਡੀਗੜ੍ਹ ਸਰਕਲ ਤੋਂ ਆਏ ਜਰਨਲ ਸਕੱਤਰ ਦੀਪਕ ਸ਼ਰਮਾ ਨੇ ਕੇਂਦਰ ਸਰਕਾਰ ਵਲੋਂ ਨੋਟਬੰਦੀ ਦੇ ਫੈਸਲੇ ਨੂੰ ਗ਼ਲਤ ਕਰਾਰ ਦਿਤਾ ਅਤੇ ਇਸਦਾ ਸਾਰਿਆਂ ਨਾਲੋਂ ਜ਼ਿਆਦਾ ਨੁਕਸਾਨ ਬੈਂਕਾਂ ਦੇ ਕਰਮਚਾਰੀਆਂ ਨੂੰ ਹੋਇਆ। ਉਨ੍ਹਾਂ ਦਾਅਵਾ ਕੀਤਾ ਕਿ ਰਾਜਨੀਤਕ ਅਤੇ ਉਦਯੋਗਿਕ ਇਕਾਈਆਂ ਆਪਸੀ ਗਠਜੋੜ ਕਰਕੇ ਵੱਡੇ-ਵੱਡੇ ਲੋਨ ਤਾਂ ਲੈ ਲੈਂਦੇ ਹਨ ਪਰ ਉਸਦਾ ਖਾਮਿਆਜ਼ਾ ਬੈਂਕਾਂ ਨੂੰ ਭੁਗਤਣਾ ਪੈਂਦਾ ਹੈ।
Press Confrence
ਇਸ ਮੌਕੇ ਉਤੇ ਦੀਪਕ ਸ਼ਰਮਾ ਨੇ ਰੋਜ਼ਾਨਾ ਕਿਸਾਨਾਂ ਵਲੋਂ ਕੀਤੀ ਜਾ ਰਹੀ ਖ਼ੁਦਕੁਸ਼ੀ ਉਤੇ ਬੋਲਦੇ ਹੋਏ ਕਿਹਾ ਕਿ ਸਰਕਾਰ ਗਰੀਬ ਕਿਸਾਨਾਂ ਦੇ ਕਰਜ਼ ਮੁਆਫ਼ ਕਰ ਸਕਦੀ ਹੈ ਇਸ ਵਿਚ ਕੋਈ ਵੱਡੀ ਗੱਲ ਨਹੀਂ, ਕਿਉਂਕਿ ਕਿਸਾਨਾਂ ਦੇ ਲੋਨ ਦੂਸਰੇ ਉਦਯੋਗਿਕ ਖੇਤਰਾਂ ਵਿਚ ਦਿਤੇ ਲੋਨਾਂ ਤੋਂ ਬਹੁਤ ਘੱਟ ਹਨ। ਜੇਕਰ ਸਰਕਾਰ ਉਦਯੋਗਿਕ ਖੇਤਰ ਵਿਚ ਹੇਅਰ ਕੱਟ ਦੇ ਨਾਮ ਉਤੇ ਕਰੋੜਾਂ ਰੁਪਏ ਦੇ ਲੋਨ ਮੁਆਫ਼ ਕਰ ਸਕਦੀ ਹੈ ਤਾਂ ਇਹ ਕਰਜ਼ ਬਹੁਤ ਅਰਾਮ ਨਾਲ ਮੁਆਫ਼ ਕੀਤੇ ਜਾ ਸਕਦੇ ਹਨ।
Press Confrence
ਦੀਪਕ ਸ਼ਰਮਾ ਨੇ ਕਿਹਾ ਕਿ ਜੇਕਰ ਗੱਲ ਕਰੀਏ ਬੈਂਕਾਂ ਦੇ ਲੋਨ ਦੀ ਤਾਂ ਸਿਰਫ ਦੇਸ਼ ਦੇ 50 ਪਰਿਵਾਰ ਹਨ ਜਿਨ੍ਹਾਂ ਕੋਲ ਬੈਂਕਾਂ ਦਾ 80 ਪ੍ਰਤੀਸ਼ਤ ਲੋਨ ਹੈ ਅਤੇ ਦੂਸਰੇ ਪਾਸੇ ਆਮ ਇਨਸਾਨ ਪਰ ਸਰਕਾਰ ਹਮੇਸ਼ਾ ਹੀ ਉਦਯੋਗਿਕ ਇਕਾਈਆਂ ਦਾ ਸਮਰਥਨ ਕਰਦੀ ਆਈ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਇਕ ਕਿਸਾਨ ਕਰਜ਼ ਨਾ ਦੇਵੇ ਤਾਂ ਬੈਂਕ ਉਨ੍ਹਾਂ ਦੀ ਫੋਟੋ ਜਨਤਕ ਕਰਦੇ ਹਨ ਅਤੇ ਜੇਕਰ ਇਕ ਉਦਯੋਗਪਤੀ ਨਾ ਦੇਵੇ ਤਾਂ ਉਸਦੀ ਕੋਈ ਫੋਟੋ ਵੀ ਨਹੀਂ ਲਗਾਉਂਦੇ ਇਥੋਂ ਤਕ ਕਿ ਉਸਦਾ ਨਾਮ ਵੀ ਨਹੀਂ ਦੱਸਿਆ ਜਾਂਦਾ।
Deepak Sharma
ਇਸਦੇ ਨਾਲ ਉਨ੍ਹਾਂ ਕਿਹਾ ਕਿ ਸੁਪਰੀਮ ਕੋਰਟ ਨੇ 28 ਲੋਕਾਂ ਦੇ ਨਾਮ ਜਨਤਕ ਕਰਨ ਦੇ ਲਈ ਸਰਕਾਰ ਨੂੰ ਕਿਹਾ ਸੀ ਪਰ ਸਰਕਾਰ ਨੇ ਕਿਹਾ ਕਿ ਉਹ ਉਨ੍ਹਾਂ ਦੇ ਨਾਮ ਨਹੀਂ ਉਜਾਗਰ ਕਰ ਸਕਦੇ, ਇਸ ਤਰ੍ਹਾਂ ਦੀ ਦੋਹਰੀ ਪ੍ਰਣਾਲੀ ਸਾਡੇ ਦੇਸ਼ ਵਿਚ ਹੁੰਦੀ ਹੈ ਜੋ ਗ਼ਲਤ ਹੈ।
