ਨਾਈਜੀਰੀਅਨ ਤੋਂ ਹੈਰੋਇਨ ਖ੍ਰੀਦ ਕੇ ਵੇਚਣ ਤੇ ਨਸ਼ੇ ਦੇ ਗ਼ੈਰ ਕਾਨੂੰਨੀ ਕਾਰੋਬਾਰ 'ਚ ਲੱਗੇ ਹੋਏ ਇੱਕ ਨੌਜਵਾਨ ਨੂੰ ਐਸ.ਟੀ.ਐਫ ਵੱਲੋਂ ਕਥਿਤ 500 ਗ੍ਰਾਮ ਹੈਰੋਇਨ ਸਮੇਤ...
ਲੁਧਿਆਣਾ,ਨਾਈਜੀਰੀਅਨ ਤੋਂ ਹੈਰੋਇਨ ਖ੍ਰੀਦ ਕੇ ਵੇਚਣ ਤੇ ਨਸ਼ੇ ਦੇ ਗ਼ੈਰ ਕਾਨੂੰਨੀ ਕਾਰੋਬਾਰ 'ਚ ਲੱਗੇ ਹੋਏ ਇੱਕ ਨੌਜਵਾਨ ਨੂੰ ਐਸ.ਟੀ.ਐਫ ਵੱਲੋਂ ਕਥਿਤ 500 ਗ੍ਰਾਮ ਹੈਰੋਇਨ ਸਮੇਤ ਕਾਬੂ ਕਰਕੇ ਵੱਡੀ ਕਾਮਯਾਬੀ ਹਾਸਿਲ ਕੀਤੀ ਹੈ । ਐਸ.ਟੀ.ਐਫ (ਲੁਧਿਆਣਾ ਯੂਨਿਟ) ਦੇ ਇੰਚਾਰਜ ਐਸ.ਆਈ ਹਰਬੰਸ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਹੋਇਆ ਦੱਸਿਆ ਕਿ ਕਾਬੂ ਕੀਤੇ ਕਥਿਤ ਮੁਲਜ਼ਮ ਦੀ ਸ਼ਨਾਖ਼ਤ ਸ਼ੇਰਪੁਰ ਖ਼ੁਰਦ ਦੇ ਰਹਿਣ ਵਾਲੇ ਦਲਜੀਤ ਸਿੰਘ ਉਰਫ਼ ਨਿੱਕੂ ਵਜੋਂ ਹੋਈ। ਪੁਲਿਸ ਵੱਲੋਂ ਕਥਿਤ ਮੁਲਜ਼ਮ ਦੇ ਖਿਲਾਫ਼ ਕਾਨੂੰਨੀ ਕਾਰਵਾਈ ਕਰਦਿਆ ਥਾਣਾ ਜਮਾਲਪੁਰ 'ਚ ਐਨ.ਡੀ.ਪੀ.ਐਸ ਐਕਟ ਦਾ ਮਾਮਲਾ ਦਰਜ ਕੀਤਾ ਗਿਆ।
ਪੁਲਿਸ ਵੱਲੋਂ ਕਥਿਤ ਮੁਲਜ਼ਮ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ ਤੇ ਰਿਮਾਂਡ ਦੇ ਦੌਰਾਨ ਉਸ ਕੋਲੋਂ ਵਧੇਰੇ ਜਾਣਕਾਰੀਆਂ ਹਾਸਲ ਕੀਤੀਆਂ ਜਾਣਗੀਆਂ ।
ਐਸ.ਟੀ.ਐਫ ਦੇ ਇੰਚਾਰਜ ਐਸ.ਆਈ ਹਰਬੰਸ ਸਿੰਘ ਦੇ ਮੁਤਾਬਕ ਉਨ੍ਹਾਂ ਦੀ ਅਗਵਾਈ ਵਾਲੀ ਪੁਲਿਸ ਪਾਰਟੀ ਜੇਲ੍ਹ ਮੋੜ ਭਾਮੀਆਂ ਰੋਡ ਵਿਖੇ ਜਦ ਨਾਕਾਬੰਦੀ ਕਰਕੇ ਨਸ਼ੇ ਦੇ ਤਸਕਰਾਂ ਦੀ ਤਲਾਸ਼ 'ਚ ਮੌਜ਼ੂਦ ਸੀ ਤਾਂ ਪੁਲਿਸ ਵੱਲੋਂ ਇੱਕ ਇਨੋਵਾ ਗੱਡੀ ਜਿਸ ਵਿੱਚ ਇੱਕ ਨੌਜਵਾਨ ਸਵਾਰ ਸੀ।
ਉਕਤ ਕਾਰ ਸਵਾਰ ਨੂੰ ਸਣੇ ਕਾਰ ਕਾਬੂ ਕਰਕੇ ਤੇ ਕਾਨੂੰਨੀ ਕਾਰਵਾਈ ਕਰਦਿਆ ਰਾਜ਼ੇਸ ਕੁਮਾਰ ਕਪਲਿਸ ਡੀ.ਐਸ.ਪੀ /ਐਸ.ਟੀ.ਐਫ , ਲੁਧਿਆਣਾ ਦੀ ਹਾਜ਼ਰੀ ਵਿੱਚ ਤਲਾਸ਼ੀ ਕੀਤੀ ਗਈ ਤਾਂ ਤਲਾਸ਼ੀ ਦੌਰਾਨ ਉਕਤ ਕਾਰ 'ਚੋਂ 500 ਗ੍ਰਾਮ ਹੈਰੋਇਨ ਜੋ ਉਕਤ ਵਿਅਕਤੀ ਨੇ ਗੱਡੀ 'ਚ ਲੁਕਾ ਕੇ ਰੱਖੀ ਹੋਈ ਸੀ ਪੁਲਿਸ ਨੇ ਬਰਾਮਦ ਕੀਤੀ। ਐਸ.ਆਈ ਹਰਬੰਸ ਸਿੰਘ ਨੇ ਦੱਸਿਆ ਕਿ ਪੁਲਿਸ ਵੱਲੋਂ ਕੀਤੀ ਗਈ ਮੁੱਢਲੀ ਪੁੱਛਗਿੱਛ ਦੌਰਾਨ ਕਾਬੂ ਕੀਤੇ ਗਏ ਕਥਿਤ ਮੁਲਜ਼ਮ ਦਲਜੀਤ ਸਿੰਘ ਨੇ ਦੱਸਿਆ ਕਿ ਉਸ ਦੀ ਆਪਣੀ ਟੈਕਸੀ ਹੈ ਤੇ ਉਹ ਖ਼ੁਦ ਹੀ ਚਲਾਉਦਾ ਹੈ
ਤੇ ਅਰਸਾ ਇੱਕ ਸਾਲ ਤੋਂ ਹੈਰੋਇਨ ਪੀਣ ਲੱਗ ਪਿਆ ਸੀ ਤੇ ਨਸ਼ਾ ਮਹਿੰਗਾ ਹੋਣ ਦੀ ਵਜ੍ਹਾ ਨਾਲ ਨਸ਼ਾ ਵੇਚਣ ਵੀ ਲੱਗ ਪਿਆ। ਹਰਬੰਸ ਸਿੰਘ ਮੁਤਾਬਕ ਉਕਤ ਵਿਅਕਤੀ ਦਿੱਲੀ ਤੋਂ ਨਾਈਜੀਰੀਅਨ ਤੋਂ ਬ੍ਰਾਮਦਾ ਹੈਰੋਇਨ ਖ੍ਰੀਦੀ ਸੀ ਤੇ ਕਥਿਤ ਮੁਲਜ਼ਮ ਲੁਧਿਆਣਾ ਸ਼ਹਿਰ 'ਚ ਵੀ ਤੇ ਨਾਲ ਲੱਗਦੇ ਪਿੰਡਾਂ 'ਚ ਮਹਿੰਗੇ ਭਾਅ ਵਿੱਚ ਵੇਚਦਾ ਸੀ ।
ਐਸ.ਆਈ ਹਰਬੰਸ ਸਿੰਘ ਨੇ ਦੱਸਿਆ ਕਿ ਉਸਦੇ ਖ਼ਿਲਾਫ਼ ਪਹਿਲਾਂ ਵੀ ਸ਼ਰਾਬ ਦੀ ਤਸਕਰੀ ਦਾ ਇੱਕ ਮੁੱਕਦਮਾ ਥਾਣਾ ਦਰੇਸੀ 'ਚ ਦਰਜ ਹੈ। ਕਥਿਤ ਮੁਲਜ਼ਮ ਕੋਲੋਂ ਪੁਲਿਸ ਰਿਮਾਂਡ ਦੇ ਦੌਰਾਨ ਪੁਲਿਸ ਪੁੱਛਗਿੱਛ ਕਰੇਗੀ ਕੀ ਉਸ ਦੇ ਅੱਗੇ ਗ੍ਰਾਹਕ ਕੌਣ ਕੌਣ ਹਨ ਪੁਲਿਸ ਨੂੰ ਹੋਰ ਵੀ ਖੁਲਾਸੇ ਹੋਣ ਦੀ ਉਮੀਦ ਹੈ।
