ਪੰਜਾਬ ’ਚ ਜਾਸੂਸੀ ਦੇ ਇਲਜ਼ਾਮਾਂ ਤਹਿਤ 11 ਲੋਕ ਕਾਬੂ
ਐਨਆਈਏ ਨੇ ਭਾਰਤ ਵਿਚ ਲੁਕੇ ਪਾਕਿਸਤਾਨ-ਆਈਐਸਆਈ ਜਾਸੂਸਾਂ ਦੇ ਨੈਟਵਰਕ ਦੀ ਜਾਂਚ ਸ਼ੁਰੂ ਕਰ ਦਿਤੀ ਹੈ। ਐਨਆਈਏ ਹੁਣ ਪੰਜਾਬ ਵਲੋਂ ਪਿਛਲੇ ਸਮੇਂ ਵਿਚ ਗ੍ਰਿਫ਼ਤਾਰ ਕੀਤੇ ਗਏ ਸ਼ੱਕੀ ਜਾਸੂਸਾਂ, ਯੂਟਿਊਬਰਾਂ ਅਤੇ ਵਲੌਗਰਾਂ ਦੀ ਜਾਂਚ ਕਰੇਗੀ। ਐਨਆਈਏ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਪੰਜਾਬ ਤੋਂ ਜਾਸੂਸਾਂ ਅਤੇ ਜੋਤੀ ਮਲਹੋਤਰਾ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ, ਐਨਆਈਏ ਜਾਸੂਸ ਜਸਬੀਰ ਸਿੰਘ ਅਤੇ ਉਸ ਤੋਂ ਪਹਿਲਾਂ ਪੰਜਾਬ ਵਿਚ ਗ੍ਰਿਫ਼ਤਾਰ ਕੀਤੇ ਗਏ ਜਾਸੂਸਾਂ ਦੇ ਨੈਟਵਰਕ ਦੀ ਜਾਂਚ ਕਰੇਗੀ।
ਐਨਆਈਏ ਅਧਿਕਾਰੀ ਨੇ ਕਿਹਾ ਕਿ ਇਸ ਸਬੰਧੀ ਏਜੰਸੀ ਦੇ ਮੁਖੀ ਆਈਪੀਐਸ ਸਦਾਨੰਦ ਦਾਤੇ ਅਤੇ ਪੰਜਾਬ ਦੇ ਡੀਜੀਪੀ ਗੌਰਵ ਯਾਦਵ ਵਿਚਕਾਰ ਗੱਲਬਾਤ ਹੋਈ ਹੈ। ਜਲਦੀ ਹੀ ਪੰਜਾਬ ਪੁਲਿਸ ਵਲੋਂ ਗ੍ਰਿਫ਼ਤਾਰ ਕੀਤੇ ਗਏ 11 ਜਾਸੂਸਾਂ ਦੀ ਜਾਂਚ ਅਤੇ ਪੁੱਛਗਿੱਛ ਦੌਰਾਨ ਸਾਹਮਣੇ ਆਏ ਖੁਲਾਸੇ ਅਤੇ ਤੱਥ ਏਜੰਸੀ ਨਾਲ ਸਾਂਝੇ ਕੀਤੇ ਜਾਣਗੇ। ਐਨਆਈਏ ਨੇ ਭਾਰਤ ਵਿਚ ਪਾਕਿਸਤਾਨ-ਆਈਐਸਆਈ ਜਾਸੂਸਾਂ ਦੇ ਨੈੱਟਵਰਕ ਦੀ ਜਾਂਚ ਲਈ ਦਿੱਲੀ, ਪੰਜਾਬ, ਮਹਾਰਾਸ਼ਟਰ, ਹਰਿਆਣਾ, ਉੱਤਰ ਪ੍ਰਦੇਸ਼, ਰਾਜਸਥਾਨ, ਛੱਤੀਸਗੜ੍ਹ, ਅਸਾਮ ਅਤੇ ਪੱਛਮੀ ਬੰਗਾਲ ਵਿੱਚ ਕਈ ਥਾਵਾਂ ’ਤੇ ਛਾਪੇਮਾਰੀ ਕੀਤੀ ਹੈ। ਆਉਣ ਵਾਲੇ ਦਿਨਾਂ ਵਿਚ, ਐਨਆਈਏ ਪੰਜਾਬ ਤੋਂ ਜਾਸੂਸਾਂ ’ਤੇ ਵੀ ਛਾਪੇਮਾਰੀ ਕਰੇਗੀ।
photo
