ਰੈਜੀਡੈਂਟ ਕਮਿਸ਼ਨਰ ਰਾਖੀ ਗੁਪਤਾ ਭੰਡਾਰੀ ਨੇ ਮੈਤਰੀ ਪਾਰਕ ’ਚ ਫੱਲਦਾਰ ਪੌਦਾ ਲਗਾਇਆ
ਨਵੀਂ ਦਿੱਲੀ, 14 ਅਗੱਸਤ (ਸੁਖਰਾਜ ਸਿੰਘ): ਰੈਜੀਡੈਂਟ ਕਮਿਸ਼ਨਰ ਪੰਜਾਬ ਭਵਨ ਨਵੀਂ ਦਿੱਲੀ ਸ੍ਰੀਮਤੀ ਰਾਖੀ ਗੁਪਤਾ ਭੰਡਾਰੀ ਵੱਲੋਂ ਬਤੌਰ ਪੰਜਾਬ ਸਰਕਾਰ ਦੇ ਪ੍ਰਤੀਨਿਧ, ਸਥਾਨਕ ਭਾਰਤ ਆਸ਼ੀਆਨ ਮੈਤਰੀ ਪਾਰਕ ਵਿਖੇ ਫੱਲਦਾਰ ਪੌਦੇ ਲਾਉਣ ਸਬੰਧੀ ਕਰਵਾਏ ਗਏ ਇਕ ਸਮਾਗਮ ਦੌਰਾਨ ਪੌਦਾ ਲਗਾਇਆ ਗਿਆ। ਇਸ ਮੌਕੇ ਦਿੱਲੀ ਵਿਖੇ ਤਾਇਨਾਤ ਹੋਰਨਾਂ ਰਾਜਾਂ ਦੇ ਰੈਜੀਡੈਂਟ ਕਮਿਸ਼ਨਰਾਂ ਦੁਆਰਾ ਵੀ ਬੂਟੇ ਲਗਾਏ ਗਏ।ਤੁਗਲਕ ਰੋਡ ਨਿਵਾਸੀਆਂ ਵੱਲੋਂ ਆਜਾਦੀ ਦਿਹਾੜੇ ਮੌਕੇ ਕਰਵਾਏ ਗਏ ਇਸ ਸਮਾਗਮ ਦੀ ਪ੍ਰਧਾਨਗੀ ਲੋਕ ਸਭਾ ਦੇ ਸਪੀਕਰ ਸ੍ਰੀ ਓਮ ਬਿਰਲਾ ਨੇ ਕੀਤੀ। ਭਾਰਤ ਆਸ਼ੀਆਨ ਪਾਰਕ ਪਹਿਲਾ ਸਥਾਨਕ ਜਨਤਕ ਪਾਰਕ ਹੈ ਜਿਥੇ ਫੱਲਦਾਰ ਪੌਦੇ ਲਾਉਣ ਦੀ ਇਹ ਮੁਹਿੰਮ ਚਲਾਈ ਜਾ ਰਹੀ ਹੈ। ਇਸ ਪਹਿਲਕਦੀ ਨੂੰ ਵਾਤਾਵਰਣ ਦੀ ਸੰਭਾਲ ਪ੍ਰਤੀ ਉਸਾਰੂ ਕਦਮ ਆਖਦਿਆਂ ਸ੍ਰੀਮਤੀ ਭੰਡਾਰੀ ਨੇ ਕਿਹਾ ਕਿ ਹਰ ਸੰਸਥਾ ਤੇ ਵਿਆਕਤੀ ਨੂੰ ਪੌਦੇ ਲਗਾਉਣ ਤੇ ਅਜਿਹੀਆਂ ਮੁਹਿੰਮਾ ਅੱਗੇ ਵੱਧ ਕੇ ਸ਼ਮੂਲੀਅਤ ਕਰਨੀ ਚਾਹੀਦੀ ਹੈ ਤਾਂ ਜੋ ਅਸੀਂ ਮੌਜੂਦਾ ਤੇ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਸਿਹਤਮੰਦ ਤੇ ਸਾਫ ਸੁਥਰਾ ਵਾਤਾਵਰਣ ਸਿਰਜਣ ਦੇ ਯੋਗ ਹੋ ਸਕੀਏ।ਇਸ ਮੌਕੇ ਕੇਂਦਰੀ ਮੰਤਰੀਆਂ ਸ੍ਰੀ ਅਰਜੁਨ ਮੁੰਡਾ, ਪੁਰਸ਼ੋਤਮ ਰੁਪਾਲਾ ਅਤੇ ਜਨਰਲ ਵੀ.ਕੇ.ਸਿੰਘ, ਜਸਿਟਸ ਸੰਜੇ ਕਿਸ਼ਨ ਕੌਲ, ਜਸਿਟਸ ਵਿਪਿਨ ਸਾਂਘੀ, ਮੈਂਬਰ ਪਾਰਲੀਮੈਂਟ ਸ੍ਰੀ ਰਾਜੀਵ ਪ੍ਰਤਾਪ ਰੂਡੀ ਤੋਂ ਇਲਾਵਾ ਹੋਰ ਸਖਸ਼ੀਅਤਾਂ ਮੌਜੂਦ ਸਨ।
ਫੋਟੋ ਕੈਪਸ਼ਨ:
New 4elhi Sukhraj 14_4 News “ree Plantation Programme at Maitri Park_7ill