image
ਸਰਕਾਰ ਨੇ ਕੁੱਝ ਲੋਕਾਂ ਨੂੰ ਕਿਸਾਨੀ ਭੇਸ 'ਚ ਧਰਨਿਆਂ 'ਚ ਦਾਖ਼ਲ ਕਰਵਾਇਆ : ਚਡੂਨੀ
ਸਿੰਘੂ ਸਰਹੱਦ 'ਤੇ ਇਕ ਪ੍ਰੈੱਸ ਕਾਨਫ਼ਰੰਸ ਨੂੰ ਸੰਬੋਧਨ ਕਰਦਿਆਂ ਕਿਸਾਨ ਆਗੂ ਗੁਰਨਾਮ ਸਿੰਘ ਚਡੂਨੀ ਨੇ ਕਿਹਾ ਕਿ ਵਿਰੋਧ ਕਰ ਰਹੇ ਕਿਸਾਨਾਂ ਦੇ ਇਕ ਸਮੂਹ ਨੇ ਦੇਰ ਰਾਤ ਕੇਂਦਰੀ ਮੰਤਰੀ ਰਾਜਨਾਥ ਸਿੰਘ ਅਤੇ ਨਰਿੰਦਰ ਤੋਮਰ ਨਾਲ ਮੁਲਾਕਾਤ ਤੋਂ ਬਾਅਦ ਨੋਇਡਾ-ਦਿੱਲੀ ਲਿੰਕ ਰੋਡ ਦਾ ਰਾਹ ਖ਼ਾਲੀ ਕਰ ਦਿਤਾ ਪਰ ਚਡੂਨੀ ਨੇ ਦੋਸ਼ ਲਗਾਇਆ ਕਿ ਇਹ ਕਿਸਾਨ ਗਰੁਪ ਸਰਕਾਰ ਨਾਲ ਮਿਲੀਭੁਗਤ ਵਿਚ ਸਨ। ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ਕੁੱਝ ਲੋਕਾਂ ਨੂੰ ਕਿਸਾਨਾਂ ਦੇ ਭੇਸ 'ਚ ਅੰਦੋਲਨ 'ਚ ਵਾੜ ਦਿਤਾ ਹੈ। ਚਡੂਨੀ ਨੇ ਕਿਹਾ ਕਿ ਕੁੱਝ ਸਮੂਹ ਪ੍ਰਦਰਸ਼ਨਾਂ ਨੂੰ ਖ਼ਤਮ ਕਰ ਰਹੇ ਹਨ ਅਤੇ ਇਹ ਕਹਿ ਰਹੇ ਹਨ ਕਿ ਉਹ ਸਰਕਾਰ ਦੁਆਰਾ ਪਾਸ ਕੀਤੇ ਕਾਨੂੰਨਾਂ ਦੇ ਹੱਕ ਵਿੱਚ ਹਨ। ਅਸੀਂ ਇਹ ਸਪੱਸ਼ਟ ਕਰਦੇ ਹਾਂ ਕਿ ਉਹ ਸਾਡੇ ਨਾਲ ਜੁੜੇ ਨਹੀਂ ਹਨ।
