ਕੋਰੋਨਾ ਦੇ ਪਾਜ਼ੇਟਿਵ ਮਾਮਲਿਆਂ ਵਿਚ ਵੀ ਪ੍ਰਤੀ ਦਿਨ 1,000 ਤੋਂ ਉਪਰ ਦਾ ਵਾਧਾ ਹੋ ਰਿਹਾ ਹੈ

ਚੰਡੀਗੜ੍ਹ (ਸਸਸ) : ਕੁੱਝ ਹੀ ਦਿਨਾਂ ਵਿਚ ਰਫ਼ਤਾਰ ਵਿਚ ਤੇਜ਼ੀ ਫੜਦਿਆਂ ਪੰਜਾਬ ਵਿਚ ਕੋਰੋਨਾ ਬੇਕਾਬੂ ਹੁੰਦਾ ਦਿਖਾਈ ਦੇ ਰਿਹਾ ਹੈ। ਬੀਤੇ 24 ਘੰਟਿਆਂ ਵਿਚ ਇਕ ਹੀ ਦਿਨ ਦੌਰਾਨ ਮੌਤਾਂ ਦਾ ਅੰਕੜਾ ਲਗਾਤਾਰ ਵਧਿਆ ਹੈ। ਸ਼ਾਮ ਤਕ 22 ਮੌਤਾਂ ਹੋ ਚੁਕੀਆਂ ਸਨ।

Corona virus 

ਕੋਰੋਨਾ ਦੇ ਪਾਜ਼ੇਟਿਵ ਮਾਮਲਿਆਂ ਵਿਚ ਵੀ ਪ੍ਰਤੀ ਦਿਨ 1,000 ਤੋਂ ਉਪਰ ਦਾ ਵਾਧਾ ਹੋ ਰਿਹਾ ਹੈ। ਕੱਲ੍ਹ 6883 ਨਵੇਂ ਪਾਜ਼ੇਟਿਵ ਮਾਮਲੇ ਸਾਹਮਣੇ ਆਏ ਹਨ। ਇਨ੍ਹਾਂ ਵਿਚ ਸੱਭ ਤੋਂ ਵੱਧ ਮੋਹਾਲੀ ਵਿਚ 1497,  ਲੁਧਿਆਣਾ ਵਿਚ 1283 ਮਾਮਲੇ ਸਾਹਮਣੇ ਆਏ ਹਨ।

Corona Virus

ਮੌਤਾਂ ਦੇ ਅੰਕੜਿਆਂ ਅਨੁਸਾਰ ਇਕੱਲੇ ਪਟਿਆਲਾ ਵਿਚ 6 ਤੇ ਲੁਧਿਆਣਾ ਵਿਚ 5 ਮੌਤਾਂ ਹੋਈਆਂ ਹਨ। ਇਸ ਤੋਂ ਬਾਅਦ ਅੰਮ੍ਰਿਤਸਰ ਵਿਚ 3, ਫ਼ਤਿਹਗੜ੍ਹ, ਹੁਸ਼ਿਆਰਪੁਰ ਅਤੇ ਗੁਰਦਾਸਪੁਰ ਵਿਚ 2-2 ਅਤੇ ਸੰਗਰੂਰ ਤੇ ਮੋਹਾਲੀ ਵਿਚ 1-1 ਮਰੀਜ਼ ਦੀ ਮੌਤ ਕੋਰੋਨਾ ਕਾਰਨ ਹੋਈ ਹੈ।

Corona Virus