ਕੋਵੈਕਸੀਨ ਵਿਚ ਗਊ ਦੇ ਨਵਜੰਮੇ ਵੱਛੇ ਦੇ ਸੀਰਮ ਬਾਰੇ ਸੋਸ਼ਲ ਮੀਡੀਆ 'ਤੇ ਗ਼ਲਤ ਤੱਥ ਪੇਸ਼ ਕੀਤੇ ਗਏ : ਕੇਂਦਰ
ਪੋਲੀਉ, ਰੈਬੀਜ਼ ਅਤੇ ਇਨਫ਼ਲੂਐਂਜ਼ਾ ਦੇ ਟੀਕੇ ਬਣਾਉਣ ਲਈ ਇਸ ਤਕਨੀਕ ਦਾ ਦਹਾਕਿਆਂ ਤੋਂ ਇਸਤੇਮਾਲ ਹੁੰਦਾ ਆ ਰਿਹੈ
ਨਵੀਂ ਦਿੱਲੀ, 16 ਜੂਨ : ਕੇਂਦਰੀ ਸਿਹਤ ਮੰਤਰਾਲਾ ਨੇ ਬੁਧਵਾਰ ਨੂੰ ਇਕ ਬਿਆਨ ਜਾਰੀ ਕਰ ਕੇ ਕਿਹਾ ਕਿ ਸੋਸ਼ਲ ਮੀਡੀਆ ਦੀਆਂ ਕੁਝ ਪੋਸਟਾਂ 'ਚ ਤੱਥਾਂ ਨੂੰ ਤਰੋੜ-ਮਰੋੜ ਕੇ ਪੇਸ਼ ਕੀਤਾ ਗਿਆ ਹੈ ਕਿ ਦੇਸ਼ 'ਚ ਬਣੀ ਕੋਵੈਕਸੀਨ ਵਿਚ ਨਵਜੰਮੇ ਵੱਛੇ ਦਾ ਸੀਰਮ ਹੈ | ਮੰਤਰਾਲਾ ਨੇ ਸਾਫ਼ ਕੀਤਾ ਕਿ ਨਵਜੰਮੇ ਵੱਛੇ ਦੇ ਸੀਰਮ ਦਾ ਇਸਤੇਮਾਲ ਸਿਰਫ਼ ਵੇਰੋ ਸੈੱਲ ਤਿਆਰ ਕਰਨ ਅਤੇ ਉਨ੍ਹਾਂ ਦੇ ਵਿਕਾਸ ਲਈ ਕੀਤਾ ਜਾਂਦਾ ਹੈ | ਗਊ ਅਤੇ ਹੋਰ ਪਸ਼ੂਆਂ ਤੋਂ ਮਿਲਣ ਵਾਲਾ ਸੀਰਮ ਇਕ ਮਿਆਰੀ ਹਿੱਸਾ ਹੈ, ਜਿਸ ਦਾ ਇਸਤੇਮਾਲ ਪੂਰੀ ਦੁਨੀਆ ਵਿਚ ਵੇਰੋ ਸੈੱਲਾਂ ਦੇ ਵਿਕਾਸ ਲਈ ਤਿਆਰ ਕੀਤਾ ਜਾਂਦਾ ਹੈ |
ਵੇਰੋ ਸੈੱਲ ਦਾ ਇਸਤੇਮਾਲ ਅਜਿਹੇ ਸੈੱਲ ਬਣਾਉਣ ਲਈ ਕੀਤਾ ਜਾਂਦਾ ਹੈ, ਜੋ ਟੀਕਾ ਉਤਪਾਦਨ 'ਚ ਮਦਦਗਾਰ ਹੁੰਦਾ ਹੈ | ਪੋਲੀਉ, ਰੈਬੀਜ਼ ਅਤੇ ਇਨਫ਼ਲੂਐਂਜ਼ਾ ਦੇ ਟੀਕੇ ਬਣਾਉਣ ਲਈ ਇਸ ਤਕਨੀਕ ਦਾ ਦਹਾਕਿਆਂ ਤੋਂ ਇਸਤੇਮਾਲ ਹੁੰਦਾ ਆ ਰਿਹਾ ਹੈ | ਮੰਤਰਾਲਾ ਨੇ ਕਿਹਾ ਕਿ ਵੇਰੋ ਸੈੱਲਾਂ ਦੇ ਵਿਕਸਿਤ ਹੋਣ ਤੋਂ ਬਾਅਦ ਉਨ੍ਹਾਂ ਨੂੰ ਪਾਣੀ ਅਤੇ ਰਸਾਇਣਾਂ ਨਾਲ ਚੰਗੀ ਤ
imageਰ੍ਹਾਂ ਕਈ ਵਾਰ ਸਾਫ਼ ਕੀਤਾ ਜਾਂਦਾ ਹੈ, ਜਿਸ ਨਾਲ ਇਹ ਨਵਜੰਮੇ ਵੱਛੇ ਦੇ ਸੀਰਮ ਤੋਂ ਮੁਕਤ ਹੋ ਜਾਂਦੇ ਹਨ | ਇਸ ਤੋਂ ਬਾਅਦ ਵੇਰੋ ਸੈੱਲਾਂ ਨੂੰ ਕੋਰੋਨਾ ਵਾਇਰਸ ਨਾਲ ਇਨਫ਼ੈਕਟਿਡ ਕੀਤਾ ਜਾਂਦਾ ਹੈ, ਤਾਂ ਕਿ ਵਾਇਰਸ ਵਿਕਸਿਤ ਹੋ ਸਕੇ | ਇਸ ਪ੍ਰਕਿਰਿਆ ਵਿਚ ਵੇਰੋ ਸੈੱਲ ਪੂਰੀ ਤਰ੍ਹਾਂ ਨਾਲ ਨਸ਼ਟ ਹੋ ਜਾਂਦੇ ਹਨ | ਇਸ ਤੋਂ ਬਾਅਦ ਵਿਕਸਿਤ ਵਾਇਰਸ ਨੂੰ ਨਸ਼ਟ ਅਤੇ ਸਾਫ਼ ਕੀਤਾ ਜਾਂਦਾ ਹੈ | ਨਸ਼ਟ ਕੀਤੇ ਗਏ ਵਾਇਰਸ ਦਾ ਇਸਤੇਮਾਲ ਟੀਕਾ ਬਣਾਉਣ ਲਈ ਕੀਤਾ ਜਾਂਦਾ ਹੈ | ਬਿਆਨ ਮੁਤਾਬਕ ਅੰਤਮ ਰੂਪ ਵਿਚ ਟੀਕਾ ਬਣਾਉਣ ਕੋਵੈਕਸੀਨ ਵਿਚ ਨਵਜੰਮੇ ਵੱਛੇ ਦਾ ਸੀਰਮ ਬਿਲਕੁਲ ਇਸਤੇਮਾਲ ਨਹੀਂ ਹੁੰਦਾ, ਨਾ ਹੀ ਇਹ ਸੀਰਮ ਟੀਕੇ ਦੇ ਉਤਪਾਦ ਦਾ ਇਕ ਹਿੱਸਾ ਹੈ | (ਪੀਟੀਆਈ)
