ਵਿਜੇ ਸਾਂਪਲਾ ਨੂੰ ਪੁਲਿਸ ਵਲੋਂ ਗੱਡੀ 'ਚ ਲੈ ਜਾਣ ਉਪਰੰਤ ਖ਼ਤਮ ਹੋਈ ਕਿਸਾਨਾਂ ਨਾਲ ਖਿਚੋਤਾਣ
ਭਾਜਪਾ ਦੇ ਸਾਬਕਾ ਪੰਜਾਬ ਪ੍ਰਧਾਨ ਵਿਜੇ ਸਾਂਪਲਾ ਤੇ ਭਾਜਪਾ ਆਗੂਆਂ ਨੇ ਪਿੰਡ ਮਹਾਂਬਧਰ ਸੜਕ ਤੇ ਬੈਠ ਕੇ ਕਾਂਗਰਸ ਵਿਰੋਧੀ ਨਾਹਰੇਬਾਜ਼ੀ ਕੀਤੀ। ਭਾਜਪਾ ਆਗੂ ਉਸ ਸਮੇਂ ਸੜਕ 'ਤੇ ਬੈਠ ਗਏ, ਜਦਂੋ ਉਹ ਚੱਕ ਜਾਨੀਸਰ ਦਲਿਤ ਪਰਵਾਰ ਨੂੰ ਮਿਲਣ ਜਾ ਰਹੇ ਸਨ। ਜਦੋਂ ਉਨ੍ਹਾਂ ਨੂੰ ਕਿਸਾਨਾਂ ਨੇ ਰੋਕਿਆ ਤਾਂ ਉਹ ਆਗੂਆਂ ਸਮੇਤ ਸੜਕ 'ਤੇ ਹੀ ਬੈਠ ਗਏ ਤੇ ਕਾਂਗਰਸ ਦੇ ਦਲਿਤ ਵਿਰੋਧੀ ਹੋਣ ਦੇ ਨਾਹਰੇ ਲਾਉਣੇ ਸ਼ੁਰੂ ਕਰ ਦਿਤੇ। ਕਿਸਾਨਾਂ ਅਤੇ ਭਾਜਪਾ ਆਗੂਆਂ ਦੀ ਇਕ ਦੂਜੇ ਵਿਰੋਧੀ ਨਾਹਰੇਬਾਜ਼ੀ ਅਤੇ ਵੱਧ ਰਹੀ ਖਿੱਚੋਤਾਣ ਨੂੰ ਦੇਖਦਿਆਂ ਸੀਨੀਅਰ ਪੁਲਿਸ ਅਧਿਕਾਰੀ ਵਿਜੇ ਸਾਂਪਲਾ, ਜ਼ਿਲ੍ਹਾ ਪ੍ਰਧਾਨ ਰਾਜੇਸ਼ ਕੁਮਾਰ (ਗੋਰਾ ਪਠੇਲਾ), ਕੁਲਦੀਪ ਸਿੰਘ ਭੰਗੇਵਾਲਾ ਆਦਿ ਨੂੰ ਪੁਲਿਸ ਗੱਡੀ ਵਿਚ ਬਿਠਾ ਕੇ ਲੈ ਗਏ, ਜਿਸ ਉਪਰੰਤ ਕਿਸਾਨਾਂ ਅਤੇ ਭਾਜਪਾ ਆਗੂਆਂ ਵਿਚ ਨਾਹਰੇਬਾਜ਼ੀ ਅਤੇ ਖਿੱਚੋਤਾਣ ਖ਼ਤਮ ਹੋਈ।
ਕੈਪਸ਼ਨ - ਸੜਕ 'ਤੇ ਬੈਠੇ ਵਿਜੇ ਸਾਂਪਲਾ ਤੇ ਭਾਜਪਾ ਦੇ ਸਥਾਨਕ ਆਗੂ।
ਫੋਟੋ ਫਾਇਲ : ਐਮਕੇਐਸ 15 - 02