ਪੰਜਾਬ ਦੇ ਮੋਗਾ ਸਥਿਤ ਮੁਹੱਲਾ ਸਾਧਾ ਵਾਲੀ ਬਸਤੀ ਵਿਚ ਅਪਣੇ ਘਰ ਵਿਚ ਹੀ ਗਰਭਵਤੀ ਔਰਤ ਦੀ ਡਿਲੀਵਰੀ ਕਰਦੇ ਸਮੇਂ ਜੱਚਾ...
ਮੋਗਾ (ਪੀਟੀਆਈ) : ਪੰਜਾਬ ਦੇ ਮੋਗਾ ਸਥਿਤ ਮੁਹੱਲਾ ਸਾਧਾ ਵਾਲੀ ਬਸਤੀ ਵਿਚ ਅਪਣੇ ਘਰ ਵਿਚ ਹੀ ਗਰਭਵਤੀ ਔਰਤ ਦੀ ਡਿਲੀਵਰੀ ਕਰਦੇ ਸਮੇਂ ਜੱਚਾ-ਬੱਚਾ ਦੋਨਾਂ ਦੀ ਹੀ ਮੌਤ ਹੋ ਗਈ। ਇਸ ਤੋਂ ਬਾਅਦ ਅਪਣਾ ਦੋਸ਼ ਛੁਪਾਉਣ ਲਈ ਦਾਈ ਨੇ ਮ੍ਰਿਤਕ ਬੱਚੀ ਦੀ ਲਾਸ਼ ਨੂੰ ਬੋਰੀ ਵਿਚ ਲੁਕਾ ਕੇ ਫਰਾਰ ਹੋ ਗਈ। ਇਸ ਦੌਰਾਨ ਉਥੇ ਆਈ ਇਕ ਬਿੱਲੀ ਨੇ ਬੋਰੀ ਨੂੰ ਪਾੜ ਕੇ ਬੋਰੀ ਵਿਚੋਂ ਨਵ-ਜੰਮੀ ਬੱਚੀ ਦੀ ਲਾਸ਼ ਨੂੰ ਨੋਚ-ਨੋਚ ਕੇ ਖਾਣ ਲੱਗੀ। ਉਦੋਂ ਹੀ ਮ੍ਰਿਤਕ ਲੜਕੀ ਦੇ ਭਰਾ ਸਨੀ ਨੇ ਅਪਣਾ ਸਾਥੀਆਂ ਨਾਲ ਮਿਲ ਕੇ ਬੋਰੀ ਨੂੰ ਲੱਭਿਆ ਅਤੇ ਘਟਨਾ ਦੀ ਸੂਚਨਾ ਪੁਲਿਸ ਨੂੰ ਦਿਤੀ।
ਸੂਚਨਾ ਥਾਣਾ ਸਿਟੀ ਪੁਲਿਸ ਨੂੰ ਦੇਣ ਤੋਂ ਬਾਅਦ ਪੁਲਿਸ ਨੇ ਮ੍ਰਿਤਕ ਔਰਤ ਦੀ ਲਾਸ਼ ਨੂੰ ਕਬਜ਼ੇ ਵਿਚ ਲੈ ਲਿਆ ਹੈ। ਅਤੇ ਉਸ ਦੇ ਪਤੀ ਨੂੰ ਮੌਕੇ ਉਤੇ ਹੀ ਕਾਬੂ ਕਰ ਲਿਆ ਹੈ। ਪੁਲਿਸ ਨੇ ਔਰਤ ਦੇ ਪਤੀ ਅਤੇ ਫਰਾਰ ਹੋਈ ਦਾਈ ਦੇ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ। ਥਾਣਾ ਸਿਟੀ ਸਾਊਥ ਦੇ ਐਸ.ਐਸ.ਪੀ ਧਰਮਪਾਲ ਸਿੰਘ ਨੇ ਦੱਸਿਆ ਕਿ ਮ੍ਰਿਤਕ ਔਰਤ ਮਮਤਾ ਦੀ ਮਾਤਾ ਪਿਆਰੋ ਪਤਨੀ ਵੀਰੂ ਸਿੰਘ ਨਿਵਾਸੀ ਕਸਬਾ ਮੱਖੂ ਜਿਲ੍ਹਾ ਫਿਰੋਜ਼ਪੁਰ ਨੇ ਪੁਲਿਸ ਨੂੰ ਦਿਤੇ ਬਿਆਨ ਵਿਚ ਕਿਹਾ ਕਿ ਬੇਟੀ ਮਮਤਾ ਦਾ ਵਿਆਹ ਅਮਨ ਕੁਮਾਰ ਪੁੱਤਰ ਚਰਨਦਾਸ ਨਿਵਾਸੀ ਪਹਾੜਾ ਸਿੰਘ ਚੌਂਕ ਮੋਗਾ ਦੇ ਨਾਲ 31 ਅਗਸਤ 2017 ਨੂੰ ਹੋਇਆ ਸੀ।
ਉਸ ਨੇ ਕਿਹਾ ਕਿ ਇਹਨਾਂ ਦੋਨਾਂ ਦੀ ਲਵ ਮੈਰਿਜ਼ ਹੋਈ ਸੀ। ਵਿਆਹ ਤੋਂ ਕੁਝ ਸਮੇਂ ਬਾਅਦ ਹੀ ਅਮਨ ਕੁਮਾਰ ਅਤੇ ਉਸ ਦੀ ਬੇਟੀ ਦੇ ਨਾਲ ਮਾਰ-ਕੁੱਟ ਕਰਨ ਲੱਗਾ। ਦੇਰ ਸ਼ਾਮ ਡਿਲੀਵਰੀ ਦੇ ਦੌਰਾਨ ਜੱਚਾ-ਬੱਚਾ ਦੋਨਾਂ ਦੀ ਮੌਤ ਹੋ ਗਈ। ਉਸ ਨੇ ਦੱਸਿਆ ਇਸ ਤੋਂ ਬਾਅਦ ਉਸ ਦੇ ਜਵਾਈ ਅਮਨ ਕੁਮਾਰ ਨੇ ਉਹਨਾਂ ਦੋਨਾਂ ਦੀ ਮੌਤ ਦੀ ਸੂਚਨਾ ਦਿਤੀ। ਜਦੋਂ ਉਹ ਸਾਢੇ ਸੱਤ ਵਜੇ ਅਪਣੇ ਬੇਟੇ ਸਨੀ ਅਤੇ ਹੋਰ ਰਿਸ਼ਤੇਦਾਰਾਂ ਦੇ ਨਾਲ ਮੋਗਾ ਵਿਚ ਦਾਈ ਦਰਸ਼ਨਾ ਦੇ ਘਰ ਪਹੁੰਚੀ ਤਾਂ ਦਾਈ ਮੌਕੇ ਤੋਂ ਫਰਾਰ ਹੋ ਚੁੱਕੀ ਸੀ। ਦਾਈ ਨੇ ਦੋਸ਼ ਛੁਪਾਉਣ ਲਈ ਨਵ-ਜੰਮੀ ਬੱਚੀ ਨੂੰ ਇਕ ਬੋਰੀ ਵਿਚ ਪਾ ਕੇ ਘਰ ਵਿਚ ਹੀ ਲੁਕਾ ਦਿਤਾ।
ਉਹਨਾਂ ਨੇ ਇਸ ਦੀ ਸੂਚਨਾ ਥਾਣਾ ਸਿਟੀ ਸਾਊਥ ਦੀ ਪੁਲਿਸ ਨੂੰ ਦਿਤੀ। ਪੁਲਿਸ ਪਾਰਟੀ ਸਮੇਤ ਪਹੁੰਚੇ ਏ.ਐਸ.ਆਈ ਧਰਮਪਾਲ ਸਿੰਘ ਨੇ ਮੌਕੇ ਉਤੇ ਹੀ ਪਤੀ ਅਮਨ ਕੁਮਾਰ ਨੂੰ ਹਿਰਾਸਤ ਵਿਚ ਲੈ ਲਿਆ ਹੈ। ਮ੍ਰਿਤਕ ਔਰਤ ਅਤੇ ਉਸ ਦੀ ਮ੍ਰਿਤਕ ਬੱਚੀ ਦੀ ਲਾਸ਼ ਨੂੰ ਕਬਜੇ ਵਿਚ ਲੈ ਕੇ ਸਿਵਲ ਹਸਪਤਾਲ ਵਿਚ ਰੱਖਿਆ। ਪੁਲਿਸ ਨੇ ਫਰਾਰ ਹੋਈ ਦਾਈ ਦਰਸ਼ਨਾ ਦੇਵੀ ਅਤੇ ਅਮਨ ਕੁਮਾਰ ਦੇ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਅੱਗੇ ਦੀ ਕਾਰਵਾਈ ਸ਼ੁਰੂ ਕਰ ਦਿਤੀ ਹੈ।
