ਸੱਸ-ਸਹੁਰਾ ਕੜਾਕੇ ਦੀ ਠੰਢ ’ਚ ਗਲੀ ਵਿਚ ਰਾਤਾਂ ਕੱਟਣ ਲਈ ਹੋਏ ਮਜਬੂਰ
ਕੋਟਕਪੂਰਾ (ਗੁਰਿੰਦਰ ਸਿੰਘ) : ਕੜਾਕੇ ਦੀ ਠੰਢ ’ਚ ਬੈਠਾ ਬਿਰਧ ਜੋੜਾ ਆਪਣੇ ਉਨ੍ਹਾਂ ਦਿਨਾਂ ਨੂੰ ਯਾਦ ਕਰਕੇ ਪਛਤਾਵਾ ਕਰ ਰਿਹਾ ਹੈ, ਜਦੋਂ ਉਨ੍ਹਾਂ ਨੇ ਆਪਣੇ ਨੌਜਵਾਨ ਪੁੱਤ ਦਾ ਵਿਆਹ ਕੀਤਾ ਸੀ। ਡਾਕ ਵਿਭਾਗ ’ਚ ਲੰਮਾਂ ਸਮਾਂ ਨੌਕਰੀ ਕਰਨ ਵਾਲੇ ਰਾਜੇਸ਼ ਕੁਮਾਰ ਨੂੰ ਨਹੀਂ ਪਤਾ ਸੀ ਕਿ ਬੁਢਾਪੇ ’ਚ ਉਸ ਨਾਲ ਅਜਿਹਾ ਹੋਵੇਗਾ।
PHOTO
ਚਾਵਾਂ ਨਾਲ ਜਿਸ ਪੁੱਤ ਨੂੰ ਪਾਲ-ਪੋਸ ਕੇ ਕਾਬਲ ਬਣਾਇਆ, ਉਸਦੀ ਪਤਨੀ ਨੇ ਆਖਿਰ ਇੱਕ ਦਿਨ ਉਨ੍ਹਾਂ ਨੂੰ ਆਪਣੇ ਹੀ ਘਰੋਂ ਕੱਢ ਕੇ ਘਰ ’ਤੇ ਕਬਜ਼ਾ ਕਰ ਲਿਆ। ਹੁਣ ਉਨ੍ਹਾਂ ਨੂੰ ਆਪਣਾ ਰੈਣ-ਬਸੇਰਾ ਗਲੀ ’ਚ ਹੀ ਕਰਨਾ ਪੈ ਰਿਹਾ ਹੈ। ਇਸ ਪੱਤਰਕਾਰ ਨੇ ਮੌਕੇ ’ਤੇ ਪਹੁੰਚ ਕੇ ਇਸ ਜੋੜੇ ਦੀ ਦਰਦ ਭਰੀ ਕਹਾਣੀ ਸੁਣੀ ਤਾਂ ਗੱਚ ਭਰ ਆਇਆ ਕਿ ਪਰਿਵਾਰਾਂ ਦੀਆਂ ਰੌਣਕਾਂ ਹੁੰਦੇ ‘ਬਾਗਵਾਨ’ ਹੁਣ ਗਲੀ ’ਚ ਰੁਲ ਰਹੇ ਹਨ।
Old age perosn
ਰਾਜੇਸ਼ ਕੁਮਾਰ ਤੇ ਉਸਦੀ ਪਤਨੀ ਸੁਸ਼ੀਲਾ ਵਾਸੀ ਜਲਾਲੇਆਣਾ ਰੋਡ ਕੋਟਕਪੂਰਾ ਨੇ ਦੱਸਿਆ ਕਿ ਉਨ੍ਹਾਂ ਦੀ ਨੂੰਹ ਨੇ ਉਨ੍ਹਾਂ ਵਿਰੁੱਧ ਦਾਜ ਮੰਗਣ ਦਾ ਪਰਚਾ ਦਰਜ ਕਰਵਾਇਆ, ਅਦਾਲਤ ਨੇ ਉਨ੍ਹਾਂ ਨੂੰ ਇਸ ਕੇਸ ’ਚ ਜਮਾਨਤ ਦਿੱਤੀ ਹੈ। ਕੁਝ ਦਿਨ ਪਹਿਲਾਂ ਉਹ ਪੁੱਤ ਨੂੰ ਮਿਲਣ ਗਏ ਜੋ ਘਰੋਂ ਕੰਮਕਾਜ ਲਈ ਬਾਹਰਲੇ ਸ਼ਹਿਰ ਰਹਿੰਦਾ ਹੈ।
old age people
ਪਿੱਛੋਂ ਨੂੰਹ ਨੇ ਘਰ ਦਾ ਜਿੰਦਾ ਤੋੜ ਕੇ ਕਬਜ਼ਾ ਕਰ ਲਿਆ ਹੈ। ਹੁਣ ਇਹ ਪਿਛਲੇ ਚਾਰ ਦਿਨਾਂ ਤੋਂ ਗਲੀ ’ਚ ਠੰਢ ’ਚ ਆਪਣਾ ਸਮਾਂ ਟਪਾ ਰਹੇ ਹਨ। ਆਂਢ-ਗੁਆਂਢ ਦੇ ਲੋਕ ਇਨ੍ਹਾਂ ਨੂੰ ਦੋ ਵਕਤ ਦੀ ਰੋਟੀ ਤੇ ਠੰਢ ਤੋਂ ਬਚਣ ਲਈ ਕੱਪੜੇ ਦੇ ਗਏ। ਜਦੋਂ ਪੁਲਿਸ ਤੱਕ ਪਹੁੰਚ ਕੀਤੀ ਤਾਂ ਉਨ੍ਹਾਂ ਦੀ ਨੂੰਹ ਨੇ ਦਰਵਾਜਾ ਨਹੀਂ ਖੋਲ੍ਹਿਆ ਤੇ ਅੰਦਰੋਂ ਖੁਦਕੁਸ਼ੀ ਕਰਨ ਦੀ ਧਮਕੀ ਦੇਣ ’ਤੇ ਪੁਲਿਸ ਵਾਪਸ ਪਰਤ ਗਈ।
