ਸਤਲੁਜ ਦਰਿਆ ਵਿਚ ਡੁੱਬੇ ਦੋ ਵਿਦਿਆਰਥੀਆਂ ਵਿਚੋਂ ਇਕ ਦੀ ਲਾਸ਼ ਬਰਾਮਦ
ਨੰਗਲ, 16 ਜੁਲਾਈ (ਕੁਲਵਿੰਦਰ ਭਾਟੀਆ) : ਬੀਤੇ ਦਿਨੀ ਨੰਗਲ ਦੇ ਵਾਰਡ ਨੰਬਰ-1 ਪਿੰਡ ਬਰਮਲਾ ਦੇ ਵਿਖੇ ਸਤਲੁਜ ਦਰਿਆ ਵਿਚ ਨਹਾਉਣ ਗਏ ਸਕੂਲੀ ਵਿਦਿਆਰਥੀਆਂ ਵਿਚੋਂ ਅੱਜ ਇਕ ਵਿਦਿਆਰਥੀ ਸ਼ਬਦ ਕੁਮਾਰ ਉਰਫ਼ ਸਤਨਾਮ ਸਿੰਘ ਉਮਰ 14 ਸਾਲ ਦੀ ਲਾਸ਼ ਕੋਟਲਾ ਪਾਵਰ ਹਾਊਸ ਤੋਂ ਬਰਾਮਦ ਕਰ ਲਈ ਗਈ ਹੈ, ਜਦਕਿ ਇਕ ਵਿਦਿਆਰਥੀ ਆਸ਼ੂ ਉਰਫ਼ ਕਾਰਤੀਕ ਉਮਰ 13 ਸਾਲ ਨਿਵਾਸੀ ਕੇਸ਼ਵ ਨਗਰ ਅਜੇ ਵੀ ਲਾਪਤਾ ਹੈ। ਜਿਸ ਦੀ ਭਾਲ ਲਈ ਜਲੰਧਰ ਤੋਂ ਐਨ.ਡੀ.ਆਰ.ਐਫ਼. ਦੀ ਟੀਮ ਨੂੰ ਬੁਲਾਇਆ ਗਿਆ ਹੈ।
ਇਸ ਮੌਕੇ ਜਾਣਕਾਰੀ ਦਿੰਦਿਆਂ ਤਹਿਸੀਲਦਾਰ ਰਾਮ ਕਿਸ਼ਨ ਨੇ ਦਸਿਆ ਕਿ ਪ੍ਰਸ਼ਾਸਨ ਵਲੋਂ ਪੀੜਤ ਪਰਵਾਰਾ ਦੀ ਪੂਰੀ ਮਦਦ ਕੀਤੀ ਜਾ ਰਹੀ ਹੈ। ਇਸ ਮੌਕੇ ਉਨ੍ਹਾਂ ਪੀੜਤ ਪਰਵਾਰਾ ਨੂੰ ਹਰ ਸੰਭਵ ਮਦਦ ਦੇਣ ਦਾ ਭਰੋਸਾ ਦਿਤਾ। ਜ਼ਿਕਰਯੋਗ ਹੈ ਕਿ ਬੀਤੇ ਦਿਨੀ ਦੇ ਨੰਗਲ ਵਾਰਡ ਨੰਬਰ-1 ਪਿੰਡ ਬਰਮਲਾ ਦੇ ਵਿਖੇ ਤਿੰਨ ਦੋਸਤ ਸਤਲੁਜ ਦਰਿਆ ਵਿਚ ਨਹਾਉਣ ਗਏ ਸਨ। ਪਾਣੀ ਦਾ ਵਹਾਅ ਤੇਜ਼ ਹੋਣ ਕਾਰਨ ਇਹ ਤਿੰਨੇ ਵਿਦਿਆਰਥੀ ਸਤਲੁਜ ਦਰਿਆ ’ਚ ਰੁੜ ਗਏ ਸਨ। ਜਦਕਿ ਇਕ ਵਿਦਿਆਰਥੀ ਜੱਸੀ ਪੁੱਤਰ ਹਰੀਸ਼ ਕੁਮਾਰ ਨੂੰ ਕੱੁਝ ਨੌਜਾਵਾਨਾਂ ਨੇ ਤਾਂ ਗੁਰਦਵਾਰਾ ਘਾਟ ਸਾਹਿਬ ਦੇ ਨਜ਼ਦੀਕ ਬਚਾਅ ਲਿਆ ਸੀ। ਜਦਕਿ ਦੋ ਬੱਚੇ ਲਾਪਤਾ ਹੋ ਗਏ ਸਨ।
