ਖੇਤੀ ਕਾਨੂੰਨ ਨੂੰ ਰੱਦ ਕਰਵਾਉਣ ਲਈ ਕਿਸਾਨਾਂ ਦੇ ਹੱਕ ਚਡਟੀਆਂ 5ਪਿੰਡਾਂ ਦੀਆਂ ਬੀਬੀਆਂਨੇ ਦਿਤਾਰੋਸਧਰਨਾ
ਅਹਿਮਦਗੜ੍ਹ/ਜੋਧਾਂ, 16 ਅਕਤੂਬਰ (ਰਾਮਜੀ ਦਾਸ ਚੌਹਾਨ, ਦਲਜੀਤ ਸਿੰਘ ਰੰਧਾਵਾ, ਰਾਜੀ ਦੋਲੋ) : ਕੇਂਦਰ ਦੀ ਮੋਦੀ ਸਰਕਾਰ ਵਲੋਂ ਜਾਰੀ ਕੀਤੇ ਗਏ ੩ ਆਰਡੀਨੈਂਸ ਰੱਦ ਕਰਵਾਉਣ ਲਈ ਇਲਾਕੇ ਦੇ ਪੰਜ ਪਿੰਡਾਂ ਦੀਆਂ ਔਰਤਾਂ ਨੇ ਕਿਸਾਨਾਂ ਦੇ ਹੱਕ ਵਿਚ ਡੱਟ ਕੇ ਇਥੇ ਲਾਗਲੇ ਪਿੰਡ ਗੁੱਜਰਵਾਲ ਦੇ ਬੱਸ ਅੱਡਾ ਵਿਖੇ ਕਾਲੀਆਂ ਚੁੰਨੀਆਂ ਸਿਰਾਂ 'ਤੇ ਲੈ ਕੇ ਰੋਸ ਧਰਨਾ ਦਿਤਾ। ਬੀਬੀ ਸਿਮਰਜੀਤ ਕੌਰ ਮੈਂਬਰ ਬਲਾਕ ਸੰਮਤੀ ਮੈਂਬਰ ਬੀਬੀ ਸਿਮਰਜੀਤ ਕੌਰ ਦੀ ਅਗਵਾਈ ਹੇਠ ਲਗਾਏ ਇਸ ਰੋਸ ਧਰਨੇ ਵਿਚ ਮਹਿਲਾ ਕਾਂਗਰਸ ਦੀ ਬਲਾਕ ਪ੍ਰਧਾਨ ਬੀਬੀ ਗੀਤਾ ਰਾਣੀ ਨੇ ਵੀ ਪਿੰਡ ਮਿੰਨੀ ਛਪਾਰ ਤੋਂ ਬੀਬੀਆ ਦੇ ਜਥੇ ਸਮੇਤ ਸ਼ਮੂਲੀਅਤ ਕੀਤੀ।
ਇਸ ਮੌਕੇ ਵਿਸ਼ੇਸ਼ ਤੌਰ 'ਤੇ ਪੁੱਜੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਓ.ਐਸ.ਡੀ. ਕੈਪਟਨ ਸੰਦੀਪ ਸੰਧੂ ਇੰਚਾਰਜ ਹਲਕਾ ਦਾਖਾ ਨੇ ਔਰਤਾਂ ਦੇ ਵਿਸ਼ਾਲ ਇਕੱਠ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਪਿਛਲੇ 60 ਸਾਲਾਂ ਤੋਂ ਕਿਸਾਨ ਅਪਣੀ ਮਿਹਨਤ ਸਦਕਾ ਲੋਕਾਂ ਤਕ ਅੰਨ ਪਹੁੰਚਾ ਰਿਹਾ ਹੈ, ਕੇਂਦਰ ਦੀ ਮੋਦੀ ਸਰਕਾਰ ਨੇ ਕਿਸਾਨ ਵਿਰੋਧੀ ਆਰਡੀਨੈਂਸ ਜਾਰੀ ਕਰ ਕੇ ਦੇਸ਼ ਦੇ ਅੰਨ ਦਾਤਾ ਨੂੰ ਮੰਗ ਦਾ ਪਾਤਰ ਬਣਾ ਕੇ ਰੱਖ ਦਿਤਾ ਹੈ। ਜੇਕਰ ਮੋਦੀ ਨੇ ਇਨ੍ਹਾਂ ਕਾਲੇ ਕਾਨੂੰਨਾਂ 'ਤੇ ਕੰਮ ਕਰਨਾ ਸ਼ੁਰੂ ਕਰਤਾ ਤਾਂ ਅਸੀਂ ਤਬਾਹ ਹੋ ਜਾਂਵਾਗੇ। ਇਹ ਕਾਲੇ ਕਾਨੂੰਨ ਸਿੱਧੇ ਤੌਰ 'ਤੇ ਸਾਡੇ ਪੇਟ 'ਤੇ ਲੱਤ ਮਾਰਨ ਦੇ ਬਰਾਬਰ ਹੈ। ਉਨ੍ਹਾਂ ਕਿਹਾ ਕਿ ਬੀਬੀਆਂ ਨੇ ਕਿਸਾਨਾਂ ਦੇ ਹੱਕ ਵਿਚ ਰੋਸ ਮੁਜ਼ਾਹਰਾ ਕਰ ਕੇ ਕਿਸਾਨ ਹਿਤੈਸ਼ੀ ਹੋਣ ਦਾ ਸਬੂਤ ਦਿਤਾ ਹੈ। ਉਨ੍ਹਾਂ ਕਿਹਾ ਕਿ ਇਕ ਪਾਸੇ ਕਿਸਾਨਾਂ ਨੂੰ ਦਿੱਲੀ ਗੱਲਬਾਤ ਲਈ ਬੁਲਾਇਆ ਜਾਂਦਾ ਹੈ, ਪਰ ਦੂਜੇ ਪਾਸੇ ਕੇਂਦਰ ਦੇ ਮੰਤਰੀ ਕਿਸਾਨਾਂ ਨੂੰ ਬਿੱਲਾਂ ਦੀ ਜਾਣਕਾਰੀ ਦੇਣ ਲੱਗ ਜਾਂਦੇ ਹਨ। ਕਿਸਾਨ ਅਤੇ ਹਰ ਵਰਗ ਦੇ ਲੋਕ ਹੁਣ ਜਾਗਰੂਕ ਹੋ ਚੁੱਕੇ ਹਨ। ਕਿਸਾਨਾਂ ਦੇ ਸੰਘਰਸ਼ ਅੱਗੇ ਮੋਦੀ ਸਰਕਾਰ ਨੂੰ ਝੁਕਣਾ ਪਵੇਗਾ।
ਇਸ ਮੌਕੇ ਬੀਬੀ ਸਿਮਰਜੀਤ ਕੌਰ ਗਰੇਵਾਲ, ਬਲਾਕ ਪ੍ਰਧਾਨ ਬੀਬੀ ਗੀਤਾ ਰਾਣੀ, ਪਿਰਤਪਾਲ ਕੌਰ, ਪੰਚ ਰਮਨਜੀਤ ਕੌਰ, ਪੰਚ ਜਸਵੀਰ ਕੌਰ, ਪੰਚ ਮਨਦੀਪ ਕੌਰ, ਗੁਰਪ੍ਰੀਤ ਸਿੰਘ ਗੱਗੂ ਗਰੇਵਾਲ, ਪੰਚ ਕਲਦੀਪ ਸਿੰਘ, ਲਖਵਿੰਦਰ ਸਿੰਘ ਸਾਬਕਾ ਸਰਪੰਚ, ਰਣਜੀਤ ਕੌਰ, ਕਾਸ਼ਰ ਭੱਟੀ ਆਦਿ ਹਾਜ਼ਰ ਸਨ।
ਫੋਟੋ ਚੋਹਾਨ 01
ਕੈਪਸ਼ਨ : ਗੁੱਜਰਵਾਲ ਵਿਖੇ ਬੀਬੀਆ ਵਲੋ ਲਗਾਏ ਰੋਸ ਧਰਨੇ ਮੋਕੇ ਕੈਪਟਨ ਸੰਦੀਪ ਸੰਧੂ ਤੇ ਬੀਬੀਆ ਦਾ ਇਕੱਠ।
ਬੀਬੀਆਂ ਨੇ ਰੋਸ ਮੁਜ਼ਾਹਰਾ ਕਰ ਕੇ ਕਿਸਾ
Photoਨ ਹਿਤੈਸ਼ੀ ਹੋਣ ਦਾ ਸਬੂਤ ਦਿਤਾ : ਕੈਪਟਨ ਸੰਧੂ
